SIMIN 10:10 - Wa Common Language Translation

¹⁰ Ka dau singaix koe krax gaux rhawm pex, daux bawg yam singaix yuh pex pawie mai singaix haok khix khraox pex tak phlu teettawng ka piang krax tan pa gleeing pex khankix mai krax tan pa appong krax tan pa nhim, sonsang mawh krax pa doh keud pex ka Siyiex, Aux mawh Simiang Siyiex, Siyiex pex heue.”

SIMIN 10:10 Iomraidhean Croise

2 SIMIANG 4:23

Mex nawh ah nin, “In ngaix ang nyang mawh haok khix khraox mai singaix twah maix sang hu ka nawh yuh ka mawx?” Nawh ah nin, “Ang yuh tidtix, mhawm heue.”

1 GRAWNG BEEN 15:24

Shebanix, Yoshaphat, Netanelax, Amashie, Zakharix, Benayax mai Eliabax cub cao giex kaing li khankix mawh cao phlu teettawng ka plak sivoe teug bwan sijax mukheu Siyiex; Osetdedon, Awbedax, Edom mai Yehix, mawh cao pau siviex son teug bwan sijax mukheu heue.

1 GRAWNG BEEN 15:28

Mawh kheu nan, can pui Isarelax khankix hoik teei ti viex teug bwan sijax mukheu Siyiex hoek tau mai lox pa kok yo tix, khawm lox teet mai lox teettawng mai khawm lox chiang mai lox tah ting mai khawm lox ting feuk khaox khankix heue.

1 GRAWNG BEEN 16:42

Pui ot tau mai kix pa mawh Heman mai Yedutum khankix phlu teettawng mai tah chiang mai tah ting tau mai pa kied ting sinum sonsang yaogyaw ka Siyiex heue. Yam an, kawn simex Yedutum mawh cao pau siviex heue.

2 GRAWNG BEEN 29:26

Pui Lewix khankix yaog tix cung tau mai kraung ting pa hoik yuh Davit ti deuh mai cao giex kaing li khankix cung tau mai teettawng heue.

2 GRAWNG BEEN 29:28

Mawh heu nan, cub pui hun khawmuik krub ka Siyiex mai cao pa ah lai rhax khankix hoik ah lox rhax kix mai cao phlu teettawng kix hoik kieh teettawng si num; kix khawmuik sitoe ti hu tom hoek bawg yam yuh kix krax tan pa gleeing heue.

2 GRAWNG BEEN 7:6

Cao giex kaing li hoek ti yuh kaing jhaw tix, ceu pui Lewix baox deeh hoek tau mai kraung ting pa tah tix lai rhax Siyiex, pa hoik yuh simiang ti deuh sonsang yaogyaw tix Siyiex ah nin, “Mawh kheu krax pa caux rhawm Nawh Cao kaux cong leeing ju, “yam tan Davit ti tawx pa yaogyaw tix ka kaing jhaw cie kix, cao giex kaing li khankix phlu teettawng sinum ka plak sivoe ngai kix, glang kawn cung pui Isarelax khawmuik heue.

EZARAX 3:10

Yam yaog cao sum nyiex khankix jaong num nyiex bwan Siyiex, cao giex kaing li khankix cung khawm kraung ceep tix mai teettawng khankix, pui Lewix mai kawn praix Asapha khankix, hoik cung tan tau mai tauh chiang sonsang yaogyaw ka Siyiex awm koe been phing beenli pa hoik deuh Davit simiang ceu pui Isarelax heue.

NEHAMIX 12:35

mai cub kawn simex cao giex kaing li khankix pa giex teettawng, mawh Zakharix, kawn simex Yawnasan, Yawnasan mawh kawn simex Shemayax, Shemayax mawh kawn simex Matania, Matania mawh kawn simex Mikhayax, Mikhayax mawh kawn simex Zakhurax, Zakhurax mawh kawn simex Asapha,

YAOGYAW 150:3

Phlu teettawng mai yaogyaw ka Nawh heue. Tah ting mai ting si, yaogyaw ka Nawh Cao heue.

YAOGYAW 81:3

Phlu teettawng ka singaix khix khraox mai singaix pang khix mai singaix yuh pawie ting heue.

YAOGYAW 81:4

Ceu in mawh beenli pa deuh Siyiex Yakop ka son pui Isarelax heue.

YAOGYAW 89:15

Siyiex eue, ceu pui pa mhong pa tawng ka Maix mai pa gaux rhawm khankix, koe bwanson heue. Kix yaox ti lailing ka daux pa riang pakngai Maix heue.

LIH HU 28:29

Arun tak viex ceu kaux kawn simex pui Isarelax khankix, ka piang man tie naok pa prawng see an ot ka piang dieb rhawm tix, yam laig nawh ka dee singax, sonsang mawh krax pa doh keud ka sivoe ngai Siyiex ku bawg yam.

