PHILIPPIX 3:13 - Wa Common Language Translation

¹³ Puxaik khankix eue, aux ang een ang sawn tokaux tix mawh pa hoik pon, viang mawh nan aux yuh ngie tix ceu khaing, aux piawm ceu pa hoik koe plak khaix mai nyeu tix sang pon ceu pa koe plak sivoe khankix,

PHILIPPIX 3:13 Iomraidhean Croise

YAOGYAW 27:4

Aux rawg tix ceu ka Siyiex, yam kawn im ju aux, sonsang pon aux ti ot ka daux nyiex Siyiex mai sonsang yaox min plakngai pa mhawm grang Siyiex mai aux sawg sonsang yaox ti ot ka daux nyiex bwan Nawh heue.

YAOGYAW 45:10

Kawn bun eue, nghiet heue, veeh yhaok tix mai keud mhawm mhawm, pi awm ka ceu pui maix mai nyiex ma miex keeing maix awx.

LUKAX 10:42

Viang mawh nan, lo ngie tix ceu khaing, Marix hoik laug ti cie ceu pa mhawm an, pa tak ang teei khaing nawh heue.”

LUKAX 9:62

Yesux baox ah nin ka nawh, “Kaux pui mawx ang ah, pa hoik giex krong thai mai pa deeh gi plak khaix, ang keung khaw son meung Siyiex heue.”

2 KAWRINTHUX 5:16

Jah tom yam in, ex ang lai tawng ka pui tix kaux kawx hawt nex nham, viang ex hoik tawng ka Cao Khrit hawt nex nham kawx, yam in ex ang lai baox tawng ka Nawh Cao yuh nan heue.

PHILIPPIX 2:12

Mawh kheu nan pa moh aux khankix eue, awm hoik nghiet pex jheung jheung, ang mawh ngie yam ot aux, viang mawh nan yam in yam ang aux ot, pex khaw ti nie lheu yuh sonsang pon krax taoh tix, ka daux pa lhat pa siyaung heue.

PHILIPPIX 3:12

Aux ang lai ah hoik pon tix mai hoik grum mhawm tix, viang mawh nan aux nied ti hu sivoe, sonsang pon giex aux ka ceu pa hoik giex Yesux Khrit ka aux, ka son an heue.

PHILIPPIX 3:8

Lheu khaing an viang ku ceu khawmuik kawx aux een aux sawn mawh pa som pa nai, mawh kheu ceu pa kied nie lheu ting mhawm krax tawng ka Simiang aux Yesux Khrit, kheu Nawh Cao aux hoik geu pa som pa nai ku ceu khawmuik, hoik een hoik sawn khankix mawh ngie pa seeing pa tik pa vud khaing, sonsang pong aux Cao Khrit,

HEBRIE 6:1

Mawh kheu nan kieh ex prah ka ceu pa gau, pa mawh lox num been Cao Khrit khankix mai hu plak sivoe tom uik grum die huan mai ang baox deeh yuh ti deuh num pa doh keud ka krax twah klaung pa yum mai ka krax yum rhawm ka Siyiex,

2 PETRUX 3:8

Pui pa moh aux khankix eue, paw vi doh piawm ka grawng ceu in, tix singaix ka Siyiex awm tix rheng num mai tix rheng num, awm ngie tix ngaix heue.