PHILIPPIX 4:7 - Wa Common Language Translation

⁷ pa nhim cie Siyiex, pa nie lang teung ting khaing krax tawng yung khawmuik, tak sang pau rhawm rhi pex mai pa keud pex ka daux Yesux Khrit heue.

PHILIPPIX 4:7 Iomraidhean Croise

NEHAMIX 8:10

Khaix an nawh ah nin ka kix, “Hu krax hu pex ih pa kluing pa bee mai nyaux ceu pa tie mai gwieh tix tawx nyum ka pui pa ang koe tidtix, mawh kheu in singaix mawh ngaix pa singax singeh ka son Siyiex ex, paw koe krax laux rhawm, mawh kheu krax gaux rhawm pa tawx Simiang Siyiex mawh riang rao pex heue.”

YAWBAX 22:21

Yam in kieh maix yuh paox pie tau mai Nawh Cao mai ot ka daux krax pa nhim, phan yuh nan ceu pa mhawm tak hoek ka maix heue.

YAWBAX 34:29

Yam tawx Nawh Cao krax pa yiien yawg, khaix an mawh pui mawx pa sang pon tuktiak tukte ka lie? yam mox Nawh Cao pakngai tix, khaix an mawh pui mawx pa sang pon yaox ka Nawh Cao, pui tix meung ang ah mai pui tix kaux kaux ang ah, sang pon yaox ka Nawh Cao lie?

YAOGYAW 29:11

Siyiex tawx riang rao ka pui Nawh khankix mai Siyiex nawb bwanson pa nhim ka pui Nawh khankix heue.

YAOGYAW 85:8

Aux tak sang krox tix nghiet ka gumlox pa sang krai Siyiex heue. Grawh grawng nawh, Nawh koe gumlox pa nhim, ka pui Nawh pa singax singeh khankix, viang mawh nan, paw lai deeh yuh pa caox caig khaix in liak.

LOX KAB 2:11

Lox satix pau ka maix mai krax tawng yung kia ngien ka maix heue.

LOX KAB 4:6

Paw tik ka cuyi pingnya, nawh tak priex maix heue. Moh ka nawh awx, nawh tak teem ka maix heue.

LOX KAB 6:22

Yam hu maix krax tang dah, lox tawm beenli an tak jhi krax ka maix heue. Yam it maix, tak sang pau ka maix, yam siduad maix, tak sang sikah ka maix heue.

ISAYAX 26:12

Siyiex eue, Maix tak sang tawx krax pa nhim ka son yix, grawh grawng nawh, Maix hoik yuh ti tawx kaing yix khawmuik ka daux yix heue.

ISAYAX 26:3

Ka pui pa deuh rhawm tix ka Maix, Maix tak priex nawh ka daux krax pa nhim, mawh kheu nawh een rhawm tix ka Maix heue.

ISAYAX 45:7

Aux phan pa riang mai yuh pa faik, Aux yuh ka pa nhim mai phan pa kha rhawm, Aux mawh Siyiex Cao pa phan ceu in khankix.

ISAYAX 48:18

Phan maix cu nghiet ka lox pingnyap Aux, pa nhim pa grum naog maix tak awm rawm klawng mai pa rahsee maix tak awm puk pak rawm sigrit sigra.

ISAYAX 48:22

Siyiex ah nin, “Pa nhim ang lai koe son pui caox caig heue.”

YERAMIX 32:16

“Yam ap aux pheen lai mhai rug liag kaung ka Baruk pa mawh kawn simex Nerix, rawg bwan ka Siyiex ah nin,

YERAMIX 33:6

Jhak heue, Aux tak sang viex krax pa nyawm ot siu koe hoek ka veng in, sonsang moi nawh, Aux tak sang pai kix mai deeh jhi kix yaox krax gaux rhawm pa ang jud jai, krax pa nhim mai pa mawh meh heue.

SIMIN 6:26

kieh Simiang Siyiex maong ti jhak ka piang maix, mai tawx krax pa nhim ka maix.

LUKAX 1:79

Sonsang jhan riang ka piang kix pa ngawm ka daux pa faik mai veei krax yum. Sonsang thong caong ex laig ka daux krax pa nhim heue.

LUKAX 2:14

“Kieh yaog min plakngai Siyiex, ka dee kied lhaong khaing paox tix mai ka piang haktiex kieh pa nhim koe ka kawn pui, pa khaw caw rhawm Nawh heue.”

YOHAN 14:27

Aux deuh pa nhim mai pex, pa nhim Aux, Aux tawx ka pex. Pa tawx Aux ka pex ang awm pa tawx haktiex. Paw kieh rhawm pex koe krax khi rhawm, viang krax lhat graung kawx paw kieh koe awx.

YOHAN 16:33

Aux hoik krai lox ceu in khankix ka pex, sonsang koe pex pa nhim ka daux Aux, ka piang haktiex in pex tak yaox krax kha rhawm, viang mawh nan kieh koe rhawm cong awx, Aux hoik pex ka haktiex in heue.”

ROMAX 1:7

Tawx ka pui pa ot ka daux veng Romax khawmuik, can pa moh Siyiex kah, pa hoik kok ti kieh mawh pui singax singeh heue. Kieh pex koe bwanson mai pa nhim pa kaoh khaing Keeing ex Siyiex mai Simiang Yesux Khrit liak.

