PHILIPPIX 2:8 - Wa Common Language Translation

⁸ mai yam mawh Nawh riang pakpeung kawn pui, Nawh yuh tokaux tix tiem mai cu nghiet tom geu pa yum, mawh heue, tom yum ka piang khaox lhak heue.

PHILIPPIX 2:8 Iomraidhean Croise

YAOGYAW 22:16

Cub sox khankix rob vung viang aux mai cub pui pa caox khankix kawx, hoik rob vung viang aux mai suat taix caong aux doh heue.

LOX KAB 15:33

Rhawm pa lhat graung ka Siyiex mawh krax pa gau pingnya heue. Krax pa awn rhawm awn rhi koe sivoe ngai min plakngai heue.

MATHIEX 17:2

tokaux Nawh Cao loh tix sivoe kix tan mai pakngai Nawh jhan riang awm singaix mai kraung ceep Nawh lih paing awm pa riang heue.

MATHIEX 26:39

Nawh Cao hu sivoe ceeix mai grux gup mai rawg bwan, ah nin, “Keeing Aux eue, phan chix, kieh kawk in luan khaing Aux liak, viang mawh nan paw kieh mawh alo Aux, kieh mawh alo pa caw pa khaw rhawm Maix heue.”

MATHIEX 26:42

Nawh Cao baox deeh hu ra bawg tix bawg mai rawg bwan ah nin, “Keeing Aux eue, phan ang chix luan kheu aux ang nyaux ka kawk in, kieh mawh awm pa koe alo Maix heue.”

LUKAX 9:29

Yam rawg Nawh Cao bwan, pakngai Nawh tieh loh mai kraung ceep Nawh lih paing cawk tom lih riang heue.

YOHAN 10:18

Ang pui teei ju khaing Aux tix kaux kawx, viang mawh nan mawh Aux pa tang tik. Aux koe siawp ti tik. Mai Aux koe siawp ti deeh teei ju Aux heue. In mawh lox tawm pa pon Aux khaing Keeing Aux heue.”

YOHAN 14:31

Viang mawh nan son sang tawng haktiex grawng pa moh keeing Cao mai grawng yuh Aux awm lox tawm jhawm krai Keeing Cao heue. Kaoh ex lih hu khaing tin heue.”

YOHAN 15:10

Phan pex priex ti hawt lox pa tawm Aux khankix, pex tak ot ka daux pa moh Aux heue. Awm Aux kawx hoik priex ti hawt lox tawm Keeing Cao khankix ot ka daux pa moh Nawh heue.

YOHAN 4:34

Yesux baox ah nin ka kix, “Priex ih Aux mawh pa yuh alo Kaw pa ploi Aux hoek mai pa yuh kaing Nawh tom hoik heue.

KAWNCAU 8:33

Ka daux krax tiem rhawm Nawh, rud ti teei pa prawng ca, ceu pa mawh meh khaing Nawh heue. Mawh mawx pa sang krai grawng ju Nawh? Mawh kheu hoik teei ju Nawh khaing haktiex heue.”

ROMAX 5:19

Grawh grawng nawh awm kheu sipiag pui tix kaux pa lieh lox, pui tom nie hoik lih mawh pui phimap, awm an kheu pa cu nghiet tix Kaux, pui tom nie tak sang hoek krax rahsee heue.

2 KAWRINTHUX 8:9

Grawh grawng nawh pex tawng grawng bwanson Simiang ex Yesux Khrit, grawng hoik mawh Nawh pa mi pa koe kawx, Nawh Cao hoik lih mawh pa hot pa sibhawm, sonsang lih mawh pex pa mi pa koe, kheu pa hot pa sibhawm Nawh Cao heue.

KALATIX 3:13

Cao Khrit hoik taoh ex khaing pa jhax lawg lox lai beenli, kheu hoik mawh Nawh pa jhax lawg son ex, grawh grawng nawh hoik tiiem ti deuh ah nin, “Pa preue ka piang khaox ku kaux daux pui, mawh pa jhax lawg heue.”

PINGNYAP 21:23

ang pon ti grham tokaux yum nawh leeing sawm piang khaox, pex tak sipaung nawh ka daux singaix an, son ang pex sang kieh haktiex tawx Simiang Siyiex, Siyiex pex, pex cie seeing brai, mawh kheu kaw pa preue tix piang khaox ot greem pa jhax lawg Siyiex heue.

TITUX 2:14

Kaw pa hoik tawx tokaux tix son ex, son sang taoh Nawh ex khaing daux phimap khawmuik, yuh ti kieh pui tix ceu singax son sang mawh cie tokaux tix, pa nied ti coca ti yuh kaing pa mhawm heue.

HEBRIE 12:2

jhak ka Yesux pa mawh cao pa yuh mai cao pa kieh krax yum rhawm ex grum kah, pa een ceu pa kaig pa tua mawh pa ang koe cee mai hoik kham geu ka khaox lhak, kheu krax gaux rhawm pa hoik deuh sivoe Nawh mai hoik ngawm ka plak taix khawn dawm dang ngeung Siyiex heue.

HEBRIE 12:4

Pa lah pex paox tix ka phimap, pex ang nyang bax cheu ti yuh tom sidah lih nham,

1 PETRUX 2:24

Kaw pa hoik kham geu phimap ex piang khaox, ka daux tokaux tix, sonsang mawh ex pa hoik yum ka phimap mai deeh im ka pa rahsee heue. Kheu khaix rhoi Nawh, pex hoik pon ti deeh moi heue.

1 PETRUX 3:18

Mawh kheu Khrit kawx hoik kham geu son phimap ex tix bawg, Kaw pa rahsee, kham geu son pui pa ang rahsee, sonsang pon Nawh ti viex ex hoek ka Siyiex, kheu hoik teei Nawh yum ka daux nex nham, viang mawh nan Nawh hoik im ka daux Khuan.