PHILIPPIX 4:6 - Wa Common Language Translation

⁶ Paw khi rhawm ka grawh grawng tix ceu kawx, ka daux ku ceu, rawg bwan mhaing tau mai krax yaogyaw bwanson, kieh Siyiex tawng pa rawg pa mhaing pex,

PHILIPPIX 4:6 Iomraidhean Croise

1 SIMIANG 8:28

Simiang Siyiex eue, doh keud ka lox rawg kawncau Maix bwan mai nghiet ka lox khyox khaw kok yo aux kawncau Maix ka plak sivoe Maix Cao daux in singaix,

2 GRAWNG BEEN 32:20

Mawh kheu jao grawng ceu in, simiang Hezakiyax mai cao jhai Isayax kawn simex Amok rawg bwan mai kok yo lox tix ka plak raoma heue.

YAOGYAW 51:15

Siyiex eue, paoh ka siyieb jheeh aux liak, jheeh aux tak sang yaogyaw bwanson Maix heue.

YAOGYAW 55:17

Yam ponbo, yam ponngawb mai yam pongaix, aux kha rhawm mai ngia mai Nawh Cao mhong lox aux heue.

YAOGYAW 55:22

Kraung cien pa klawm maix deuh piang Siyiex awx. Nawh tak teem ka maix heue. Nawh ang sax kieh pa lhat graung hoek ka piang pui pa rahsee heue.

YAOGYAW 62:8

Kawn pui khankix eue, deuh rhawm ka Nawh Cao ku bawg yam heue. Plak jhi rhawm rhi pex sivoe ngai Nawh Cao awx. Siyiex mawh dee deuh ex rhawm heue.

LOX KAB 15:8

Siyiex seeing ka krax tan pui pa ang rahsee khankix. Siyiex khaw rhawm ka lox rawg bwan pui rahsee khankix heue.

LOX KAB 16:3

Kaing pa yuh maix ap ka Siyiex awx. Phan yuh nan, kaing pa keud maix tak kaux cong heue.

SAWLAMUN 2:14

Kawn sikaux moh aux pa ot daux sinax rang simaox mai pa ot dee glip rang simaox, kieh aux yaox ka ngai maix, kieh aux mhong ka lox sikah maix, mawh kheu lox sikah maix mawh pa nyawm tie; mai ngai baoh maix, mawh pa kied mhawm ti yaox heue.

YERAMIX 32:16

“Yam ap aux pheen lai mhai rug liag kaung ka Baruk pa mawh kawn simex Nerix, rawg bwan ka Siyiex ah nin,

YERAMIX 33:3

kok ka Aux mai Aux tak deeh pawk ka maix, Aux tak sang jhi maix yaox ceu pa kied ting mai ceu pa kied raux pa ang maix doh tawng ka heue.

DANYELAX 3:16

Shadariet, Meshak mai Abedanego, khankix, deeh pawk lox ah nin ka simiang, “Nebukhaneza eue, yix ang lai koe lox sang deeh pawk ka maix ka daux son grawng in heue.

DANYELAX 6:10

Yam in viang Danyelax tawng ka hoik tawk cum piang lai an, nawh hu ka nyiex tix. Laig ka daux lawg plak piang daux nyiex nawh mai paoh siviex iak tix ka plak see veng Yerusaliem, nawh grux ngawng tix rawg bwan mai tawx krax pa yaogyaw ka plak sivoe Siyiex nawh, tix ngaix loe bawg awm hoik koe been pa deuh nawh singaix phao voe khankix heue.

MATHIEX 10:19

Viang mawh nan, yam teei kix tix tawx pex paw khi rhawm grawh grawng lox pa sang ah sang krai pex, kheu lox pa sang ah sang krai pex tak tawx ka pex ka daux bawg yam nari an heue.

MATHIEX 13:22

Simie pa rhuat ka daux sinax pang kat, mawh pui pa mhong ka lox bwan mai priex rhawm pa dex dawd mai haktiex mai pa chix pie lhen sinngao haktiex, kheem gut ka lox bwan mai nawh ang chix plix, plix heue.

MATHIEX 6:34

Mawh kheu nan, paw khi son pa sax, kheu pa sax tak khi son tix heue. Ceu pa ang mhawm son in ngaix, hoik kub son in ngaix heue.”

MATHIEX 6:8

Kheu nan, paw kieh awm kix, mawh kheu Keeing pex hoik tawng pa lo pex khawmuik ka ang pex nyang rawg mhaing ka Nawh heue.

LUKAX 10:41

Yesux pawk lox ah nin ka nawh, “Mathax, Mathax eue maix khi rhawm mai sung sang rhawm, ka kied nie ceu heue.

