PHILIPPIX 4:1 - Wa Common Language Translation

¹ Puxaik pa moh aux khankix mai pa byaong aux kah, pa mawh krax gaux rhawm mai mhok khri aux, ot kaux cong ka daux Simiang, pui pa moh aux khankix eue.

PHILIPPIX 4:1 Iomraidhean Croise

YAWBAX 31:36

Aux tak sang deuh an piang klip tix tete mai ceep piang kaing tix awm mhok khri tix mu,

YAOGYAW 125:1

Pui pa deuh rhawm ka Siyiex kaux cong jheung jheung, awm gawng Zion ang chix gah greed tix bawg kawx heue.

YAOGYAW 27:14

Keut pot jun pot ka Siyiex, teei riang rao mai viex rhawm kwa tix keut pot ka Siyiex heue.

MATHIEX 10:22

Pui khawmuik tak koeng ka pex mawh kheu ceu kaux Aux. Viang mawh nan, kaw pa kaux cong tom sidah, tak hoek krax taoh heue.

YOHAN 8:31

Mawh kheu nan Yesux ah nin ka pui Yudax pa hoik yum rhawm ka Nawh khankix, “Phan pex ot ka daux gumlox Aux, pex mawh kawncau Aux tete heue.

KAWNCAU 11:23

Yam hoek nawh tan mai hoik yaox bwanson Siyiex, nawh gaux rhawm kah mai sidiex gau kix khawmuik, sonsang deuh kix rhawm tix kaux mai kawm ka Siyiex tom sied.

KAWNCAU 14:22

Kieh rhawm kawncau mau soi khankix kaux cong mai sidiex gau kix yuh ka mawx son kawn sang ot ka daux krax yum rhawm mai krai ka kix yuh nin, “Ex tak lai kham geu pa kha rhawm tix tom nie, mai laig ka daux meung Siyiex heue.”

KAWNCAU 2:42

Kix nghiet lox pa sidiex kawncau pa ting khankix jheung jheung mai yuh paox pie ka daux pa sivit blah mai pa rawg bwan heue.

ROMAX 2:7

Ka kix pa chix viex rhawm gun yeung mai ca yuh kaing pa mhawm mai sawg son min plakngai mai krax yung yi mai pa ang chix laux leeing, tak tawx ju leeing ju heue.

1 KAWRINTHUX 15:58

Mawh kheu nan puxaik pa moh aux khankix eue, kaux cong, paw kieh chix gah greed mai nied ti yuh kaing Simiang ku jheung jheung, mawh kheu tawng pex grawng kaing pa yuh pex ka daux Simiang ang lai mawh pa giex going heue.

1 KAWRINTHUX 16:13

Pau ti jhak heue, cung kaux cong ka daux krax yum rhawm, yuh kieh awm simex, kieh ting riang awx.

2 KAWRINTHUX 1:14

Awm pa hoik dha pex ti rieb teei ex ceeix, ti mawh dee sang yaw rangdi pex kah, viang pex kawx awm mawh dee sang yaw rangdi ex, ka daux singaix Simiang ex Yesux heue.

KALATIX 5:1

Cao Khrit hoik ploi ex sonsang mawh pui ploi, mawh kheu nan kieh kaux cong kah mai paw baox deeh kieh nien ka ceu pa sang deeh kieh mawh siliex.

PHILIPPIX 1:27

Kieh ngie pa yuh pex keung mai been lox bwan gaux rhawm gaux rhi Cao Khrit, yuh ka mawx phan aux hoek ka pex ang ah, siyang ot ang ah, aux tak pon ti mhong grawng kaux cong pex mai viex khuan tix mu mai rhawm tix mu khaing, mai niet ti yuh son krax yum rhawm pa dex dawt mai lox bwan gaux rhawm gauxrhi,

PHILIPPIX 1:8

Grawh grawng nawh, Siyiex mawh cao pa kham mhai rug aux, grawng pa byaong aux ka pex khawmuik, ka daux ceu pa moh rhawm Yesux Khrit heue.

PHILIPPIX 2:16

mai yaog ti jung gum lox pa im ju, sonsang koe aux ceu pa yaw rangdi kah, ka daux singaix Cao Khrit, pa to aux ang mawh pa giex going mai viang pa nyhap pa yuh aux ang mawh pa giex going heue.

PHILIPPIX 2:26

mawh kheu nawh byaong ka pex khawmuik, kied lulax rhawm kah, kheu hoik mhong pex grawng saux nawh heue.

KAWLAWSIE 4:12

Epaphrax pa mawh pui khaing ka daux pex tix kaux mai siliex Yesux Khrit nawb ka pex mai nawh nied ti rawg bwanson pex ku jheung jheung, sonsang kaux cong pex sijung mhawm mhawm mai uik grum tawng tom fah rhawm ka alo Siyiex khawmuik heue.

1 THESALONIX 3:13

sonsang sidah kieh Nawh Cao rhawm rhi pex kaux cong mai ang koe dee deuh phimap ka daux pa singax singeh sivoe Keeing ex Siyiex, yam sang hoek Simiang ex Yesux, tau mai pui pa singax singeh Nawh khawmuik liak.

2 THESALONIX 2:15

Puxaik khankix eue, cung cong sijung mai jhawp ka been pa hoik gau ka pex khankix, ka lox sikah ang ah, ka lai pa tawx ex ang ah heue.

2 TIMOSE 2:1

Kawn aux eue, kieh baox thien riang ka daux bwanson pa koe ka daux Yesux Khrit heue.

HEBRIE 10:23

Kieh ex giex tom cong ka krax keud pot jun pot pa hoik rieb ex ti teei, son ang lai yung yiang kah, grawh grawng nawh Kaw pa tawx lox sijax mukheu mawh pa kaux sijax heue.

HEBRIE 3:14

Grawh grawng nawh ex hoik rom ti lih mawh paox pie ka Cao Khrit, phan ex giex tom kaux tom sidah, ka pa hoik yum rhawm ti deuh rhawm ex yam jah heue.

HEBRIE 4:14

Kheu ex koe cao giex kaing li pa ting pa hoik laig ka daux meung raoma, pa mawh Yesux kawn Siyiex, kieh ex giex tom kaux ka ceu pa hoik rieb ex ti teei heue.

2 PETRUX 3:17

Mawh kheu nan, pui pa moh aux khankix eue, kheu hoik grux tawng pex grawh grawng ceu in khankix, rien rhawm tix, son ang pex sang lud hu, tau mai pa yuh pui caox khankix mai rau khaing pa kaux cong pex heue.