SIMIN 13:2 - Wa Common Language Translation

² “Ploi cao kaing tix cub tix kaux, khaing doeh ru keeing kix hu jiang ka meung Khanan, pa sang tawx Aux ka ceu pui Isarelax, ”

SIMIN 13:2 Iomraidhean Croise

LIH HU 18:25

Mose laug pui pa pon yuh cao kaing ka daux pui Isarelax mai kieh kix yuh cao kaing ka piang pui khankix, pa kwang ka piang cub tix rheng, ka piang cub tix yieh, ka piang cub tixphwan mai ka piang cub kao kaux.

SIMIN 1:4

Can pui pa ot tau mai maix khankix, tak mawh pui tix kaux, pa kaoh khaing doeh ru mawx ru an ku cub mai pa mawh cao kaing tix kaux ka nyiex ma keeing nawh khankix heue.

SIMIN 11:16

Simiang Siyiex ah nin ka Mose, “Khrawm pui riex ju atixgliah kaux son Aux, khaing daux pui Isarelax pa tawng maix mawh pui riex ju mai pa mawh cao kaing ka piang kix, viex kix hoek ka nyiex gox bwan man bang kum cung tau mai maix tan.

SIMIN 13:16

In khankix mawh ceu kaux pui ploi Mose lih hu jiang ka haktiex an. Mose sum ceu kaux Hawshe kawn simex Nun deeh mawh Yawsux.

SIMIN 13:3

Mose ploi kix lih hu khaing daux tiag Paran, awm lox tawm Simiang Siyiex ka cao kaing ceu pui Isarelax heue.

SIMIN 32:8

Keeing pex khankix hoik yuh nawh awm in, yam ploi aux kix hu khaing Kadeshabanax, sonsang jhak tix ka haktiex an.

SIMIN 34:18

Maix tak laug cao kaing tix kaux khaing doeh ru kix ku cub, sonsang teem ka kiex.

PINGNYAP 1:15

Aux tom laug cao kaing khaing daux doeh ru pex, ka pui pa koe pingnya cuyi mai pa koe krax tawng yung mai kieh kix mawh cao kaing piang pex, pa mawh cao kaing piang pui kaing rheng, cao kaing piang pui kaing yieh, cao kaing piang pui tixphwan kaux, cao kaing piang pui kao kaux mai cao kaing piang doeh ru pex khankix.

PINGNYAP 9:23

Yam ploi Simiang Siyiex pex lih khaing haktiex Kadesha Bana Nawh ah nin, haok mai teei ti cie haktiex pa hoik tawx aux ka pex Yam an pex deeh tieh feen ka lox pingnyap Simiang Siyiex mai ang yum rhawm ka Nawh Cao mai ang cu nghiet ka lox Nawh Cao.

YAWSUX 3:12

Mawh kheu nan, yam in laug ti teei pui kao ra kaux khaing daux doeh ru pui Isarelax khankix, tix ceu tix kaux heue.