PHILIPPIX 2:9 - Wa Common Language Translation

⁹ Mawh kheu nan Siyiex hoik yaog tix kieh Nawh ting mai tawx ceu kaux pa nie lheu blon ting lhaong khaing can ceu kaux khawmuik ka Nawh heue.

PHILIPPIX 2:9 Iomraidhean Croise

YAM JAH 3:15

Aux tak kieh pa koeng koe sinax maix mai pui sibun, doeh ru maix mai doeh ru sibun, nawh tak dig kaing maix khlaix mai maix tak mat yuh loek caong nawh heue.”

YAOGYAW 110:1

Simiang ah nin ka Simiang aux, “Ngawm plak taix khawn dawm Aux, tom Aux kieh pui pa koeng ka maix mawh ngot dee deuh maix caong tix heue.”

YAOGYAW 110:5

Siyiex pa ot plak taix khawn dawm Maix, yam lih pa song rhawm Nawh, Nawh Cao ciyang ka simiang khankix laux leeing heue.

YAOGYAW 89:27

Aux tak sang ciak ti deuh nawh mawh ara kawn Ai mai yaog nawh ting ka piang Simiang haktiex khawmuik heue.

YAOGYAW 91:14

Mawh kheu moh nawh Aux, Aux tak sang taoh ka nawh, mawh kheu tawng nawh ka ceu kaux Aux, Aux tak sang yaog nawh ting heue.

ISAYAX 52:13

Jhak heue, siliex Aux tak yuh kaing ka daux krax pa koe pingnya heue. Nawh tak mawh pa yaog ti ting lhaong mai tak mawh pa kied lhaong heue.

ISAYAX 53:12

Mawh kheu nan, Aux tak gwieh ti tawx Nawh pon nyum tau mai pui ting mai Nawh tak gwieh ti pon kraung pa tud rhim khankix, tau mai pui pa ting riang rao heue. Mawh kheu Nawh Cao hoik klup ju tix ka piang krax yum mai Nawh hoik mawh pa simin tix tau mai pui pa lud khankix mai Nawh hoik kham geu phimap phighram tom nie mai khyox khaw son pui pa lud khankix heue.

ISAYAX 9:7

Krax pa haok hwan ting lhaong sibrawm Nawh mai krax pa nhim Nawh, tak ang koe dee sidah, ka piang dang ngeung simiang Davit mai ka piang meung haktiex Nawh, sonsang khre ti deuh mai pang ti deuh an kaux cong mai prawng ca ka daux krax pa rahsee, jah yam in hu sivoe ngai, tom hoek leeing ju heue. Krax pa kied koe rhawm koe rhi Siyiex Cao kru naing raoma tak yuh tix tawx in heue.

DANYELAX 7:14

“Khaix an sibrawm, min plakngai mai meung haktiex, hoik tawx ka Nawh, sonsang hoek pui khankix mai ceu pui kuceu mai can pui pa sikah lox kuceu khankix ti yuh kaing jhaw Nawh heue. Siawp sibrawm Nawh mawh sibrawm pa kaux cong leeing ju, pa ang lai grai grup mai meung haktiex Nawh tak mawh meung haktiex pa ang chix laux leeing heue.

MATHIEX 11:27

Keeing Aux hoik ap khawmuik ka Aux mai pui tix kaux kawx ang tawng ka Kawn Cao lheu khaing Keeing Cao mai pui tix kaux kawx ang tawng ka Keeing Cao lheu khaing Kawn Cao mai kaw pa laug kawn Cao ti plak jhi ka nawh heue.

MATHIEX 28:18

Yesux hoek ka kix ah nin, “Sibrawm ka daux meung raoma mai piang haktiex hoik tawx ka Aux khawmuik heue.

LUKAX 10:22

Keeing Aux hoik tawx khawmuik ka Aux heue. Tix kaux kawx ang tawng Kawn Cao mawh mawx, lheu khaing Keeing Cao tix kaux khaing mai tix kaux kawx ang tawng Keeing Cao lheu khaing Kawn Cao, Kawn Cao koe rhawm ti plak kieh nawh tawng heue.”

YOHAN 13:3

Yesux hoik tawng grawh grawng Keeing Cao hoik tawx khawmuik ka daux tawm taix Nawh grawng hoik lih hoek Nawh khaing Siyiex grawng tak sang deeh hu ka Siyiex.

YOHAN 17:11

Yam in ang Aux lai deeh ot ka piang haktiex in, viang mawh nan kix kawn ot piang haktiex in Aux sang deeh hoek ka Maix. Keeing pa singax eue, priex kix pa hoik tawx Maix ka Aux ka daux ceu kaux Maix liak, sonsang mawh kix tix kaux khaing awm mawh Aux tix kaux khaing heue.

YOHAN 17:12

Yam ot Aux mai kix piang haktiex in, Aux priex kix ka daux ceu kaux Maix, pui pa hoik tawx Maix ka Aux khankix Aux hoik kia hoik pau, ang laux leeing tix kaux kawx, lheu khaing kaw pa mawh kawn pa laux leeing, sonsang naog lox pa koe ka daux Phuk lai sigang khri heue.

