PHILIPPIX 3:9 - Wa Common Language Translation

⁹ mai sonsang yaox ka aux ka daux Nawh Cao, pa ang koe pa rahsee cie tokaux tix pa mawh khaing lox lai beenli, viang mawh nan pa rahsee pa pon kheu krax yum rhawm ka daux Cao Khrit, pa mawh pa rahsee khaing Siyiex kheu krax yum rhawm,

PHILIPPIX 3:9 Iomraidhean Croise

YAM JAH 7:23

Nawh Cao kieh can pa im ju piang haktiex, pa mawh kawn pui, tobrie, totiag pa chix mu chix hu mai sim sai raoma khankix laux leeing heue. Mawh ngie Noax mai can pa ot tau mai nawh daux reu pa klawd ju heue.

1 SIMIANG 8:46

“Yam lud kix ka Maix Cao, ang koe pui pa ang lud tix kaux kawx, yam song rhawm Maix Cao ka kix mai ap kix ka pui koeng khankix mai kix mawh pui pa giex laung ka haktiex pui koeng, viang singai ang ah, dex ang ah,

2 GRAWNG BEEN 32:25

Viang mawh kawx nan, Hezakiyax ang lai pawk ti yuh ceu ankix, awm pa hoik pon tix bwanson ka pa hoik jhi Nawh Cao piang nawh, kheu jao lhaong rhawm nawh, mawh kheu nan, krax pa song rhawm lih hoek piang nawh mai piang meung Yudax mai veng Yerusaliem heue.

2 GRAWNG BEEN 32:31

Viang yuh nan kawx, son grawng cao cau tang cub simiang Babulon khankix, pa hoik ploi kix hoek ti chawk grawh grawng pa daox deng pa hoik yuh nawh ka daux haktiex an, Siyiex hoik deeh yoi tix khaing nawh, sonsang cheuk ti yaox nawh mai sonsang pon tawng Nawh Cao pa koe ka daux rhawm nawh khawmuik heue.

YAOGYAW 14:3

Kawn pui khawmuik hoik lud krax mai hoik cux sium awm paox tix khawmuik, pui pa yuh pa mhawm ang koe, pon ang koe pie tix kaux kawx.

YAOGYAW 143:2

Maix paw lai prawng ca aux liak, pui mawx ang ah, pui pa im ju khankix, pui pa ang koe phimap, pa rahsee sivoe ngai Maix ang koe tix kaux kawx.

YAOGYAW 19:12

Pui mawx pa chix tawng ka dee phit lud tokaux tix? kieh aux luan khaing phimap pa koe dee glip liak.

SIDIEX 7:20

Mawh kheu ang kawn pui piang haktiex rahsee, pa yuh ceu pa mhawm mai pa ang koe phimap, ang koe tix kaux kawx heue.

ISAYAX 46:13

Aux viex krax taoh hoek phao, ang lai singai, krax taoh Aux ang lai rheung lai koi, Aux tak deuh krax taoh ka piang Zion, son pui Isarelax, pa mawh min pakngai Aux heue.”

ISAYAX 53:11

Nawh tak yaox bwanson kaing jhaw pa yuh Nawh mai koe krax pa fah rhawm fah rhi ka. Ka daux krax tawng yung ka siliex pa rahsee Aux, tak kieh pui tom nie koe krax pa rahsee. Nawh tak yaox ti kham son phimap kix heue.

ISAYAX 53:6

Ex khawmuik, hoik awm yung pa lud krax, ex ku kaux hoik tang veeh ti hu daux krax cao tix mai Siyiex hoik deuh phimap phighram ex khawmuik ka piang Nawh heue.

ISAYAX 6:5

Khaix an aux ah nin “Krax kha rhawm koe ka piang aux, krax keud pot ang lai koe son aux, grawh grawng nawh, aux mawh pui pa ang singax siyieb jheeh tix kaux, mai aux ot sinax pui tix cub pa ang koe krax pa singax siyieb jheeh, mawh kheu ngai aux hoik yaox ka Simiang, pa mawh Siyiex cao kru naing raoma heue.”

YERAMIX 23:6

Singaix bawg yam nawh khankix, meung Yudax tak pon krax taoh mai ceu pui Isarelax khankix tak yaox ti ot yiien yawg, yam in ceu kaux Nawh Cao tak kok mawh “Siyiex mawh pa rahsee ex heue.”

YERAMIX 33:16

Ka daux singaix an, haktiex Yudax tak sang hoek krax taoh mai veng Yerusaliem tak sang yaox ti ot yiien yawg mai in mawh min ceu kaux pa sang kok ka veng an mawh “Simiang Siyiex mawh pa rahsee ex.”

DANYELAX 9:24

Bawg yam atixgliah aliah bawg mawh pa hoik tat tix son pui maix khankix mai son veng pa singax singeh maix, sonsang naox yuh ti krax lud, sonsang sidah yuh phimap, sonsang yuh krax taoh son phimap, sonsang laig daux krax pa rahsee leeing ju, sonsang tawk ti deuh cum ka grawng riang susai an mai lox jhai an kix mai sonsang groi tix rawm bee ka dee pa kied singax singeh an heue.

MATHIEX 9:13

Pex hu mai gau dee bleeh lox in, Aux moh krax caux rhawm mai ang moh ceu pa tan. Kheu hoek Aux sonsang kok pui rahsee khankix ang mawh, hoek ti kok pui pa koe map lud khankix heue.”

