SIMIN 18:1 - Wa Common Language Translation

¹ Simiang Siyiex ah nin ka Arun, “Maix mai kawn simex maix khawm nyiex ma keeing maix pa ot tau mai maix, tak yaox ti klawm phimap pa dex dee pa singax singeh, maix mai kawn simex pa ot tau mai maix khankix, tak yaox ti klawm phimap grawng pa yuh cao giex kaing li.

SIMIN 18:1 Iomraidhean Croise

LIH HU 28:38

Khlawp plah khri an tak koe ka piang dong re Arun, sonsang mawh Arun cao pa klawm phimap pa dex mai pa tan pa singax Pui Isarelax mai viex hoek sigrah sonsang mawh krax tan pa singax mai khlawp khri an kieh ot piang dong re Arun jheung jheung sonsang pon mawh kix pa rieb ti teei ka sivoe ngai Siyiex.

1 PETRUX 2:24

Kaw pa hoik kham geu phimap ex piang khaox, ka daux tokaux tix, sonsang mawh ex pa hoik yum ka phimap mai deeh im ka pa rahsee heue. Kheu khaix rhoi Nawh, pex hoik pon ti deeh moi heue.

HEBRIE 13:17

Nghiet ka kix pa giex kaing ka piang pex mai cu nghiet ka kix, grawh grawng nawh kix mawh pa pau ka son ju pex, awm kix pa tak sang kham ceu pa chawk ka grawh grawng pex. Kheu son pa yuh kix nan tak mawh ka krax gaux rhawm mai tak ang mawh ka krax pa khi rhawm, mawh kheu phan mawh ka krax khi rhawm tak ang koe bwanson son pex heue.

HEBRIE 4:15

Grawh grawng nawh ex ang koe cao giex kaing li pa ting pa ang chix caux rhawm ka ceu pa iak riang ex khankix, ex koe Kaw pa hoik sax yaox ti kham krax nyaw glaw ka can ku ceu ku blawng khawmuik, Nawh ang yuh phimap heue.

ISAYAX 53:11

Nawh tak yaox bwanson kaing jhaw pa yuh Nawh mai koe krax pa fah rhawm fah rhi ka. Ka daux krax tawng yung ka siliex pa rahsee Aux, tak kieh pui tom nie koe krax pa rahsee. Nawh tak yaox ti kham son phimap kix heue.

ISAYAX 53:6

Ex khawmuik, hoik awm yung pa lud krax, ex ku kaux hoik tang veeh ti hu daux krax cao tix mai Siyiex hoik deuh phimap phighram ex khawmuik ka piang Nawh heue.

SIMIN 17:13

Can pui pa hoek dex nyiex gox bwan man Simiang Siyiex ku kaux tak yum, mawh tak sang yaox yix ti yum khawmuik lie?”

SIMIN 17:7

Mose deuh khaox grix an khankix, ka plak sivoe Simiang Siyiex, ka daux nyiex gox bwan man teug bwan sijax mukheu.

SIMIN 17:3

tiem ceu kaux Arun ka piang khaox grix ceu pui Lewix. Mawh kheu doeh nyiex ma keeing kix, tak caw tix koe khaox grix tix nyiex tix gawng.

SIMIN 14:34

Awm bawg yam hu jiang pex ka haktiex an tixpon singaix, tix ngaix tak deuh mawh tix num, pex tak yaox ti kham geu phimap yuh tix tixpon num mai pex tak tawng krax pa tik vud Aux pex.

KRUB 22:9

Mawh kheu nan kix tak priex ti hawt gumlox beenli Aux, phan ang mawh nan, kix tak yaox ti kham geu phimap tix mai yum, Aux mawh Simiang Siyiex pa kieh pex singax singeh.

KRUB 10:17

“Pex lai ang ih krax tan son pa pluat ploi phimap ka dee pa singax singeh yuh ka mawx? awm hoik mawh ankix pa kied singax singeh, pa tawx Siyiex ka pex, sonsang klawm pex phimap cub pui hun khankix mai sonsang yuh pex krax khyox khaw mai krax pluat ploi phimap son kix sivoe Simiang Siyiex.

KRUB 22:16

mai tak ang kieh kix kham geu ka phimap pa hoik lud kix, kheu hoik pon kix ti ih ka krax tan pa singax singeh khankix, grawh grawng nawh Aux mawh Simiang Siyiex pa kieh kix singax singeh heue.”

SIMIN 3:6

“Teei doeh ru pui Lewix khankix hoek dee dex mai deuh kix ka plak sivoe cao giex kaing li Arun, sonsang pon kix ti yuh kaing jhaw son nawh heue.

SIMIN 16:10

Nawh Cao hoik viex pex hoek dex ka tokaux tix maix mai khawm pux aik maix pa mawh kawn ceu pui Lewix tau, mai maix ang mawh lie? Pex kawn sawg ka ara cao giex kaing li lie?

SIMIN 18:11

In baox mawh cie maix. Krax tan pa yaog khaing daux totaix kix, tau mai krax tan pa yang yeuh cie kawn praix Isarelax khankix, Aux tak tawx an khankix, son maix khawm son kawn simex kawn bun maix, pa koe tau mai maix, awm beenli pingnyap leeing ju, pui pa singax singeh ku kaux khaing daux nyiex ma maix, tak pon ti ih.

PINGNYAP 10:8

Yam an Simiang Siyiex tang gwieh pui Lewix, tawx beeh glawm kieh klawm teug bwan sijax mukheu Simiang Siyiex, sonsang cung kix ka plak sivoe Simiang Siyiex mai yuh kaing jhaw son Nawh Cao mai sonsang nawb kix bwan ka daux min ceu kaux Nawh Cao tom hoek in singaix.

CAO PRAWNG 17:12

Mawh kheu nan Mikha yaog pui Lewix an mawh cao giex kaing li mai pui awn ju an lih ti mawh cao giex kaing li nawh mai ot ka daux nyiex Mikha heue.

YEZAKELAX 4:4

“Khaix an maix deeh it praok paw khawn gwiex tix mai deuh phimap nyiex ma ceu pui Isarelax ka piang an heue. Bawg yam singaix pa it maix rheung miex grheung, awm an maix tak kham geu phimap kix rheung awm bawg yam singaix an heue.”