YOHAN 17:5

Keeing eue tom ka ang haktiex nyang bax koe dix, min pakngai pa hoik pon Aux ka maix, yam in kawx baox yaog min pakngai maix ka Aux liak.

KAWNCAU 5:31

Siyiex hoik yaog Nawh Cao deuh ka taix khawn dawm Nawh, sonsang kieh mawh Simiang mai Cao Taoh, sonsang tawx krax doh keud mai pluat ploi phimap ka pui Isarelax heue.

EFESUX 1:10

yam hoik naog bawg yam khankix, ti kraix khrawm kieh grum kuceu khawmuik, can ceu pa koe piang raoma mai can ceu pa koe ka piang haktiex li mawh tix mu khaing ka daux Khrit. Pa ah aux, mawh ka daux Nawh heue.

KAWLAWSIE 1:18

Nawh mawh kaing tokaux pa mawh ceu cao, kaw pa mawh pa jah, pa liang ti keh khaing pa yum, sonsang ting tokaux Nawh khaing ku ceu khawmuik heue.

2 THESALONIX 1:12

Sonsang koe min pakngai ceu kaux Simiang ex Yesux ka daux pex, sonsang koe min pakngai pex ka daux Nawh Cao, awm pa khaw mai bwanson Siyiex ex mai Simiang Yesux Khrit heue.

HEBRIE 1:4

Kheu hoik lih mawh Nawh pa nie lheu blon ting khaing kawncau Siyiex khankix, mawh kheu hoik pon Nawh son ceu kaux pa nie lheu mhawm khaing ceu kaux kix heue.

HEBRIE 1:9

Maix hoik moh ka pa rahsee mai hoik koeng ka pa ang khaw ang jiet heue. Mawh kheu nan Siyiex, pa mawh Siyiex Maix, hoik groi rawm bee ka Maix, ka rawm bee pa gaux rhawm, lheu khaing piang paox Maix khankix heue.”

HEBRIE 12:2

jhak ka Yesux pa mawh cao pa yuh mai cao pa kieh krax yum rhawm ex grum kah, pa een ceu pa kaig pa tua mawh pa ang koe cee mai hoik kham geu ka khaox lhak, kheu krax gaux rhawm pa hoik deuh sivoe Nawh mai hoik ngawm ka plak taix khawn dawm dang ngeung Siyiex heue.

HEBRIE 2:9

Ex yaox Kaw pa hoik yuh ti kieh mawh pa iak khaing kawncau Siyiex khankix ceeix khaing, pa mawh Yesux, mawh kheu ceu pa kham geu krax yum hoik ceep mhok min pakngai mai ceu pa yungyi kah, yuh ka mawx kheu bwanson Siyiex Nawh tak sang cim ka krax yum son pui ku kaux daux pui heue.

1 PETRUX 3:22

Kaw pa hoik hu ka daux meung raoma mai ngawm ka plak taix khawn dawm Siyiex heue. Kawncau Siyiex khankix mai pa giex kaing khankix mai sibrawm khankix hoik kieh ot ka greem Nawh Cao heue.

2 PETRUX 1:17

Mawh kheu hoik pon Nawh Cao pa yungyi mai min pakngai khaing Siyiex pa mawh Keeing Cao, yam lih hoek lox ka Nawh khaing pa ting lhaong mai pa ting min pakngai, pa ah nin, “In mawh Kawn pa moh Aux, pa khaw caw rhawm Aux heue,”

3 YOHAN 1:7

Mawh kheu hoik hu kix son ceu kaux an mai ang teei tidtix khaing pui tang ceu khankix heue.

PLAK JHI 1:5

mai khaing Yesux Khrit pa mawh cao pa kham mhai ruk pa kaux sijax, pa mawh pa liang ti keh khaing pa yum mai pa mawh cao pa giex kaing piang simiang haktiex khankix liak. Kaw pa hoik moh ka ex mai pa hoik ploi ex khaing phimap ex ka daux nham tix,

PLAK JHI 11:15

Kawncau Siyiex aliah kaux tix kaux phlu teettawng mai lih koe lox pa ting pa sinum ka daux raoma, pa ah nin, “Meung haktiex in hoik lih mawh meung Simiang ex, mai meung Khrit cie Nawh Cao, mai Nawh Cao tak sang giex kaing ku ju leeing ju leeing phan heue.”

PLAK JHI 19:16

Nawh koe ceu kaux pa hoik tiiem ka Piang kraung ceep Nawh mai ka piang ba Nawh yuh nin, Simiang piang simang, mai Cao piang cao.

PLAK JHI 3:21

Ka kaw pa pex, Aux tak tawx ti kieh nawh ngawm tau mai Aux ka piang dang ngeung Aux, awm Aux kawx hoik pex mai ngawm tau mai Keeing Aux ka piang dang ngeung Nawh heue.

PLAK JHI 5:12

Mai kix ah lox pa ting pa sinum ah nin, “Kawn yung pa hoik pah yum an mawh pa keung ti pon sibrawm mai sinngao mai pingnya cuyi mai riang rao mai pa yung pa yi mai min pakngai mai bwanson heue.”