SIMIN 2:2 - Wa Common Language Translation

² “Pui ku kaux khaing daux ceu pui Isarelax khankix, tak peung ti ot tau mai bang glawk cie cao kix, hawt praok man chix nyiex ma keeing nawh khankix, kix tak bang hawt vung viang see nyiex gox bwan man bang kum pui hun khawm pon daog heue.

SIMIN 2:2 Iomraidhean Croise

YAOGYAW 74:4

Pui pa koeng ka Maix khankix, kok yo sinax pui Maix heue. Sakse Maix, kix yuh mawh sakse cie tix heue.

YAOGYAW 76:11

Kaux sijax mukheu, awm pa hoik yuh maix ti deuh sijax mukheu ka Siyiex pex awx. Kieh can pui pa ot sivie Maix, viex totaix hoek ka Maix mai lhat graung ka Maix Cao heue.

ISAYAX 12:6

Can pui pa ot ka daux veng Zion khankix eue, gaux rhawm mai kok yo lox sinum ka, grawh grawng nawh, cao pa ting lhaong pa singax ceu pui Isarelax khankix pa ot ka daux sigreung pex heue.

ISAYAX 18:3

Can pui pa ot ka piang haktiex khankix mai pui pa ot ka piang tiex khankix eue, yam yaog nawh ti pak chix ka piang gawng khankix maix jhak heue. Yam phlu nawh teettawng mai nghiet heue.

YEZAKELAX 43:7

mai Nawh ah nin ka aux, “Kawn pui eue, in mawh dang ngeung Aux mai mawh dee deuh Aux caong tix, ka sinax kawn praix ceu pui Isarelax leeing ju. Nyiex ma ceu pui Isarelax tak ang lai salao ceu kaux pa singax Aux khaix in tix bawg kawx, cao kix mai simiang kix, ang lai lud vao mai ang krub riang yum simiang kix ka dee pa lhaong kix heue.

ZAKHARIX 9:16

Daux singaix an, Siyiex, pa mawh Siyiex kix, tak sang taoh kix awm cub phung yung pui Nawh Cao heue. Grawh grawng nawh, kix tak sang mawh pa awm siang simaox khankix pa koe ka piang mhok khri mai pa hoik yaog tix, awm man chix tix pheen ka piang haktiex Nawh Cao heue.

SIMIN 1:50

Viang mawh nan maix tak tawx beeh glawm ka ceu pui Lewix, son kaing jhaw daux nyiex gox bwan man pa koe teug kham mhai ruk sijax mukheu mai ka piang kraung khrai pa shiao ka daux nyiex gox bwan man khawmuik mai can ceu pa mawh cie daux nyiex gox bwan man khawmuik heue. Kix tak mawh pa klawm nyiex gox bwan man mai kraung khrai nawh khankix hu khawmuik, kix tak yuh kaing nyiex gox bwan man mai peung tix ot hawt vung viang praok nyiex gox bwan man heue.

SIMIN 10:14

Cub nyiex bang Yudax khankix lih hu sivoe tau mai chix kru naing tix, Nashon kawn simex Aminadat mawh cao kaing naing ka piang cub pui Yudax.

SIMIN 10:18

Cub nyiex bang Rubin khankix lih hu tau mai chix kru naing tix, Elizurax kawn simex Shedurax mawh cao kaing naing ka cub pui Rubin.

SIMIN 10:22

Cub nyiex bang Epharem lih hu tau mai chix kru naing tix, Elishama kawn simex Amihut mawh cao kaing naing ka cub pui Epharem.

SIMIN 10:25

Cub nyiex bang Dan ghoit ti hu tau mai chix cub kru naing tix, Aheza kawn simex Amishadie mawh cao kaing naing ka cub pui Dan.

SIMIN 2:1

Simiang Siyiex ah nin ka Mose mai Arun,

SIMIN 2:10

“Ka plak seh tak mawh cub glawk riang rao kru naing pa koe tau mai man chix Rubin, awm pa mawh dee ot son kru naing cie kix khankix mai cao kaing naing ceu pui Rubin, tak mawh Elizurax pa mawh kawn simex Shedurax heue.

SIMIN 2:3

Ka plak lih singaix, ka dee hoik ciak dah dee son kix, mawh glawk cie cub kru naing ceu pui Yudax tau mai man chix cie nawh mai kix tak bang tan, awm koe kru naing kix. Nashon pa mawh kawn simex Aminadat tak mawh cao kaing naing ceu pui Yudax heue.

SIMIN 24:2

Balam maong ti jhak mai yaox ka bang ceu pui Isarelax khankix, awm pa koe doeh ru kix tix ceu hoik tix ceu mai khwan singax Siyiex lih ka piang nawh,

1 KAWRINTHUX 14:33

Grawh grawng nawh, Siyiex ang lai mawh Siyiex pa kieh sung sang, mawh Siyiex pa nhim heue. Awm ka daux ceu cao pui pa singax khankix khawmuik,

1 KAWRINTHUX 14:40

Viang mawh nan kieh yuh kuceu khawmuik awm pa khaw mai pa nyawm ti jhak heue.

PHILIPPIX 1:27

Kieh ngie pa yuh pex keung mai been lox bwan gaux rhawm gaux rhi Cao Khrit, yuh ka mawx phan aux hoek ka pex ang ah, siyang ot ang ah, aux tak pon ti mhong grawng kaux cong pex mai viex khuan tix mu mai rhawm tix mu khaing, mai niet ti yuh son krax yum rhawm pa dex dawt mai lox bwan gaux rhawm gauxrhi,

KAWLAWSIE 2:19

ang giex tom cong ka pa mawh kaing, khaing Nawh pa mawh dee lih pon tawx riang ka tokaux khawmuik, kleuk paox tix tau ka jhong mai siniag khankix, haok huan ka pa kieh Siyiex haok huan heue.

YAWSUX 3:4

Viang mawh nan, khwi bwan sijax mukheu tak khan sinax pex ra rheng sawk, ka plak dee hoik tiag pex ti deuh. Paw doh hoek dex nawh sonsang tawng daux krax pa sang hu pex heue. Mawh kheu ang pex nyang sax tiang ti hu ka daux krax in, glang ka singaix in.”