SIMIN 1:53 - Wa Common Language Translation

⁵³ Viang mawh nan ceu pui Lewix tak bang tix ot hawt vung viang nyiex gox bwan man Teug kham mhai ruk, son ang krax song rhawm lih tix koe ka piang cub caw pui hun ceu pui Isarelax khankix mai ceu pui Lewix tak mawh pui pa priex rien ka nyiex gox bwan man Teug kham mhai ruk heue.”

SIMIN 1:53 Iomraidhean Croise

1 GRAWNG BEEN 23:32

Kix teei beeh glawm ka can ceu pa lo ka daux nyiex gox bwan man bang kum mai son pa lo ka dah dee pa singax singeh mai teem ka puxaik pa mawh kawn simex Arun khankix, ka son kaing jhaw ka daux nyiex bwan Siyiex khawmuik heue.

2 GRAWNG BEEN 13:10

Viang mawh nan, phan mawh son yix, Siyiex mawh Siyiex yix mai yix ang tik vud ka Nawh Cao; mai cao giex kaing li pa yuh kaing jhaw son Siyiex khankix, mawh cub kawn simex Arun mai pui Lewix, khankix pa pau ti yuh beeh glawm kaing jhaw cie cao kix heue.

2 GRAWNG BEEN 13:11

Kix gleeing krax tan pa gleeing mai ceu pa nyawm sioe bhawng khankix son Siyiex ku ngawb ku bo, kix hoik khan ti deuh blah piang pheen pa singax mai deeh khre jawk ten khri tau mai kawk ngu nawh khankix sonsang mawh pa tok ti riang ku bo mawh kheu ex priex ti een lox tawm pingnyap Siyiex ex, viang mawh nan, pex hoik tik vud ka Nawh Cao heue.

YERAMIX 23:15

Mawh kheu nan, Siyiex Cao kru naing raoma ah nin, son grawng pa dex dawd mai cao jhai khankix jhak heue, Aux tak sang tawx kix ih ceu plix song mai tawx kix nyaux rawm ghin song, mawh kheu kaing pa ang singax singeh khaing cao jhai Yerusaliem khankix, hoik tah hu ka daux haktiex khawmuik heue.”

YERAMIX 5:31

cao jhai khankix ah lox jhai pa ang mawh ang meh mai cao giex kaing li khankix kawx rieb ti teei ka sibrawm pa kwang tix mai pui Aux khankix kawx khaw rhawm ka ceu an awm paox tix heue. Yam sidah ceu an khankix pex tak sang yuh ka mawx lie?

KRUB 10:6

Mose ah nin ka Arun mai kawn simex nawh Eliza mai Itama, “Pex paw peeik mhok mai paw ploi hauk kaing tix yih mai paw riah ka kraung ceep tix, aux lhat pex yum mai lhat krax song rhawm Siyiex hoek piang pui khawmuik, viang mawh nan, kieh puxaik pex mai kawn nyiex ma pui Isarelax khawmuik yiiem yo mai khi rhawm ka ngu pa hoik yuh Siyiex.

SIMIN 1:50

Viang mawh nan maix tak tawx beeh glawm ka ceu pui Lewix, son kaing jhaw daux nyiex gox bwan man pa koe teug kham mhai ruk sijax mukheu mai ka piang kraung khrai pa shiao ka daux nyiex gox bwan man khawmuik mai can ceu pa mawh cie daux nyiex gox bwan man khawmuik heue. Kix tak mawh pa klawm nyiex gox bwan man mai kraung khrai nawh khankix hu khawmuik, kix tak yuh kaing nyiex gox bwan man mai peung tix ot hawt vung viang praok nyiex gox bwan man heue.

SIMIN 1:54

Mawh kheu nan ceu pui Isarelax khankix, hawt ti yuh awm gumlox pa hoik tawm Simiang Siyiex ka Mose khankix khawmuik heue.

SIMIN 16:46

Mose ah nin ka Arun, “Teei pan ngu cie maix mai sau ngu pa koe ka piang khu dee tan mai sau nyawng bhawng ka piang mai viex hoek ka pui hun phaiphai, sonsang yuh krax khyox khaw son kix, kheu hoik lih krax song rhawm khaing Simiang Siyiex, jhawm saux preng hoik hoek.”

