PHILIPPIX 2:7 - Wa Common Language Translation

⁷ viang mawh nan klop ti kieh yi min pakngai tokaux tix mai teei riang pakpeung siliex mai yuh ti lih mawh awm kawn pui,

PHILIPPIX 2:7 Iomraidhean Croise

YAOGYAW 22:6

Phan mawh aux, ang mawh pui, mawh ngie viag mai dee sa lao pui mai dee yuh pui khawmuik pa ang ceu ang cag kah heue.

ISAYAX 42:1

Jhak ka kawncau Aux, pa yaog Aux kah, pa mawh pui laug Aux, pui pa khaw rhawm Aux, Aux hoik deuh khwan tix ka piang nawh, nawh tak viex pa rahsee hoek ka pui kuceu.

ISAYAX 49:3

Nawh ah nin ka aux, “Maix mawh siliex Aux, pui Isarelax pa rieb Aux min pakngai kheu maix.”

ISAYAX 53:11

Nawh tak yaox bwanson kaing jhaw pa yuh Nawh mai koe krax pa fah rhawm fah rhi ka. Ka daux krax tawng yung ka siliex pa rahsee Aux, tak kieh pui tom nie koe krax pa rahsee. Nawh tak yaox ti kham son phimap kix heue.

DANYELAX 9:26

Khaix hoik luan daux tixgliah ra aliah bawg, kaw pa hoik kham krax groi rawm bee an tak sang kham krax pah ti yum tom ang lai koe tidtix mai simiang pui khankix pa tak sang bleeh ti hoek, tak yuh veng mai dee pa singax singeh an khankix laux leeing heue. Dee sidah tak sang awm krax pa kheem rawm, mai tak koe naing tom hoek dee sidah mai krax laux leeing khankix mawh pa hoik tat tix heue.

ZAKHARIX 3:8

Yawsux pa mawh cao giex kaing li pa ting eue maix khawm paox pa ngawm ka plak sivoe maix khankix, nghiet heue. Kix mawh mhai rug pa daox deng heue. Aux tak sang kieh kawncau Aux, pa mawh nyoeg kak Davit hoek heue.

ZAKHARIX 9:9

Kawn bun Zion eue, Koe krax gaux rhawm ka daux pa kied ting kied lhaong heue. Kawn bun veng Yerusaliem eue, Kok yox lox tix lih heue. Jhak heue, Simiang maix hoik bleeh ti hoek ka maix heue. Nawh Cao mawh pa rahsee mai pa tawx krax taoh, pa viex rhawm awn rhawm tiem mai brug ka piang la, pa mawh pa brug ka kawn la awn ju heue.

MATHIEX 12:18

“Jhak heue, Siliex Aux pa hoik laug Aux, pa moh Aux, pa khaw rhawm Aux, Aux tak deuh Khuan Aux piang Nawh, mai Nawh tak krai grawng bawg yam prawng ciyang ka pui tang ceu khankix heue.

MATHIEX 20:28

Awm Kawn kawn pui hoek sonsang kieh pui yuh son tix ang mawh, hoek sonsang yuh son pui mai tawx ju tix, kieh mawh ngawh riang pa taoh son pui khankix heue.”

MAKUX 9:12

Nawh Cao ah nin ka kix, “Eliyax tak hoek phao ka tete mai cox mhawm khawmuik heue. Pa hoik tiiem grawng Kawn kawn pui, tak kham geu tom nie ceu mai pa tik vud sang yuh ka mawx?

LUKAX 22:27

Grawh grawng nawh, kaw pa yuh ka mawx nie lheu ting, mawh kaw pa ngawm ti sawm lie, phan ang mawh nan mawh kaw pa khan kheu lie? Kaw pa ngawm ti sawm lheu ting ang mawh lie? Viang mawh nan, Aux ot sinax pex awm kaw pa khan kheu heue.

YOHAN 1:14

Gumlox an hoik lih mawh Nex mai ot sinax ex, ex pon yaox min pakngai Nawh, pa awm min pakngai kawn Keeing Cao tix kaux khaing, pa naog bwanson pa mawh meh heue.

ROMAX 1:3

grawh grawng Kawn Nawh Cao, pa hoik keh awm pa khaw plak nex nham ka daux ru Davit,

ROMAX 15:3

Grawh grawng nawh pie Cao Khrit kawx, ang lai yuh pa khaw caw rhawm tokaux tix heue. Viang mawh nan awm pa hoik tiiem ti deuh ah nin, “Lox pa salao kix mai pa salao ka Maix, hoik hoek piang Aux heue.”

ROMAX 15:8

Grawh grawng nawh pa sang ah aux mawh nin, Cao Khrit hoik lih mawh pui cau soi ceu pui pa pat hak, sonsang sidawng pa mawh meh Siyiex, ka daux pa yuh ti kieh mawh, lox mukheu pa hoik tawx ka tax du ex khankix,

ROMAX 8:3

Pa ang lox lai beenli pon yuh, mawh kheu iak riang rao kheu nex nham, Siyiex hoik ploi Kawn tix lih ka daux pa yaung nex nham phimap mai grawh grawng phimap, Nawh prawng ciyang phimap ka daux nex nham,

2 KAWRINTHUX 13:4

grawh grawng nawh viang hoik teei Nawh Cao yum ka piang khaox lhak kheu pa iak riang kawx, Nawh im ju kheu sibrawm Siyiex heue. Grawh grawng nawh, viang iak riang ex ka daux Nawh Cao kawx, ex tak sang im tau mai Nawh kheu sibrawm Siyiex ka plak pex heue.

2 KAWRINTHUX 8:9

Grawh grawng nawh pex tawng grawng bwanson Simiang ex Yesux Khrit, grawng hoik mawh Nawh pa mi pa koe kawx, Nawh Cao hoik lih mawh pa hot pa sibhawm, sonsang lih mawh pex pa mi pa koe, kheu pa hot pa sibhawm Nawh Cao heue.

KALATIX 4:4

Viang mawh nan yam hoik naog bawg yam, Siyiex ploi Kawn tix lih keh khaing bun, keh ka greem lox lai beenli,

PHILIPPIX 2:6

Viang Nawh cao hoik mawh ka daux riang pakpeung Siyiex kawx, ang lai een lai sawn ceu pa mawh pa sidu mai Siyiex ti mawh pa jhawp ka,

HEBRIE 12:2

jhak ka Yesux pa mawh cao pa yuh mai cao pa kieh krax yum rhawm ex grum kah, pa een ceu pa kaig pa tua mawh pa ang koe cee mai hoik kham geu ka khaox lhak, kheu krax gaux rhawm pa hoik deuh sivoe Nawh mai hoik ngawm ka plak taix khawn dawm dang ngeung Siyiex heue.

HEBRIE 13:3

Doh keud ka kix pa hoik phyawk laung, awm mawh pex pa hoik rom ti phyawk tau mai kix mai doh keud ka kix pa tuktiak pui kah, mawh kheu pex kawx kawn ot ka daux tokaux heue.

HEBRIE 4:15

Grawh grawng nawh ex ang koe cao giex kaing li pa ting pa ang chix caux rhawm ka ceu pa iak riang ex khankix, ex koe Kaw pa hoik sax yaox ti kham krax nyaw glaw ka can ku ceu ku blawng khawmuik, Nawh ang yuh phimap heue.