SIMIN 16:5 - Wa Common Language Translation

⁵ nawh sikah ka Korax mai cub paox nawh khankix ah nin, “Daux ponngawb pasax, Simiang Siyiex tak jhi, pui mawx mawh pui Nawh Cao, mai mawh pui mawx pa singax singeh, tak kieh nawh hoek dex Nawh Cao, mawh pui mawx pa sang laug Nawh Cao ka! Nawh tak kieh kix hoek dex Nawh Cao,

SIMIN 16:5 Iomraidhean Croise

YAOGYAW 105:26

Khaix an Nawh Cao laug ti teei mai ploi siliex Nawh Mose mai Arun heue.

YAOGYAW 115:10

Doeh ru Arun eue, deuh rhawm ka Siyiex heue. Nawh Cao mawh Cao pa teem ka ru Arun mai Cao pa tiebtie ka pex heue.

YAOGYAW 65:4

Pui pa hoik laug Maix ti teei mai pui pa greed ti hu ka daux nyiex bwan Maix khankix koe bwanson heue. Kieh ex sak ka ceu pa mhawm, pa koe ka daux nyiex Maix mai pa koe ka daux nyiex bwan pa singax singeh Maix heue.

LIH HU 28:1

“Maix tak teei puxke tix Arun, khawm kawn simex nawh khankix, khaing daux pui Isarelax, sonsang mawh kix pui pa yuh kaing cao giex kaing li son Aux. Arun mai kawn simex nawh Nadat, Abihux, Eliza, Itama tak mawh cao giex kaing li greem maix.

LIH HU 28:41

Maix tak ceep ankix ka piang puxke tix Arun mai ka piang kawn simex nawh khankix. Maix tak groi bee ka kix, appong kix mai kieh kix singax, sonsang mawh kix pa yuh kaing jhaw cao giex kaing li son Aux.

LIH HU 28:43

Kraung ceep ankix, tak koe ka piang Arun mai kawn simex nawh khankix, yam hoek kix ka daux nyiex gox bwan man bang kum pui hun. Phan ang mawh nan kix tak ceep kraung ankix yam hoek kix hawt dex khu dee tan son kaing jhaw Siyiex ka dee pa singax, son ang kix koe phimap mai yum. In mawh grawng beenli pa caw ti yuh leeing ju, nawh khawm doeh ru nawh khankix heue.

YERAMIX 30:21

Ru kix khankix tak sang mawh simiang kix mai cao pa kwang ka kix tak sang mawh pa kaoh khaing daux sinax kix. Khaix an Aux tak kieh kix greed tix dex mai kix tak greed tix hoek dex Aux heue. Siyiex ah nin, mawh pui mawx pa kan rhawm tix sang greed tix dex Aux lie?

YERAMIX 49:19

Jhak heue, nawh tak sang kaoh awm sivai sangsi khaing daux tiag hawt rawm klawng Yawdan mai hoek ka dee ot pui pa kaux cong khankix heue. Viang mawh nan, Aux tak sang kieh nawh to sijaox khaing nawh heue. Aux tak laug mai yaog pui pa sang kwang piang nawh heue. Grawh grawng nawh, mawh pui mawx pa sang awm aux lie? Mawh pui mawx pa pon tat bawg yam piang Aux lie? Mawh cao liang yung mawx, pa pon cung ka plak sivoe Aux lie?”

YERAMIX 50:44

Jhak heue, nawh tak sang kaoh awm sivai sangsi, khaing daux tiag hawt rawm klawng Yawdan mai hoek ka dee ot dee koe pui pa kaux cong khankix heue. Viang mawh nan, Aux sang kieh nawh to sijaox khaing nawh heue. Mai Aux tak laug mai yaog pui pa sang kwang piang nawh heue. Grawh grawng nawh, mawh pui mawx pa pon tat bawg yam piang Aux lie? mawh cao liang yung mawx pa pon cung ka plak sivoe Aux lie?”

YEZAKELAX 40:46

Lawg an pa veeh ngai tix ka plak laong mawh sonsang ot cao giex kaing li pa koe beeh glawm ti yuh kaing ka khu dee tan, inkix mawh kawn simex Zadok, pa kaoh khaing daux cub kawn simex pui Lewix khankix, pa pon greed ti dex Siyiex khaing sonsang yuh kaing jhaw ka son Nawh Cao heue.

YEZAKELAX 43:19

Maix tak tawx kawn mawie mhaing awn ju tix mu, son krax tan pa pluat ploi phimap ka cao giex kaing li ceu pui Lewix khaing nyiex ma Zadok, pa greed ti hoek dex Aux, sonsang yuh kaing jhaw Aux khankix, Siyiex ah nan.

YEZAKELAX 45:4

An tak mawh haktiex dee pa singax singeh tidah, pa mawh nyum son cao giex kaing li pa yuh kaing ka dee pa singax singeh mai cao pa greed ti hoek dex Siyiex, sonsang yuh kaing jhaw Nawh mai tak mawh dee sum tix ot kah mai mawh dee pa singax singeh sonsang sum dee pa singax singeh kah heue.

