PHILIPPIX 4:12 - Wa Common Language Translation

¹² Aux chix ot ka daux pa hot pa blai mai aux chix ot khawm ka daux pa nie haoh nie lheu khaing kub, ka daux ku ceu khawmuik aux hoik gau ti chix kham pa sak mai khawm pa chix cai rhawm mai ti chix koe pa nie haoh nie lheu khaing kub mai khawm pa ang kub tix heue.

PHILIPPIX 4:12 Iomraidhean Croise

NEHAMIX 9:20

Maix Cao hoik tawx khwan pa mhawm tix gau ka kix mai ang nyang pluat blah Mannax khaing jheeh kix mai hoik tawx kix nyaux rawm yam sang nyaux nie kix rawm heue.

ISAYAX 8:11

Grawh grawng nawh, Siyiex hoik sikah ka aux, tau mai khawn taix pa ting tix mai hoik tawm aux, sonsang ang aux hu ka daux krax hu ceu pui in ah nin,

YERAMIX 31:19

Khaix hoik deeh hoek aux, Aux hoik koe krax pa doh keud tete mai khaix hoik yaox aux tix kham geu pa sivied, Aux tak deeh lah ka ba viang tix heue. Aux hoik kaig tua mai hoik laux min pakngai, kheu jao hoik yaox aux tix kham lox sibriem pui yam awn ju tix heue.

MATHIEX 11:29

Teei ti klawm khaox glawm Aux mai hoek ti gau ka Aux, kheu Aux koe rhawm pa awn pa tiem mai ju pex tak yaox dee laux lee tix heue.

MATHIEX 13:52

Nawh Cao baox ah nin ka kix, “Mawh kheu in, pui tiiem lai ku kaux pa hoik gau grawh grawng Meung Raoma hoik awm cao nyiex tix kaux, hoe ceu pa khraox mai pa prim lih khaing kraung nawh heue.”

2 KAWRINTHUX 10:1

Tokaux aux Pawlux, pa tiem rhawm rhi yam ot mai pex, pa koe rhawm kwa yam tang ot khaing pex, khyox khaw ka pex ka ceu pa awn rhawm mai ceu pa mhawm rhawm mhawm rhi Cao Khrit heue.

2 KAWRINTHUX 10:10

Mawh kheu kix tix blah ah nin, “Lai nawh tom mawh pa cien pa koe sibrawm tete, phan tokaux nawh ot, mawh pa iak riang mai lox sikah nawh mawh pa ang tie koe ceu.”

2 KAWRINTHUX 11:27

Ka daux kaing pa nyhap pa mao, ka daux pa krox pa pau law lawx, ka daux pa cai rhawm mai pa sang nyaux nie rawm, ka daux pa twah pa ih law lawx, ka daux pa kuat mai pa ot kakaong heue.

2 KAWRINTHUX 11:7

Mawh hoik yuh aux phimap, ka pa yuh tokaux tix tiem sonsang yaog pex ting, kheu hoik sidiex aux lox bwan gaux rhawm Siyiex ka pex giex giex mai ang teei ngawh lie?

2 KAWRINTHUX 11:9

Yam ot aux tau mai pex mai koe dee lo dee cud, aux ang mawh beeh glawm ka pui tix kaux kawx, grawh grawng nawh yam hoek puxaik khankix khaing meung Makedonix kix tawx ceu pa lo pa cud aux. ka daux can ku ceu aux hoik priex tokaux tix son ang sang mawh beeh glawm ka pex mai aux tak ca kawn priex tokaux tix yuh nan heue.

PINGNYAP 32:10

Nawh Cao hoik yaox nawh daux haktiex dee yiien, dee riag yo totiag khankix, Nawh Cao hoik vie hoik lawm nawh mai priex rien ka nawh mai kia ngiien ka nawh awm kawn ngai tix.