LUKAX 12:22

Nawh Cao ah nin ka kawncau Nawh khankix, “Mawh kheu nan Aux ah nin ka pex, pex sang ih pa yuh ka mawx, son ju tix mai sang ceep pa yuh ka mawx son tokaux tix, paw vi khi kah.

LUKAX 12:29

Paw sawg, son pa sang ih pex, son pa sang nyaux pex, paw kieh koe krax ang yum rhawm pa keud jee keud blaong.

LUKAX 18:1

Nawh Cao krai lox ka kix, yuh ka mawx sonsang khaw kix ti rawg bwan jheung jheung mai son ang kix sang khrup rhawm,

LUKAX 18:7

Siyiex tak ang prawng, ang yuh plak pui pa hoik laug Nawh ti teei, pa kok ka Nawh yam pon singaix mai yam pon sawm, viang ang Nawh khran yuh kawx lie?

1 KAWRINTHUX 7:21

Mawh maix siliex yam kok ka maix lie? Paw lai khi kah, viang mawh nan phan maix koe sibrawm ti lih mawh pui pa ploi, shiao ka sibrawm an heue.

1 KAWRINTHUX 7:32

Aux simie ti kieh pex luan khaing krax khi glawh heue. Pui pa ang koe moeng chix keud grawng ceu pa dex mai Simiang mai yuh ka mawx sonsang khaw caw nawh ka rhawm Simiang heue.

2 KAWRINTHUX 1:11

Viang pex kawx, mawh pa teem tau, kheu pa rawg pex bwan ka son ex heue. Kheu pui tom nie tak sang yaog yaw bwanson ka son ex, son totaix bwanson pa hoik tawx ka ex, kheu pui pa rawg bwan tom nie heue.

EFESUX 5:20

mai yaog yaw son ku ceu khawmuik ka keeing Siyiex jheung jheung, ka daux ceu kaux Simiang ex Yesux Khrit heue.

EFESUX 6:18

ca rawg bwan ku bawg yam, ka krax rawg mhaing khawmuik, ka daux Khuan Cao, pau ti jhak mai viex rhawm cong sijung mai rawg bwan, son pui singax singeh khawmuik,

KAWLAWSIE 3:15

Kieh pa nhim Cao Khrit giex kaing ka daux rhawm rhi pex, pa hoik kok pex ka, khawm ka tokaux tix mu khaing, kieh pex yaogyaw bwanson heue.

KAWLAWSIE 3:17

Pex yuh patix ang ah, ka daux gumlox ang ah, ka daux pa yuh ang ah, yuh khawmuik ka daux ceu kaux Simiang Yesux mai yaogyaw bwanson ka Siyiex pa mawh Keeing Cao ka daux Nawh heue.

KAWLAWSIE 4:2

Ca nied ti rawg bwan mai pau ti jhak ka daux an tau mai krax yaogyaw bwanson,

1 TIMOSE 2:1

Mawh kheu nan, ka paox tix khawmuik aux nhie maix, khyox khaw, rawg bwan, mhaing maix yaogyaw bwanson, son pui khawmuik heue.

1 TIMOSE 5:5

Bun pa mawh miexmai tete, pa deuk tix kaux khaing mai pa ang koe tidtix, hoik een krax keud pot jun pot tix ka Siyiex mai nied ti rawg bwan mhaing ku singaix heue.

1 PETRUX 4:7

Dee sidah ku ceu khawmuik dex sang hoek, mawh kheu nan, priex rhawm tix mai rawg bwan heue.

1 PETRUX 5:7

Plee ceu pa khi rhawm pex khawmuik piang Nawh Cao, kheu kia ngien Nawh ka pex jheung jheung heue.

1 SAMOELAX 1:15

Hanax deeh pawk ah nin, “simiang eue, ang mawh, aux mawh bun pa laux rhawm, aux ang nyaux rawm plix siiet mai plai khiien, aux hieh plih rhawm tix ka plak sivoe simiang Siyiex.

1 SAMOELAX 30:6

Davit kied koe krax khi rhawm, kheu jao ah pui khankix tix sang dheem nawh ka simaox, mawh kheu pui khawmuik hoik koe krax khi rhawm mai kied voi rhawm, son kawn simex kawn bun tix khankix, viang mawh nan, Davit teei riang rao tix ka Simiang Siyiex Cao nawh.

1 SAMOELAX 7:12

Samoelax teei simaox tix lon mai sum sinax Mizapa mai Shen, kok ceu kaux mawh Ebaneza ah nin, awm an Simiang Siyiex hoik teem ex tom hoek yam in.”