PHILIPPIX 3:8 - Wa Common Language Translation

⁸ Lheu khaing an viang ku ceu khawmuik kawx aux een aux sawn mawh pa som pa nai, mawh kheu ceu pa kied nie lheu ting mhawm krax tawng ka Simiang aux Yesux Khrit, kheu Nawh Cao aux hoik geu pa som pa nai ku ceu khawmuik, hoik een hoik sawn khankix mawh ngie pa seeing pa tik pa vud khaing, sonsang pong aux Cao Khrit,

PHILIPPIX 3:8 Iomraidhean Croise

1 SIMIANG 14:10

aux tak kieh krax laux leeing hoek ka piang doeh nyiex ma Yerobom mai tat ti tik kawn simex daux Yerobom ku kaux, pa koe ka daux pui Isarelax, pa mawh pui pa giex laung mai pui pa glawd khaing Yerobom mai Aux tak teei ti tik doeh nyiex ma Yerobom, awm tik pui ka aing heue.

2 SIMIANG 9:37

Tokaux yum Yezabelax tak mawh pa awm aing ka daux tong kaung, biang haktiex Yezerelax tom ang kix lai pon tix ah nin, “In mawh Yezabelax heue.”

YAWBAX 20:7

nawh tak grai grup leeing ju awm aing pa tik cao nawh, can pui pa hoik sax yaox ka nawh tak sang ah nin, mawh ot nawh dee mawx lie?

YAOGYAW 126:6

Pui pa jah rawm ngai mai viex simie lih hu sonsang rhuat, tak sang deeh viex lhiem nghox hoek khawm gaux rhawm tix tete heue.

YAOGYAW 73:25

Lheu khaing Maix tix kaux, pui mawx tak sang ot mai aux daux meung raoma? Lheu khaing Maix tix kaux, ka piang haktiex in, aux kawn lo pui mawx?

ISAYAX 53:11

Nawh tak yaox bwanson kaing jhaw pa yuh Nawh mai koe krax pa fah rhawm fah rhi ka. Ka daux krax tawng yung ka siliex pa rahsee Aux, tak kieh pui tom nie koe krax pa rahsee. Nawh tak yaox ti kham son phimap kix heue.

MALAKHIX 2:3

“Jhak heue, Aux tak sang ah ka ru pex mai kraix aing tobrie pa tan daux pawie ka piang ngai baoh pex mai pui tang kaux tak sang teei tik pex tau mai aing tobrie heue.

SIMIN 14:30

Tak ang yaox ti laig daux haktiex tiextu Aux ti tawx ka pex, lheu khaing Kaliep kawn simex Yephunie mai Yawsux kawn simex Nun.

LUKAX 1:43

Aux pon min plakngai pa hoek miex Simiang aux ka aux yuh nin, yuh ka mawx?

LUKAX 11:20

Viang mawh nan phan Aux een rhawm ka giien taix Siyiex mai grheu phicaox khankix lih, meung Siyiex hoik hoek ka piang pex tete heue.

YOHAN 14:20

Ka daux singaix an, pex tak sang tawng grawng pa ot Aux ka daux Keeing Aux grawng pa ot pex ka daux Aux grawng pa ot Aux ka daux pex heue.

YOHAN 14:7

Phan pex hoik tawng ka Aux, viang mawh Keeing Aux kawx pex tak tawng heue. Jah tom yam in pex tawng Nawh hoik yaox ka Nawh Cao”

YOHAN 16:3

Kix tak yuh ceu in khankix kheu ang kix lai tawng ka Keeing Cao khawm ka Aux heue.

YOHAN 17:3

In mawh ju leeing ju, sonsang tawng kix ka mawh Maix Siyiex pa mawh meh tix kaux khaing Yesux Khrit pa hoik ploi Maix hoek heue.

YOHAN 17:8

Kheu gumlox pa hoik tawx Maix ka Aux, Aux hoik tawx ka kix, kix hoik rieb titeei ka khankix kix hoik tawng grawh grawng pa hoik lih hoek Aux khaing Maix tete, kix yum rhawm grawh grawng pa hoik ploi Maix Aux hoek heue.

YOHAN 20:13

Kiex chawk nawh ah nin, “Bun eue, yiiem maix kheu patix?” Nawh deeh ah nin ka kiex, “Mawh kheu hoik teei kix Simiang aux, ang aux tawng dee hoik een kix Nawh heue.”

YOHAN 20:28

Thomax deeh pawk lox ah nin ka Nawh Cao, “Simiang aux Mai Siyiex aux”

KAWNCAU 20:24

Viang mawh nan, nyawk ka mawh ju aux, ang aux lai lhawk ka ju aux, sonsang pon yuh aux tom hoik, kaing sidiex gau pa hoik pon aux khaing Simiang Yesux, sonsang pon ti kham mhai rug grawng lox bwan gaux rhawm pa dex dawd mai bwanson Siyiex heue.

ROMAX 8:18

Grawh grawng nawh aux sawn ceu pa yaox ti kham geu yam in, mawh pa ang keung ti tiag yaox ka min plakngai pa tak sang plak jhi ka ex sax heue.

ROMAX 8:39

pa lhaong ang ah, pa raux ang ah, viang mawh pa phan pa deuh tang ceu, ceu tix ang ah, tak ang chix gwieh ex khaing krax moh krax rhawm Siyiex, pa koe ka daux Simiang ex Yesux Khrit heue.