ROMAX 14:17

grawh grawng nawh meung Siyiex ang lai mawh pa ih pa nyaux, viang mawh nan mawh pa rahsee mai pa nhim mai pa gaux rhawm ka daux Khuan Singax Singeh heue.

ROMAX 15:13

Kieh Siyiex pa tawx krax keud pot jun pot, kieh pex naog ka krax gaux rhawm mai krax nhim khawmuik ka daux pa yum rhawm, son sang nie lheu ting krax keud pot jun pot pex ka daux sibrawm Khuan Singax Singeh heue.

ROMAX 5:1

Mawh kheu hoik pon hoek ex krax rahsee kheu krax yum rhawm, ex tom koe pa nhim ka plak Siyiex kheu Simiang ex Yesux Khrit heue.

ROMAX 8:6

Rhawm pa dex mai nex nham mawh krax yum heue. Viang mawh nan rhawm pa dex mai Khuan, mawh pa im ju mai pa nhim heue.

2 KAWRINTHUX 10:5

Yam yieh ex ka ceu pa lak keud laux mai can ceu pa lhaong ku ceu pa hoik yuh ti tieb tie ka krax pa tawng ka Siyiex mai teei ti viex ka pa keud ku ceu son sang giex gang ka pa cu nghiet ka Cao Khrit heue.

2 KAWRINTHUX 13:11

Puxaik khankix eue, in mawh lox pa ghoik pa sidah, gaux rhawm heue, kieh grum mhawm heue, kieh nyawm rhawm heue, kieh mawh rhawm tix mu khaing heue, ot ka daux pa nhim mai Siyiex krax pa moh rhawm mai krax pa nhim tak sang ot tau mai pex heue.

KALATIX 5:22

Plix cie Khuan Cao mawh, pa moh rhawm, pa gaux rhawm, pa nhim, pa lang gun lang yeung, pa chix caux rhawm, pa mhawm, pa kaux sijax,

EFESUX 3:19

sonsang tawng ka krax moh Cao Khrit, pa nie lheu khaing pa chix tawng, sonsang naog pex ka pa grum naog Siyiex khawmuik heue.

PHILIPPIX 1:1

Pawlux mai Timose, pa mawh siliex Yesux Khrit tawx lai hu ka pui singax singeh ka daux Yesux Khrit, pa ot ka veng Philippix khawmuik mai ka cao giex kaing ceu cao mai ka pui bung kaing ceu cao khankix.

PHILIPPIX 1:2

Kieh pex koe bwanson mai pa nhim pa kaoh khaing Keeing ex Siyiex mai Simiang Yesux Khrit heue.

PHILIPPIX 4:19

Siyiex aux tak sang kieh ceu pa lo pex grum naog ku ceu, awm pa khaw mai sinngao min plakngai Nawh, ka daux Yesux Khrit heue.

PHILIPPIX 4:21

Tawx lox nawb ka pui singax ka daux Yesux Khrit ku kaux awx. Puxaik pa ot tau mai aux khankix kawx nawb ka pex heue.

PHILIPPIX 4:9

Ceu pa hoik gau mai khawm pa hoik rieb pex ti teei, pa hoik mhong, pa hoik yaox ka aux, hawt ti yuh ceu an khankix mai Siyiex pa nhim tak sang ot tau mai pex heue.

KAWLAWSIE 3:15

Kieh pa nhim Cao Khrit giex kaing ka daux rhawm rhi pex, pa hoik kok pex ka, khawm ka tokaux tix mu khaing, kieh pex yaogyaw bwanson heue.

2 THESALONIX 3:16

Kieh tokaux Simiang pa nhim, tawx pa nhim ka pex ka daux grawng ku ceu, ku jheung jheung liak, Kieh Simiang Siyiex ot tau mai pex khawmuik liak.

HEBRIE 13:20

Yam in kieh Siyiex cao pa nhim, pa hoik deeh viex Simiang ex Yesux lih khaing krax yum, pa mawh cao liang Yung pa ting, pa liang yung khankix, ka daux nham sijax mukheu leeing ju,

YUDAX 1:1

Yudax, pa mawh siliex Yesux Khrit mai pux Yakop tiiem ti tawx ka kix pa hoik kok kah, pa moh Keeing Siyiex kah mai pa hoik priex ka daux Yesux Khrit heue.

PLAK JHI 1:4

Yohan tawx ka ceucao aliah mu pa koe ka daux meung Asix, kieh pex koe bwanson mai pa nhim pa kaoh khaing Nawh Cao, pa mawh yam in mai pa hoik mawh mai pa tak sang hoek tix mawh mai khaing Khwan aliah mu pa ot sivoe dang ngeung Nawh Cao,

PLAK JHI 2:17

Kaw pa koe yhaok kieh nawh mhong ceu pa krai Khwan Cao ka ceucao khankix awx. Ka kaw pa pex, Aux tak tawx nawh mannax pa hoik mox an mai Aux tak tawx nawh simaox paing tix lon mai ka piang simaox an hoik tiiem ceu kaux pa khraox, pa ang pui tawng tix kaux kawx, lheu khaing kaw pa pon simaox an heue.