PHILIPPIX 4:9 - Wa Common Language Translation

⁹ Ceu pa hoik gau mai khawm pa hoik rieb pex ti teei, pa hoik mhong, pa hoik yaox ka aux, hawt ti yuh ceu an khankix mai Siyiex pa nhim tak sang ot tau mai pex heue.

PHILIPPIX 4:9 Iomraidhean Croise

ISAYAX 41:10

Paw lhat, mawh kheu aux ot mai maix, paw yaoh, mawh kheu Aux mawh Siyiex maix, Aux tak kieh maix kaux cong, Aux tak teem ka maix, Aux tak joh maix ka plawng taix dawm pa ting riang tix.

ISAYAX 8:10

Teei krax pa keud pa sawn paox tix, viang mawh nan, an tak bleeh ti mawh pa ang koe tidtix, tat gumlox, viang mawh nan an tak ang koe krax cong heue. Grawh grawng nawh Siyiex ot tau mai ex heue.

MATHIEX 1:23

“Jhak heue, bunkrih tak koe kaux mai keh kawn Simex, mai kix tak kok ceu kaux Nawh mawh “Emanoelax.Phan toe dee bleeh Emanoelax, mawh Siyiex ot tau mai ex” heue.

MATHIEX 28:20

Gau kix kieh kix hawt yuh ceu pa hoik nhie Aux ka pex khawmuik, Aux tak ot tau mai pex jheung jheung, tom hoek bawg yam sidah haktiex heue.”

MATHIEX 7:21

“Pui pa kok ka Aux, Simiang eue, Simiang eue, pon ti laig ka daux meung raoma ku kaux ang mawh. Mawh kaw pa yuh hawt alo Keeing Aux pa ot ka daux meung raoma khaing pa pon ti laig heue.

LUKAX 6:46

“Pex lai kok Aux, Simiang eue, Simiang eue mai ang yuh ceu pa krai Aux khankix yuh ka mawx?

LUKAX 8:21

Nawh Cao pawk lox mai ah nin ka kix, “Miex Aux mai pux Aux khankix, mawh inkix, pa mhong gumlox Siyiex mai hawt ti yuh heue.”

YOHAN 13:17

Phan pex tawng ceu in khankix, phan pex hawt yuh, pex ting bwanson heue.

YOHAN 15:14

Phan pex hawt yuh ceu pa hoik tawm Aux ka pex, pex mawh paox grawm Aux khankix heue.

YOHAN 2:5

Miex Nawh ah nin ka pui cau khankix, “Nawh nhie pex yuh ceu pa yuh ka mawx ang ah, yuh awx”

KAWNCAU 9:6

Kaoh mai laig ka daux veng mai tak sang krai ka maix grawng maix tak lai yuh pa yuh ka mawx.”

ROMAX 15:33

Kieh Siyiex pa tawx krax nhim ot tau mai pex khawmuik liak. Amen.

ROMAX 16:20

Khaix in ang lai rheung, Siyiex pa tawx krax nhim tak sang teei Satan tix kieh nawh khlaix vid greem caong pex heue. Kieh bwanson Simiang ex Yesux Khrit ot tau mai pex liak.

1 KAWRINTHUX 10:31

Mawh kheu nan pex ih ang ah, nyaux ang ah, pex yuh ceu patix ang ah, yuh sonsang koe min pakngai Siyiex kah heue.

1 KAWRINTHUX 14:33

Grawh grawng nawh, Siyiex ang lai mawh Siyiex pa kieh sung sang, mawh Siyiex pa nhim heue. Awm ka daux ceu cao pui pa singax khankix khawmuik,

1 KAWRINTHUX 4:16

Mawh kheu nan aux tom khyox khaw ka pex, sonsang mawh pex pa hawt jawh ti yuh khaix aux heue.

2 KAWRINTHUX 13:11

Puxaik khankix eue, in mawh lox pa ghoik pa sidah, gaux rhawm heue, kieh grum mhawm heue, kieh nyawm rhawm heue, kieh mawh rhawm tix mu khaing heue, ot ka daux pa nhim mai Siyiex krax pa moh rhawm mai krax pa nhim tak sang ot tau mai pex heue.

PINGNYAP 5:1

Mose kok ka pui Isarelax khankix ah nin, “Pui Isarelax khankix nghiet heue, lox lai beenli mai lox tat jhawm prawng pa sang krai aux pex mhong daux in singaix, pex tak gau tix ka mai yuh satix ka yuh tix an khankix.

PHILIPPIX 3:17

Puxaik khankix eue, pex rom ti hawt jawh ka aux mai jhak ka kix pa hu yuh nin, awm pa koe pex sonsang mawh mhai pa hawt ex ti jawh kah heue.

PHILIPPIX 4:7

pa nhim cie Siyiex, pa nie lang teung ting khaing krax tawng yung khawmuik, tak sang pau rhawm rhi pex mai pa keud pex ka daux Yesux Khrit heue.

1 THESALONIX 1:6

Pex hoik lih mawh pui pa hawt jawh ka ex, ka Simiang, khaix hoik rieb pex lox bwan ka daux pa kha rhawm tom nie, tau mai pa gaux rhawm Khuan Singax Singeh,

1 THESALONIX 2:14

Puxaik khankix eue, pex hoik lih ti mawh pa hawt jawh, awm ceu cao Siyiex pa ot ka daux meung Yudax, daux Yesux Khrit, mawh kheu pex kawx hoik yaox ti kham geu ceu pa awm paox tix khaing tawm taix pui meung tokaux pex, awm kix kawx hoik yaox ti kham geu khaing tawm taix pui Yudax khankix,

1 THESALONIX 5:23

Kieh tokaux Siyiex Cao pa nhim, kieh pex grum singax khawmuik, sonsang priex khuan pex mai ju pex mai tokaux pex khawmuik, son ang sang koe dee deuh phimap kah, yam hoek Simiang ex Yesux Khrit heue.

2 THESALONIX 3:4

Ex yum rhawm ka daux Simiang, ka grawh grawng pa hawt yuh pex yam in mai grawng baox sang hawt yuh pex, ceu pa hoik tawm ex ka pex khankix heue.

2 TIMOSE 4:22

Kieh Simiang ot tau mai khuan maix liak. Kieh bwanson koe mai maix heue.

YAKOP 1:22

Kieh mawh pui pa hawt yuh gumlox mai paw kieh mawh ngie pa mhong giex, pie lhen ka tokaux tix heue.

2 PETRUX 1:10

Mawh kheu nan puxaik khankix eue, nie baox nied ti coca, sonsang kieh pa hoik kok mai pa hoik laug pex kaux cong. Grawh grawng nawh phan pex yuh ceu in khankix, pex tak ang lai sideeing caong tix, tix bawg kawx heue.

1 YOHAN 3:22

Can pa rawg ex, ex pon khaing Nawh Cao, mawh kheu priex ex ti hawt lox tawm jhawm krai Nawh Cao mai yuh ceu pa khaw caw ka sivoe ngai Nawh Cao heue.