1 KAWRINTHUX 2:2

Grawh grawng nawh, aux hoik een rhawm tix ang tawng tidtix, ka daux pex, lheu khaing Yesux Khrit mai grawng pa hoik yum Nawh piang khaox lhak heue.

1 KAWRINTHUX 9:10

Phan ang mawh nan ah Nawh ka son ex lie? Mawh heue, hoik tiiem ka son ex, mawh kheu kaw pa thai ma khaw ti thai ka daux krax keud pot jun pot mai kaw pa pah nghox, khaw ti pah ka daux krax keud pot jun pot, ti sang pon ih nyum nghox cie tix heue.

2 KAWRINTHUX 4:4

Ka daux kix pa ang yum rhawm khankix siyiex haktiex in hoik kieh rhawm dee chix tawng kix dug kah, son ang pa riang lox bwan gaux rhawm min pakngai Cao Khrit, pa mawh riang grang Siyiex, sang jhan ka piang kix heue.

2 KAWRINTHUX 4:6

Grawh grawng nawh Siyiex pa hoik ah, “Kieh pa riang lih jhan khaing daux pa faik,” hoik jhan riang ka daux rhawm rhi ex, son sang tawx pa riang krax tawng ka min plakngai Siyiex, ka daux pakngai Yesux Khrit heue.

KALATIX 1:16

son sang plak jhi Kawn Nawh ka daux aux, son sang sidiex aux grawng Nawh ka sinax pui tang ceu khankix mai dom mawx dom an aux ang kum kawng tau mai nex nham,

EFESUX 4:13

tom hoik mawh ex khawmuik tix mu khaing ka daux krax yum rhawm mai krax tawng ka kawn Siyiex, tom mawh ex pui pa uik grum die huan mai awm pa grum pakpeung Cao Khrit.

PHILIPPIX 1:1

Pawlux mai Timose, pa mawh siliex Yesux Khrit tawx lai hu ka pui singax singeh ka daux Yesux Khrit, pa ot ka veng Philippix khawmuik mai ka cao giex kaing ceu cao mai ka pui bung kaing ceu cao khankix.

PHILIPPIX 3:10

sonsang tawng aux Nawh Cao mai sibrawm ceu pa deeh kaoh im Nawh mai pa yuh paox pie ka krax kham geu pa kha rhawm Nawh mai yum awm yum Nawh Cao,

PHILIPPIX 3:12

Aux ang lai ah hoik pon tix mai hoik grum mhawm tix, viang mawh nan aux nied ti hu sivoe, sonsang pon giex aux ka ceu pa hoik giex Yesux Khrit ka aux, ka son an heue.

PHILIPPIX 3:7

Ceu pa mawh ceu pa koe bwanson ka aux, aux hoik een hoik sawn mawh pa som pa nai son Cao Khrit heue.

2 TIMOSE 4:6

Grawh grawng nawh uik tan aux awm pa prauk rawm tan mai bawg yam lih hu aux hoik hoek heue.

HEBRIE 3:14

Grawh grawng nawh ex hoik rom ti lih mawh paox pie ka Cao Khrit, phan ex giex tom kaux tom sidah, ka pa hoik yum rhawm ti deuh rhawm ex yam jah heue.

1 PETRUX 2:7

Mawh kheu nan min pakngai an mawh son pex pa yum rhawm khankix heue. Viang mawh kawx nan son pui pa ang yum rhawm khankix, “Simaox pa hoik tik pui pa yuh nyiex hoik yuh kieh mawh kaing ka daog heue.”

2 PETRUX 1:2

Kieh bwanson mai pa nhim baox thien thie ka pex, ka daux pa tawng ka Siyiex mai Yesux heue.

2 PETRUX 1:3

Sibrawm Nawh Cao hoik tawx ka ex ku ceu khawmuik pa dex dawd mai pa im ju mai pa chix nab yam mai pa yuh pa khaw ka Siyiex, ka daux pa tawng ka Kaw pa hoik kok ex, ka min pakngai mai pa mhawm cie tix heue.

2 PETRUX 1:8

Grawh grawng nawh phan ceu in khankix mawh cie pex mai chix haok hwan, kix tak ang kieh pex mawh pui nieh mai pa ang chix plix plix, ka daux krax pa tawng ka Simiang ex Yesux Khrit heue.

2 PETRUX 3:18

Viang mawh nan kieh haok hwan ka daux bwanson mai krax tawng yung Cao Taoh ex Yesux Khrit heue. Kieh Nawh koe min pakngai khawm yam in mai leeing ju liak. Amen.

1 YOHAN 1:3

Pa hoik yaox hoik mhong ex kawx ex krai ka pex, pex kawx sang yaox ti yuh paox pie tau mai ex mai pa yuh paox pie ex mawh tau mai Keeing Cao, tau mai Kawn Nawh Yesux Khrit heue.

1 YOHAN 2:19

Kix hoik lih hu khaing ex, viang mawh nan kix ang dex dawd mai ex, grawh grawng nawh phan kix hoik dex dawd mai ex, kix tak kawn ot tau mai ex heue. Viang mawh nan kix hoik lih hu, sonsang sidawng grawng kix khawmuik ang dex dawd mai ex heue.

1 YOHAN 5:20

Ex tawng grawh grawng hoik hoek Kawn Siyiex mai hoik tawx krax pa chix tawng ka ex, sonsang tawng ex Kaw pa mawh meh mai ex hoik ot ka daux Kaw pa mawh meh an, pa mawh ka daux Kawn Nawh Yesux Khrit heue. In mawh Siyiex pa mawh meh mai ju leeing ju heue.