KRUB 10:3

Mose ah nin ka Arun, “Siyiex hoik krai ah nin, Aux tak mawh pa singax singeh sinax ceu pui pa dex mai Aux mai sivoe pui hun khankix Aux tak mawh pa koe min plakngai, “Arun ot yiien yawg tix.

KRUB 8:2

“Viex Arun mai kawn simex nawh khankix tau mai kraung ceep mai bee pa sang groi mai mawie mhaing son krax tan pa pluat ploi mai kawn yung mhaing ra mu mai blah pa ang sau susaix tix khrawng,

MALAKHIX 3:18

Yam an pex tak sang deeh tawng ti gwieh sinax pui pa rahsee mai pui pa caox caig, sinax pui pa yuh kaing krub ka Siyiex mai pui pa ang yuh kaing krub ka Siyiex heue.

SIMIN 16:3

Kix khrawm paox ti, sonsang tieh feen ka Mose mai Arun mai kix ah nin ka kiex, “Kaing yuh pax kied sidaing kin, mawh kheu pui hun khawmuik mawh pa singax singeh ku kaux mai Simiang Siyiex ot sinax kix, yuh ka mawx pax lai kawn sang yuh tix ting ka piang cub pui hun Simiang Siyiex?”

SIMIN 16:6

Korax mai paox cub maix khawmuik eue, yuh awm in, viex pan ngu hoek,

SIMIN 17:5

Khaox grix pui pa laug Aux, tak pruh tai, mawh kheu nan Aux tak kieh lox ngia khaing pui Isarelax mai lox ngia pa tieh feen kix ka maix yiien.”

SIMIN 17:8

Ka daux singaix pasax, Mose laig ka daux nyiex gox bwan man dee koe teug bwan sijax mukheu, jhak heue, khaox grix Arun, khaing nyiex ma ceu pui Lewix hoik glaoh lhax, lih tix koe tux, pruh tai mai lih ti koe plix khaox batan pa teem.

YOHAN 15:16

Pex laug ti teei Aux ang mawh, viang mawh nan Aux hoik laug ti teei pex hoik ciak ti deuh pex, yuh ka mawx sonsang hu plix pex plix sonsang kaux cong plix pex heue. Kheu pex sang rawg ceu patix ang ah, ka Keeing Cao ka daux ceu kaux Aux, Nawh sang tawx ka pex.

KAWNCAU 1:2

Tom sidah hoek singaix pa rieb ti teei Nawh Cao haok, khaix hoik tawm Nawh lox ka daux Khuan Singax, ka kawncau pa ting Nawh khankix, pa hoik laug Nawh ti teei heue.

KAWNCAU 1:24

Kix rawg bwan ah nin, “Simiang eue, Maix pa tawng rhawm kawn pui khawmuik, ka daux kiex ra kaux pa hoik laug Maix, mawh kaw pa yuh ka mawx jhi ex yaox liak.

KAWNCAU 13:2

Yam kawn tak krub kix ka Simiang Yesux mai twah pa ih. Khuan Singax Singeh ah nin, “Gwieh ti een Banabax mai Sawlux, son kaing pa hoik kok Aux kiex yuh heue.”

KAWNCAU 15:7

Khaix hoik chawk cheng paox tix tom nie, Petrux kaoh cung mai ah nin ka kix, “Puxaik khankix eue, pex tawng grawng Siyiex hoik laug ti teei khaing ka daux ex, daux yam nhaox nhaox, sonsang kieh pui tang ceu khankix mhong gumlox bwan gaux rhawm khaing daux jheeh aux mai yum rhawm heue.

KAWNCAU 22:14

Nawh baox ah nin, Siyiex tax keeing ex, hoik ciak tix kieh maix tawng alo Nawh Cao mai kieh maix yaox Kaw pa rahsee mai sonsang mhong lox pa lih khaing jheeh Nawh heue.

EFESUX 2:13

Yam in ka daux Yesux Khrit, pex pa hoik singai tix bawg, hoik kieh dex kheu nham Cao Khrit heue.

2 TIMOSE 2:19

Viang mawh nan jaong num Siyiex kaux cong, pa koe cum yuh nin, “Simiang Siyiex tawng kix pa mawh cie tix,” mai khawm pa ah, “Kieh pa kok ka ceu kaux Simiang Siyiex ku kaux daux pui lih hu khaing pa ang rahsee heue.”

HEBRIE 12:14

Nied ti coca sonsang koe krax nhim tau mai pui khawmuik mai ceu pa singax phan pui ang koe, tak ang pon ti yaox ka Simiang tix kaux kawx heue.

PLAK JHI 1:6

mai hoik yuh tix kieh ex mawh simiang mai cao giex kaing li ka Siyiex mai Keeing Nawh, kieh Nawh koe min plakngai mai sibrawm ku ju leeing ju liak. Amen.

1 SAMOELAX 2:28

Aux hoik laug nawh khaing doeh nyiex ma pui Isarelax, sonsang mawh cao giex kaing li Aux, sonsang yuh krax tan piang khu dee tan Aux mai gleeing kix nyawng bhawng mai ceep sibex dhah dawd taix plak sivoe Aux, Aux hoik ap krax tan pa yuh ka ngu khaing pui Isarelax ka doeh nyiex ma keeing maix.