SIMIN 10:1 - Wa Common Language Translation

¹ Simiang Siyiex krai ah nin ka Mose,

SIMIN 10:1 Iomraidhean Croise

YAM JAH 42:13

Kix ah nin, “Yix pa mawh kawncau maix, koe puxaik kao ra kaux mai mawh kawn keeing tix kaux khaing daux haktiex Khanan, pux ghoik ot mai keeing yix tom yam in mai an tix kaux ang lai koe heue.”

YAM JAH 46:15

Inkix khawmuik mawh kawn simex Leax pa keh nawh khaing Yakop daux haktiex Padam-aram tau mai kawn bun Dina, Can pui khawmuik tau mai kawn simex kawn bun nawh khankix koe tixngoe loe kaux heue.

2 SAMOELAX 6:15

Mawh kheu nan, Davit mai pui Isarelax, viex teug bwan sijax mukheu Simiang Siyiex hoek tau mai lox sinum pa yo tix mai khawm lox luah teettawng.

2 SIMIANG 11:14

Yam yaox nawh ka ankix, simiang cung ti ot hawt rong, awm pa koe been simiang haktiex Yudax khankix mai cao thong cao bung cub cao phlu teettawng khankix ot hawt simiang, pui haktiex khawmuik hoik koe krax gaux rhawm mai phlu teettawng khankix, Athaliyax riah kraung ceep tix mai riag yo ah nin, krax pa tieh feen! Krax pa tieh feen!

2 GRAWNG BEEN 23:13

Yam jhak nawh ka kix, simiang cung ti ot hawt rong simaox ka daux diang laig daux nyiex bwan mai cao kaing pa thong bungkhankix mai cao pa phlu teettawng khankix hoik ot hawt simiang heue. Pui haktiex khawmuik hoik gaux rhawm mai phlu teettawng mai cao pa ah lai rhax khankix giex kraung tah ting mai thong bung pui ka lox pa yaogyaw, hoik ot hawt tan heue. Mawh kheu nan, Athaliyax, riah ti tik kraung ceep tix khankix mai riag yo ah nin “Krax pa tieh feen! krax pa tieh feen!”

2 GRAWNG BEEN 5:12

Ceu pui Lewix cao rhax lai, pui kaoh khaing Asaphax mai Heman mai Yedutun khankix tau mai kawn simex kix khawm puxaik kix khawmuik, cung tix it ka toeh plak lih singaix khu dee tan, kix ceep ka kraung man paing, giex chiang, ting mai ting feuk mai cub cao giex kaing li pa phlu teettawng sinum tiyieh tixnga kaux ot tau mai kix,

2 GRAWNG BEEN 7:6

Cao giex kaing li hoek ti yuh kaing jhaw tix, ceu pui Lewix baox deeh hoek tau mai kraung ting pa tah tix lai rhax Siyiex, pa hoik yuh simiang ti deuh sonsang yaogyaw tix Siyiex ah nin, “Mawh kheu krax pa caux rhawm Nawh Cao kaux cong leeing ju, “yam tan Davit ti tawx pa yaogyaw tix ka kaing jhaw cie kix, cao giex kaing li khankix phlu teettawng sinum ka plak sivoe ngai kix, glang kawn cung pui Isarelax khawmuik heue.

EZARAX 3:10

Yam yaog cao sum nyiex khankix jaong num nyiex bwan Siyiex, cao giex kaing li khankix cung khawm kraung ceep tix mai teettawng khankix, pui Lewix mai kawn praix Asapha khankix, hoik cung tan tau mai tauh chiang sonsang yaogyaw ka Siyiex awm koe been phing beenli pa hoik deuh Davit simiang ceu pui Isarelax heue.

YAOGYAW 47:5

Siyiex kok yo lox pa gaux rhawm mai lox phlu teettawng mai haok heue.

YAOGYAW 81:3

Phlu teettawng ka singaix khix khraox mai singaix pang khix mai singaix yuh pawie ting heue.

YAOGYAW 98:6

Phlu teettawng mai kok yo sivoe ngai Siyiex, pa mawh Simiang heue.

SIMIN 1:52

Ceu pui Isarelax khankix tak sum nyiex bang cao tix mai nyiex bang cao nawh ku kaux mai glawk cie cao nawh ku kaux, awm man chix pa koe kru naing kix heue.

SIMIN 10:2

“Maix tak yuh teettawng mau ra mu sonsang kraix khrawm ka pui hun mai sonsang gah ka nyiex bang.

SIMIN 29:1

“Ka daux haok khix aliah tix ngaix, pex tak khrawm paox tix ka dee pa singax singeh, pex tak ang pon ti yuh kaing. Singaix an mawh singaix phlu pex teettawng,

SIMIN 7:2

Cao kaing ceu pui Isarelax khankix mai cao kaing doeh nyiex ma keeing kix, pa mawh cao kaing doeh ru kix mai pui pa hoik laig carang khankix yuh krax tan,

SIMIN 9:23

Awm lox pa tawm Simiang Siyiex, kix ca kawn ot ka daux nyiex bang mai awm lox pa tawm Simiang Siyiex kix hu krax, kix yuh awm pa tawm Simiang Siyiex, awm lox tawm Simiang Siyiex ka Mose heue.

MATHIEX 24:31

Nawh tak sang ploi kawncau raoma cie tix hu mai lox teet tawng pa kied ting kied luah mai kix tak sang khrawm pui pa hoik laug mawh cie Nawh, khaing pon plak, jah dee sidah daog raoma tix plak, tom sidah hoek daog raoma plak an heue.

YAWSUX 6:4

“Cao giex kaing li aliah kaux tak teei ti viex teettawng rung yung mhaing khankix, ka plak sivoe khwi bwan sijax mukheu heue. Yam hoek ka daux aliah singaix maix tak lai lawm cawng hawt vung viang veng aliah bawg mai cao giex kaing li khankix tak phlu teettawng heue.”

PLAK JHI 8:2

Aux yaox kawncau Siyiex aliah kaux pa cung ka sivoe Siyiex mai tawx teettawng aliah mu ka kix heue.

CAO PRAWNG 7:20

Cub pui naing nawh khawm loe cub phlu teettawng tix mai pah aw tiex max, kix giex kawk ngu ka taix khawn gwiex mai giex teettawng ka taix khawn dawm mai yo ah nin, “Vaig Simiang Siyiex mai Gideon heue.”