LIH HU 30:16

Maix tak teei mau tan pa pluat ploi ceu pui Isarelax khankix ka phimap tix mai deuh mawh pa shiao son nyiex gox bwan bang kum pui hun, an tak mawh krax pa doh keud ka ceu pui Isarelax khankix, sivoe Siyiex, sonsang yuh kix krax pluat ploi phimap mai taoh tokaux cao tix.”

ISAYAX 27:13

Ka daux singaix an tak phlu lox teettawng pa ting sinum mai kix pa tak sang grai grup ka daux haktiex Asurix khankix mai kix pa hoik tik vud tix ka daux meung Ejiptux, tak bleeh tix hoek mai kix tak krup Siyiex ka piang gawng singax singeh pa koe ka daux veng Yerusaliem heue.

KRUB 23:24

“Krai ka pui Isarelax khankix ka daux khix aliah, haok khix tix ngaix, pex tak laux lee tix mai twah klaung, pex tak phlu teettawng sonsang doh keud ka mawh pawie pa singax singeh.

SIMIN 10:9

Yam hu puing pex naing daux haktiex tix, ka pui koeng pa yeen pa khin ka piang pex, khaix an pex tak phlu teettawng pa so sonsang mawh krax pa doh keud pex ka sivoe Simiang Siyiex tix mai pex tak pon ti lawt luan khaing pui pa koeng tix.

SIMIN 28:11

Haok khix khraox tix ngaix maix tak viex ti tan kawn mawie mhaing ra mu, kawn yung mhaing tix mu mai kawn yung pa naok num pa loig aliah mu son krax tan pa gleeing ka Simiang Siyiex,

SIMIN 29:1

“Ka daux haok khix aliah tix ngaix, pex tak khrawm paox tix ka dee pa singax singeh, pex tak ang pon ti yuh kaing. Singaix an mawh singaix phlu pex teettawng,

MATHIEX 11:28

Pex pa taug pa mao mai klawm kraung cien khankix khawmuik eue, hoek ka Aux mai Aux tak kieh pex laux lee tix heue.

KAWNCAU 10:4

Nawh lhat ka, jeung ngai tix piang kawncau Siyiex an ah nin, “Mawh patix, Simiang eue?” kawncau Siyiex an ah nin ka nawh, “Ceu pa rawg maix bwan mai ceu pa tan maix, hoik haok, sonsang mawh ceu pa doh keud, ka sivoe Siyiex heue.

1 KAWRINTHUX 15:52

Ka daux ti vud khaing, ka daux ti khiep ngai khaing, yam phlu teet tawng bawg ghoik khaix heue. Grawh grawng nawh tak sang phlu teet tawng mai tak sang deeh kieh pa yum kaoh, ka pa ang chix cux sium mai ex tak sang tieh sang loh kah heue.

1 THESALONIX 4:16

Tokaux Simiang Siyiex tak sang lih khaing raoma tau mai lox yo tau mai lox simiang kawncau mai lox teet tawng Siyiex, pui pa hoik yum ka daux Cao Khrit tak sang deeh kaoh phao ka heue.

1 THESALONIX 4:18

Mawh kheu nan teei gumlox in mai khu rhawm ka paox tix, tix kaux lai tix kaux awx.

YAWSUX 4:7

Khaix an pex tak deeh pawk lox kix mai krai grawng krax pa hoik dud rawm klawng Yawdan, ka plak sivoe khwi bwan sijax mukheu Siyiex, yam tiang ka plak toi rawm klawnng Yawdan, rawm khankix, hoik mawh pa tat ti deuh mee heue. lon simaox inkix tak mawh son krax pa doh keud tix ceu ka son kawn praix ceu pui Isarelax khankix leeing ju heue.

YAWSUX 6:4

“Cao giex kaing li aliah kaux tak teei ti viex teettawng rung yung mhaing khankix, ka plak sivoe khwi bwan sijax mukheu heue. Yam hoek ka daux aliah singaix maix tak lai lawm cawng hawt vung viang veng aliah bawg mai cao giex kaing li khankix tak phlu teettawng heue.”

PLAK JHI 22:17

“Khwan Cao mai bun pa sang koe mex ah, “Hoek heue, kaw pa mhong kieh nawh ah, hoek heue, kaw pa sang nyaux nie rawm, kieh nawh hoek heue. Kaw pa koe rhawm ti teei, kieh nawh teei giex ka rawm pa im ju heue.”

1 SAMOELAX 20:5

Davit ah nin ka Yawnasan, “Jhak heue, pasax mawh singaix haok khix khraox, aux ang khaw ti ngawm pheen mai simiang, viang mawh nan, kieh aux hu mox tix ka daux kaung tom hoek ponbo ka daux loe ngaix tix ngaix.”