PHILIPPIX 4:3 - Wa Common Language Translation

³ Mawh heue, aux khyox khaw ka maix kaw pa mawh paox pa yuh tau mai aux tete heue. Teem ka bun in kiex, mawh kheu kiex hoik yuh tau mai aux ka daux lox bwan gaux rhawm, tau mai khawm Klemen mai paox yuh kaing pa deuk khankix, pa hoit koe ceu kaux kix ka daux phuk lai ju pa im heue.

PHILIPPIX 4:3 Iomraidhean Croise

YAOGYAW 69:28

Maix preet ti tik ceu kaux kix ka daux carang pa im ju mai paw lai tiiem ti deuh ceu kaux kix tau mai pui pa rahsee.

LIH HU 32:32

Phan Maix Cao koe rhawm ti pluat ploi ka phimap kix pluat ploi liak. Viang mawh nan, phan Maix Cao ang koe rhawm, aux rawg Maix preet ceu kaux aux khaing daux phuk lai pa hoik tiiem Maix Cao liak.”

ISAYAX 4:3

Khaix hoik luan ceu an pui pa kawn prah tix ka daux veng Zion mai pui pa kawn deuk ka daux veng Yerusaliem khankix, tak kok kix ku kaux mawh pa singax ka daux sinax pui pa kawn im ju pa hoik mhai ti deuh carang ka daux veng Yerusaliem heue.

YEZAKELAX 13:9

“Taix Aux tak tiebtie ka cao jhai pa yaox ka riang susai pa giex going mai pa krai lox jhai pie lhien. Kix tak ang yaox ti ot ka daux dee kraix khrawm pui Aux tix khankix mai ang lai tiiem ti deuh carang kix ka daux nyiex ma ceu pui Isarelax mai tak ang lai yaox ti laig ka daux haktiex meung Isarelax mai pex tak tawng mawh Aux Siyiex heue.”

DANYELAX 12:1

Ka daux bawg yam an, simiang ting Mikhelax, pa pau pui maix tak sang yaog ti kaoh cung, mai bawg yam pa kha rhawm tak sang koe pa mawh ceu pa ang sax koe jah tom kaw haktiex tix koe tom hoek ka daux bawg yam in, can pui maix khankix pa hoik koe ceu kaux ka daux phuk lai tak sang hoek krax taoh heue.

LUKAX 10:20

Paw gaux rhawm kheu phi khankix ot greem pex nghiet lox pex, viang mawh nan gaux rhawm ka pa hoik tiiem ti deuh ceu kaux pex, ka daux meung raoma heue.”

ROMAX 12:1

Mawh kheu nan, puxaik khankix eue, aux tom khyox khaw ka pex, kheu pa caux rhawm Siyiex, sonsang tawx pex tokaux tix, ti mawh pa tan pa im, pa singax singeh, pa khaw caw ka rhawm Siyiex, pa mawh kaing krub pa keung pex ti yuh heue.

ROMAX 16:12

Nawb ka Taruphenix mai Taruphosax, pa yuh kaing ka daux Cao Khrit heue. Nawb ka Perusix pa moh kah, pa hoik yuh kaing tom nie ka daux Cao Khrit heue.

ROMAX 16:9

Nawb ka Uraban pa mawh paox pa rom ti yuh kaing tau mai ex ka daux Cao Khrit mai ka khawm Satakhux pa moh aux kah heue.

PHILIPPIX 1:12

Puxaik khankix eue, aux simie ti kieh pex tawng grawh grawng ceu pa hoik mawh ka aux, hoik mawh ceu pa teem ti kieh lox bwan gaux rhawm tah hu heue. Khaing pa kieh pa raw kah heue.

PHILIPPIX 1:16

Pui pa ghoik ti krai khankix sidiex kheu koe krax moh krax rhawm mai kheu kix tawng grawng hoik deuh ka aux tin sonsang tiebtie ti priex ka lox bwan gaux rhawm heue.

