SIMIN 15:4 - Wa Common Language Translation

⁴ nawh tak viex krax tan tix hoek ka Simiang Siyiex, pa mawh krax tan phawng nghox ca im kao son tix son khaing tix Epha mai phawng nghox ca ceu pa mhawm, pa hoik klao ti tau ka bee pon son tix son, khaing tix heng,

SIMIN 15:4 Iomraidhean Croise

EZARAX 7:17

mawh kheu nan yam in maix teei mau in mai nied teei ti tawx mawie mhaing, yung mhaing mai kawn yung iak khankix tau mai krax tan phawng nghox ca im mai khawm ka pa nyaux khankix mai tan ceu an piang khu dee tan nyiex bwan Siyiex daux veng Yerusaliem heue.

LIH HU 29:40

Pa tan tau mai kawn yung tix mu, tak mawh mien nghox ca im kao son tix son tix Epha pa klao tix tau mai bee khaox Sanlun pon son tix son pa mawh tix Hing mai rawm plix siiet pon son tix son pa mawh tix Hing, son krax tan pa nyaux.

ISAYAX 66:20

Kix tak sang viex puxaik pex khankix hoek khaing daux haktiex tang meung khawmuik, ka piang brung mai ka daux ling lawx brung mai ka daux khreng klawm khankix mai ka piang la mai ka piang kala uk khankix, bleeh ka gawng pa singax Aux, veng Yerusaliem son krax pa tan ka Siyiex awm viex kawn praix ceu pui Isarelax khankix krax tan hoek ka daux tawg klong pa singax mai laig ka daux nyiex bwan Siyiex. Siyiex ah nin,

YEZAKELAX 46:14

Maix tak yuh krax tan phawng nghox ca im ponngawb ku ngawb, pa koe diang liah son tix son daux tix Epha mai loe son tix son khaing daux tix Heng rawm bee, sonsang caux yuh ka phawng nghox ca, in mawh been krax tan phawng nghox ca im pa caw ti yuh ka son Siyiex jheung jheung heue.

KRUB 1:13

mai nawh tak sigrhah kraung vaig mai caong khankix ka rawm, cao giex kaing li tak viex nawh khawmuik mai gleeing piang khu dee tan, kieh mawh krax tan pa gleeing ka ngu pa sioe bhawng ka Simiang Siyiex,

KRUB 14:10

Yam hoik hoek ka daux daix singaix, nawh tak teei kawn yung mhaing ra mu, pa ang koe dee mat dee ne mai kawn yung shiang tix mu, pa tak naog num, pa ang koe dee mat dee ne mai nawh tak baox teei phawng ngox ca im pa jiet mhawm, loe son khaing kao son ka daux tix Epha pa hoik klao ti mai bee, son krax tan phawng ngox ca im mai bee tix lawga.

KRUB 2:1

Yam pui tix kaux kaux tan phawng nghox ca im ka Siyiex, kieh nawh viex phawng ngox ca im pa mhawm mai see bee piang phawng nghox ca im an mai baox sau lawban kah,

KRUB 2:15

Maix tak sau bee piang an mai baox sau lawban piang an, an mawh krax tan phawng nghox ca im.

KRUB 23:13

Krax tan phawng nghox ca im pa dex dawd mai to tan an tak mawh phawng nghox ca im pa hoik klao ti tau mai bee kao son ra son khaing tix Epha pa mawh krax tan pa gleeing ka Simiang Siyiex, son pa sioe bhawng, krax tan pa nyaux tak mawh rawm plix siiet pon son tix son khaing tix hing loe awga.

KRUB 3:7

Phan nawh sang yuh krax tan ka kawn yung tix mu, nawh tak ap an ka sivoe Simiang Siyiex,

KRUB 6:14

“In mawh grawng been son krax tan phawng nghox ca im, kawn simex Arun khankix tak tan an piang khu dee tan, sivoe Simiang Siyiex.

MALAKHIX 1:11

Grawh grawng nawh jah khaing baoh dee lih singaix, tom hoek ka baoh dee klip singaix, ceu kaux Aux tak sang mawh pa ting lhaong ka daux sinax ceu pui tang ceu, ka baoh dee an kix kudah tak sang tan nyawng bhawng ka ceu kaux Aux mai khawm krax tan pa singax, grawh grawng nawh, ceu kaux Aux, tak sang mawh pa ting lhaong ka daux sinax ceu pui khankix. Siyiex cao kru naing raoma ah nan heue.

SIMIN 28:12

Mai phawng nghox ca ceu pa mhawm, kao son loe son khaing tix epha mawh son mawie mhaing tix mu, krax tan phawng nghox ca ceu pa mhawm pa hoik klao tau mai bee kao son ra son khaing tix epha son yung tix mu,

SIMIN 28:4

Maix tak tan kawn yung iak ponngawb tix mu mai tan ka plakbo tix mu tau,

SIMIN 29:6

lheu khaing krax tan pa gleeing yam haok khix khraox maix tak tan phawng nghox ca mai krax tan pa gleeing tix jheung jheung tau mai krax tan phawng nghox ca mai krax tan pa nyaux khankix awm pa koe deen maix tak yuh krax tan ka ngu pa sioe bhawng pa khaw ka rhawm Simiang Siyiex.

SIMIN 7:13

pa tan nawh mawh pan mau pa cien tix yieh tixngoe shekhe mai pan khoek mau pa cien atixgliah shekhe, awm pa hoik sawn kix ka plak mau shekhe dee pa singax, an khawm ra naog ka phawng nghox ca ceu pa mhawm, pa hoik klao ti mai bee son krax tan phawng nghox ca im,

ROMAX 15:16

sonsang mawh aux pui cau soi Yesux Khrit ka pui tang ceu khankix, ti yuh kaing cao giex kaing li ka lox bwan gaux rhawm Siyiex, kheu sang tan pui tang ceu khankix ka Nawh Cao, sonsang mawh kix pa khaw caw rhawm Nawh, pa mawh pa hoik kieh Khuan Singax Singeh nawh singax singeh kah heue.

HEBRIE 13:16

Paw piawm ti yuh ceu pa mhawm mai pa vieh rhawm sibieh ti teem pui, grawh grawng nawh ceu pa tan pa yuh nan, mawh pa khaw caw ka rhawm Siyiex heue.

CAO PRAWNG 9:9

Yam an khaox Sanlun deeh ah nin ka kix, “Mawh sang tik aux bee tix pa yaogyaw pui min plakngai Siyiex mai min plakngai kawn pui khankix mai kwang ka piang khaox ankix lie?”