ROMAX 1:17

Grawh grawng nawh pa rahsee Siyiex plak sidawng ka daux lox bwan an, kheu krax yum rhawm, sonsang yum rhawm, awm hoik tiiem ti deuh ah nin, “Pui pa rahsee tak sang im kheu krax yum rhawm heue.” Siyiex Song Rhawm Ka Pui Ang Rahsee

ROMAX 10:10

Grawh grawng nawh, mawh ka rhawm heue, pa yum rhawm pui ti sang hoek krax rahsee mai mawh ka jheeh heue, pa kham grawng rieb ti teei, tom hoek krax taoh heue.

ROMAX 16:7

Nawb ka Andrawnit mai Yunix, pa mawh paox ru aux mai paox pa hoik laung tau mai aux. Pa mawh pa koe ceu ka sinax kawncau pa ting khankix, pa hoik ot ka daux Cao Khrit ka sivoe aux heue.

ROMAX 5:21

awm hoik kwang hoik giex phimap kaing ka daux krax yum, viang bwanson kawx, sang pon kwang pon giex kaing kheu pa rahsee, tom lih pon ju leeing ju kheu Simiang ex Yesux Khrit heue.

ROMAX 8:1

Mawh kheu nan, yam in, ang lai koe dee prawng ciyang ka kix pa ot ka daux Yesux Khrit heue.

ROMAX 8:3

Pa ang lox lai beenli pon yuh, mawh kheu iak riang rao kheu nex nham, Siyiex hoik ploi Kawn tix lih ka daux pa yaung nex nham phimap mai grawh grawng phimap, Nawh prawng ciyang phimap ka daux nex nham,

1 KAWRINTHUX 1:30

Hoik mawh kheu Nawh Cao, pa ot pex daux Yesux Khrit, pa hoik kieh mawh pingnya pa rahsee, pa singax mai pa taoh, pa kaoh khaing Siyiex ka son ex,

2 KAWRINTHUX 5:17

Phan pui tix kaux kaux ot ka daux Cao Khrit, nawh mawh ceu pa khraox heue. Ceu pa prim khankix hoik grai hoik grup hu mai jhak heue, ceu an kix hoik lih mawh pa khraox heue.

2 KAWRINTHUX 5:21

Siyiex hoik kieh Kaw pa ang tawng phimap, mawh phimap ka son ex, son sang lih mawh ex pa rahsee Siyiex ka daux Nawh heue.

KALATIX 2:16

Ex tawng grawng pui ang hoek krax rahsee, kheu pa twah klaung ka lox lai beenli,viang mawh nan hoek kheu krax yum rhawm ka Yesux Khrit, awm hoik yum rhawm ex ka Yesux Khrit, son sang pon ex ti hoek krax rahsee kheu pa yum rhawm ka Cao Khrit mai ang mawh kheu krax twah klaung ka lox lai beenli, mawh kheu pui tix kaux kawx ang hoek krax rahsee, kheu pa twah klaung ka lox lai beenli heue.

PINGNYAP 27:26

Kieh pa jhax lawg koe piang pui pa ang kaux sijax ka gumlox beenli in khawmuik mai pui khawmuik deeh pawk lox mai ah Amen heue.”

PHILIPPIX 3:6

Phan mawh plak viex rhawm tix coca, aux mawh pa tuktiaktukte ka ceu cao, phan mawh pa rahsee pa koe ka daux lox lai beenli ang koe dee khluk khlaik dee cha heue.

2 TIMOSE 1:9

pa hoik taoh ex mai pa hoik kok ex kah, pa kok pa singax singeh, ang mawh ka pa khaw mai kaing pa yuh ex, mawh pa khaw mai pa hoik yiag hoik bak Nawh mai bwanson pa hoik tawx ka ex ka daux Yesux Khrit, tom ka sivoe yam jah ti koe bawg yam,

TITUX 3:5

Ang mawh kheu pa hoik yuh tokaux ex ka daux pa rahsee, mawh kheu pa caux rhawm Nawh, Nawh hoik taoh ex, ka pa sigrhah pa dex dawd mai ceu pa deeh keh, ka Khuan Singax Singeh deeh kieh mawh pa khraox,

HEBRIE 6:18

Kheu ra ceu pa ang chix tieh loh, pa ang doh chix kieh Siyiex pie lhen kah, ex pa hoik to son dee peung ti giex ka krax keud pot jun pot pa hoik deuh sivoe ex, tak sang pon pa baox thiien riang ka ex heue.

YAKOP 3:2

Mawh kheu ex khawmuik sideeing caong ka tom nie ceu heue. Phan pui tix kaux kaux ang sax lud lox ah sikah krai, kaw an mawh pui pa grum mhawm mai pa chix pex khawm tokaux tix khawmuik heue.

2 PETRUX 1:1

Simon Petrux, pa mawh siliex mai kawncau pa ting Yesux Khrit, tawx ka kix, pa hoik pon krax yum rhawm pa awm paox tix, pa mhawm pa ngawh, tau mai ex, ka daux pa rahsee Siyiex ex mai Yesux Khrit Cao Taoh heue.

1 YOHAN 3:4

Pa yuh phimap ku kaux daux pui, yuh khawm pa lheu tix lox been mai phimap kienie, mawh pa lheu lox been heue.