SIMIN 18:2 - Wa Common Language Translation

² Viex puxaik maix khanix, pa mawh doeh ru pui Lewix mai doeh ru keeing maix hoek ka maix, sonsang kleuk kix tix tau mai maix mai yuh kaing jhaw tau mai maix, yam ot maix mai kawn simex maix khankix sivoe nyiex gox bwan man teug sijax mukheu.

SIMIN 18:2 Iomraidhean Croise

YAM JAH 29:34

Nawh baox koe kaux mai keh kawn simex tix kaux ah nin, “Mawh kheu hoik keh aux kawn simex loe kaux son nawh, yam in, mex aux tak nie lheu moh ka aux phao, ” kiex tom kok ceu kaux nawh mawh Lewix heue.

YEZAKELAX 44:15

Yam hoik lud hu ceu pui Isarelax mai lih khaing Aux, cao giex kaing li ceu pui Lewix kawn simex Zadok khankix pa kawn priex rien mai yuh kaing dee pa singax singeh Aux, kix tak pon ti yuh kaing Aux mai greed tix hoek dex Aux, sonsang tan krax tan krax lu pa gleeing klon bee mai nham ka Aux, Siyiex ah nan heue.

2 GRAWNG BEEN 30:16

Kix cung ti ot ka dee ot tix, awm pa koe been kix, awm gumlox beenli pa hoik tawm Mose pui Siyiex; cao giex kaing li khankix phruat nham pa hoik rieb kix ti teei khaing tawm taix Lewix khankix heue.

SIMIN 18:4

Kix tak kleuk tix tau mai maix mai yuh kaing jhaw nyiex gox bwan man bang kum, son kaing jhaw nyiex gox bwan man khawmuik mai pui tang kaux tak ang pon ti hoek dex pex.

SIMIN 17:7

Mose deuh khaox grix an khankix, ka plak sivoe Simiang Siyiex, ka daux nyiex gox bwan man teug bwan sijax mukheu.

SIMIN 16:40

Sonsang mawh krax pa doh keud, son ceu pui Isarelax khankix mai son ang pui tang kaux pa ang mawh doeh ru Arun yuh cao giex kaing li son ang pon gleeing nyawng bhawng ka plak sivoe Simiang Siyiex, ha kox lih awm Korax mai paox cub paox caw nawh, awm pa hoik krai Simiang Siyiex ka Eliza khaing pa hoik tawm ka Mose heue.

SIMIN 8:22

Khaix an ceu pui Lewix laig ka daux nyiex gox bwan man bang kum, ka plak sivoe Arun mai kawn simex nawh khankix, sonsang yuh kix kaing jhaw awm lox pa hoik tawm Simiang Siyiex ka Mose son grawng pa dex mai ceu pui Lewix, mawh kheu nan kix yuh an ka piang kix heue.

SIMIN 8:19

Aux hoik tawx ceu pui Lewix khankix awm totaix tix ceu son Arun mai kawn simex nawh khankix khaing daux sinax ceu pui Isarelax, sonsang yuh kix kaing son ceu pui Isarelax ka daux nyiex gox bwan man bang kum mai sonsang yuh kix krax pa khyox khaw mai krax pa pluat ploi son ceu pui Isarelax khankix, son ang krax pa laux leeing lai koe daux sinax ceu pui Isarelax, yam hoek ceu pui Isarelax khankix dex dah dee pa singax heue.”

SIMIN 4:15

Yam hoik tawb Arun mai kawn simex nawh khankix ka dee pa singax singeh mai can kraung khrai pa shiao kix son dee pa singax singeh khawmuik, yam deeh lih hu kix khaing nyiex bang tix, khaix an kawn simex Kawhat khankix tak hoek ti klawm ceu an khankix hu heue. Viang mawh nan kix tak ang pon ti hu krox hu teeh ka ceu pa singax an tix ceu kawx, son ang kix pon ti hoek krax yum. Inkix mawh can ceu pa koe ka daux nyiex gox bwan man bang kum pui hun, pa sang klawm kawn simex Kawhat hu heue.

HEBRIE 9:6

Khaix hoik cox ceu in khankix yuh nin, cao giex kaing li khankix, ca laig ka daux nyiex gox plak praix tix nyiex ku jheung jheung ti yuh kaing krub heue.

SIMIN 1:53

Viang mawh nan ceu pui Lewix tak bang tix ot hawt vung viang nyiex gox bwan man Teug kham mhai ruk, son ang krax song rhawm lih tix koe ka piang cub caw pui hun ceu pui Isarelax khankix mai ceu pui Lewix tak mawh pui pa priex rien ka nyiex gox bwan man Teug kham mhai ruk heue.”

SIMIN 3:5

Simiang Siyiex ah nin ka Mose,

YEZAKELAX 44:11

Kix tak mawh pa yuh kaing jhaw ka dee pa singax singeh Aux mai pau diang siviex nyiex bwan mai yuh kaing jhaw daux nyiex bwan, kix tak mawh cao pa pah krax tan pa gleeing mai krax tan pa appong tix son pui mai kix tak yaox ti cung ka plak sivoe pui, sonsang yuh kaing son kix heue.

MALAKHIX 2:4

Pex tak sang tawng ka hoik ploi Aux gumlox pingnyap in hoek ka pex, sonsang kieh gumlox sijax mukheu yuh aux tau mai ceu pui Lewix koe sijheung heue. Siyiex cao kru naing raoma ah nan heue.