PHILIPPIX 1:27

Kieh ngie pa yuh pex keung mai been lox bwan gaux rhawm gaux rhi Cao Khrit, yuh ka mawx phan aux hoek ka pex ang ah, siyang ot ang ah, aux tak pon ti mhong grawng kaux cong pex mai viex khuan tix mu mai rhawm tix mu khaing, mai niet ti yuh son krax yum rhawm pa dex dawt mai lox bwan gaux rhawm gauxrhi,

PHILIPPIX 1:5

kheu yuh pex paox pie ka daux pa tah hu lox bwan gaux rhawm, jah ka singaix pa mhong pex lox bwan an, tom yam in heue.

PHILIPPIX 1:7

Pa keud aux yuh nin son pex khawmuik hoik khaw, mawh kheu ca koe pex ka daux rhawm aux, ka daux pa phyawk aux in mai khawm ka daux pa kham mhai rug tix tiebtie mai kieh lox bwan gaux rhawm kaux cong kawx, pex khawmuik hoik mawh pa neuex pa rom ti pon bwanson tau mai aux heue.

PHILIPPIX 4:2

Ka Eodia aux jeeh nyaw kah mai ka Suntukke aux jeeh nyaw kah, sonsang koe rhawm pa awm paox tix ka daux Siyiex heue.

KAWLAWSIE 1:7

Awm hoik gau pex khaing Epaphrax, paox siliex pa moh ex, pa mawh cao sidiex gau pa kaux sijax Cao Khrit ka son ex,

PLAK JHI 13:8

Can pui pa ot ka piang haktiex khawmuik tak sang krub ka nawh, pa mawh can pa ang lai tiiem ti deuh ka ceu kaux kix tom yam jah ti kaw haktiex ka daux phuk lai pa im ju, cie kawn yung pa hoik pah yum heue.

PLAK JHI 17:8

Totiag pa hoik yaox maix an, hoik mawh, mai ang lai mawh, dex sang lih hoek khaing daux, daux pa ang koe dee die mai hu ka daux pa laux pa laux leeing heue. Pui pa ot ka piang haktiex khankix, pa mawh kix pa ang lai tiiem ti deuh ka ceu kaux kix, tom yam jah ti kaw haktiex, ka daux phuk lai pa im ju, yam yaox kix ka totiag an pa hoik mawh mai pa ang lai mawh mai pa tak sang hoek khaix, tak sang daox deng ka heue.

PLAK JHI 20:12

Aux yaox pui pa hoik yum, khawm pa iak pa ting, cung ka sivoe dang ngeung an heue. Paoh ka phuk lai khankix mai baox paoh ka phuk lai tang pheen tix pheen, pa mawh phuk lai pa im ju heue. Prawng ca ka pui pa hoik yum khankix khaing daux ceu pa hoik tiiem ti deuh ka daux phuk lai khankix, awm pa khaw mai ceu pa hoik tang yuh kix heue.

PLAK JHI 20:15

Phan yaox pui tix kaux kaux pa ang lai tiiem ti deuh ka daux phuk lai pa im ju an, teei ti taing nawh sau daux nhawng ngu an heue.

PLAK JHI 21:27

Ceu pa seeing brai, phan ang mawh nan kaw pa yuh ceu pa greeing mai pa pie lhen ang pon ti laig tan, viang mawh nan mawh ngie kix pa hoik tiiem ka daux phuk lai pa im ju kawn Yung khaing pa pon ti laig kah heue.

PLAK JHI 3:5

Ka kaw pa pex tak sang kieh ceep ka kraung paing yuh nin heue. Aux tak ang doh preet ti tik ceu kaux nawh khaing phuk lai pa im ju, Aux tak sang kham grawng ceu kaux nawh sivoe Keeing Aux mai sivoe kawncau Siyiex cie Nawh khankix heue.