SIMIN 16:9

pa gwieh Simiang Siyiex Isarelax pex khaing pui hun Isarelax, sonsang viex pex dex hawt tokaux Nawh Cao, sonsang yuh pex kaing jhaw nyiex gox bwan man Simiang Siyiex mai sonsang cung pex plak sivoe ngai pui hun, sonsang yuh pex kaing jhaw son kix, keud pex mawh kaing pa iak lie,

SIMIN 17:7

Mose deuh khaox grix an khankix, ka plak sivoe Simiang Siyiex, ka daux nyiex gox bwan man teug bwan sijax mukheu.

SIMIN 2:17

Khaix an nyiex gox bwan man bang kum pui hun tak gah tix lih hu tau mai nyiex gox bang ceu pui Lewix mai kieh kix ot ka daux sigreung nyiex gox bang kix, awm pan peung kix tix ot, mawh kheu nan kix tak gah tix lih hu kaux mawx kaux an, khaing dee ot kix, awm pa koe glawk ot kix khankix heue.

SIMIN 3:23

Doeh nyiex ma ceu pui Gerashon khankix, tak mawh pa sang bang ti ot plak khaix nyiex gox bwan man ka plak glip singaix heue.

SIMIN 3:29

Doeh nyiex ma Kawhat tak mawh pa bang ti ot plak seh nyiex gox bwan man heue.

SIMIN 3:35

Cao kaing pa kwang ka piang nyiex ma keeing ceu pui Merarix mawh Zurelax pa mawh kawn simex Abihelax, in khankix mawh pui pa bang tix ot ka praok plak laong nyiex gox bwan man heue.

SIMIN 3:38

Can kix pa bang ti ot sivoe nyiex gox bwan man plak lih singaix mai plak sivoe nyiex gox bwan man bang kum pui hun mawh Mose, Arun mai kawn simex nawh khankix, kix mawh pa priex ka dee pa singax singeh, sonsang pon yuh ti tawx ceu pa lo kuceu son ceu pui Isarelax khankix, pui tang kaux pa hoek dex tan tak pon ti yum heue.

SIMIN 31:30

Khaing daux cie pui Isarelax khankix tix plak maix tak teei khaing daux tix phwan mu tix mu son kuceu, khaing pa mawh pui, mawie, la mai yung khankix mai tawx ka ceu pui Lewix, pa priex ka nyiex gox bwan man Simiang Siyiex.”

SIMIN 31:47

khaing daux cie pui Isarelax khankix tix plak, Mose deeh teei khaing daux tixphwan mu tix mu son kuceu khaing pui, khaing to brie mai ka ceu pui Lewix khankix, pa priex ka nyiex gox bwan man Simiang Siyiex, awm lox pa hoik tawm Simiang Siyiex ka Mose.

SIMIN 8:19

Aux hoik tawx ceu pui Lewix khankix awm totaix tix ceu son Arun mai kawn simex nawh khankix khaing daux sinax ceu pui Isarelax, sonsang yuh kix kaing son ceu pui Isarelax ka daux nyiex gox bwan man bang kum mai sonsang yuh kix krax pa khyox khaw mai krax pa pluat ploi son ceu pui Isarelax khankix, son ang krax pa laux leeing lai koe daux sinax ceu pui Isarelax, yam hoek ceu pui Isarelax khankix dex dah dee pa singax heue.”

2 TIMOSE 4:2

sidiex gumlox bwan, nied ti coca yam caw bawg yam ang ah, yam ang caw bawg yam ang ah, plak jhi pui yaox phimap mai ah, ne mai jeeh nyaw, gau ka krax pa lang gun lang yeung khawmuik heue.

1 SAMOELAX 6:19

Nawh Cao pah ka pui veng Bietshemiet phwan mheen mai atixgliah kaux, kheu jhak kix teug sijax mukheu Siyiex, pui hun yiiem grai mawh kheu Simiang Siyiex pah ka pui hun tom nie heue.