SIMIN 1:3 - Wa Common Language Translation

³ jah ka pa koe ju tixnga num haok plak piang, can pui pa pon hu daux naing, khaing daux ceu pui Isarelax khankix maix mai Arun tak simin ti deuh kix tau mai kru naing kix heue.

SIMIN 1:3 Iomraidhean Croise

2 SAMOELAX 24:9

Khaix an Yuabax tawx carang pui pa hoik koh tix ka simiang, ka daux pui Isarelax pui naing pa vao pa giex vaig pliah khankix, koe daix sien kaux mai pui naing pui Yudax koe phwan sien kaux heue.

1 GRAWNG BEEN 5:18

Ceu pui Rubin, Ceu pui Gat mai khawm doeh ru Manashe khankix tix plak, pui pa koe rhawm vao rhawm kwa mai pui pa pon giex plah tie naok mai vaig lawm, pa pon puing ka ak mai pa min ka daux naing pa pon hu daux naing khankix hoik koe pon mheen pon rheng liah yieh tigliah kaux heue.

2 GRAWNG BEEN 25:5

Lheu khaing an Amazix khrawm pui Yudax khankix mai yaog ti deuh cao kaing naing khankix piang pui kaing yieh, awm krax pa koe doeh nyiex ma keeing kix ka daux cub ceu pui Yudax mai cub ceu pui Binyamin; mai nawh simin ti deuh kix, jah ka pui pa koe ju tixnga num haok plak piang mai pui pa hoik laug nawh ti deuh khankix koe loe sien kaux pa mawh pui sang pon hu daux naing mai pa mawh pui pa pon giex pliah mai pa pon viex plah tiebtie rhiem khankix heue.

LIH HU 12:17

Mai pex tak yuh pawie ih blah pa ang sau susaix ka daux singaix an, Aux tak teei kru naing pex lih khaing haktiex Ejiptux, pex tak priex singaix in, daux baux ju doeh ru pex, mawh beenli pa caw pex ti yuh leeing ju.

LIH HU 30:14

Pui pa hoik teei kix carang ku kaux jah tixnga num haok ka piang, tak tawx krax tan ceu an ka Siyiex.

LIH HU 38:26

Jah ka pui pa koe ju tixnga num tom haok ka piang, pa hoik simin carang koe pui liah sien mai loe rheng phwan yieh tixphwan kaux, kix mawh pui pa yaox ti tawx mau tix plak shekhe awm pa hoik sawn kix jiang dee pa singax.

SIMIN 14:29

Tokaux yum pex pa ngia ka Aux, tak tik ka daux tiag in mai can pex pa hoik simin tix, awm pa koe pex khawmuik, jah ka pa koe ju tixnga num haok plak piang,

SIMIN 26:2

“Teei carang cub pui hun Isarelax khankix, jah ka pui koe ju tixnga num haok plak piang, awm pa koe doeh nyiex ma keeing kix, pa pon hu daux naing, ka daux pui Isarelax khawmuik.”

SIMIN 3:15

“Simin ceu pui Lewix khankix, awm koe nyiex ma keeing kix mai kawn nyiex ma kix maix tak simin simex ku kaux, jah ka pa koe ju tix khix haok plak piang heue.

SIMIN 32:11

can pui pa kaoh khaing daux meung Ejiptux, pui pa hoik koe ju tixnga num haok ka piang, tak ang pon ti yaox ka haktiex pa hoik tiextu Aux ka Abraham, Icak mai Yakop tix kaux kawx, mawh kheu kix ang viex rhawm tix hawt khaix Aux,

SIMIN 33:1

Inkix mawh krax lih hu ceu pui Isarelax khankix khaing meung Ejiptux, awm pa koe kru naing kix, greem tawm taix Mose mai Arun.

SIMIN 4:3

jah ka pa koe ju tixngoe num haok plak piang, tom hoek ka pa dex koe ju tix phwan num, pa sang laig ti yuh kaing jhaw ka daux nyiex gox bwan man bang kum pui hun.

PINGNYAP 24:5

Yam teei pui tix kaux moeng khraox tix, nawh ang pon ti lih hu daux naing mai ang pon tawx beeh glawm ka nawh, nawh tak ot giex ka nyiex ti tix num, sonsang gaux rhawm nawh tau mai moeng tix.

PINGNYAP 3:18

“Aux hoik tawm lox ka pex, yam an ah nin, Simiang Siyiex pex hoik tawx pex cie ka haktiex in, pui kwa pui vao khankix tak tiang tau mai kraung naing sivoe puxaik pex pui Isarelax.