PHILIPPIX 2:6 - Wa Common Language Translation

⁶ Viang Nawh cao hoik mawh ka daux riang pakpeung Siyiex kawx, ang lai een lai sawn ceu pa mawh pa sidu mai Siyiex ti mawh pa jhawp ka,

PHILIPPIX 2:6 Iomraidhean Croise

ISAYAX 7:14

“Mawh kheu nan, tokaux Aux Siyiex tak sang tawx mhai rug tix ceu jhak heue, bunkrih tak koe kaux mai keh kawn simex mai kix tak kok ceu kaux Nawh mawh Emannoelax heue.”

ISAYAX 8:8

Nawh tak tiang tix hu ka daux meung Yudax, nawh tak hu kheem ka baoh an mai phlat ti hu, nawh tak hoek mee ngawg, “mai neh pruik tix lih mai tak sang naog yuh dee siva haktiex mai Emannoelax eue,

ISAYAX 9:6

Grawh grawng nawh kawn ngie hoik keh son ex tix kaux, kawn simex tix kaux mawh pa hoik tawx tix ka ex, sibrawm krax kwang tak koe ka piang klip Nawh Cao heue. ceu kaux Nawh Cao tak kok mawh pa daox am, cao pa kwang, Siyiex pa ting riang ting rao, keeing leeing ju, Simiang cao pa nhim heue.

YERAMIX 23:6

Singaix bawg yam nawh khankix, meung Yudax tak pon krax taoh mai ceu pui Isarelax khankix tak yaox ti ot yiien yawg, yam in ceu kaux Nawh Cao tak kok mawh “Siyiex mawh pa rahsee ex heue.”

MIKHA 5:2

Veng Bieliehiem, Epharat eue, viang maix mawh veng pa iak ka daux sinax veng meung Yudax khankix kawx, kheu cao giex kaing tak sang lih khaing maix tix kaux ka son Aux, pa sang mawh cao pa kwang ka daux ceu pui Isarelax, pa hoik dawg koe tom yam jah yam kaw dix heue.

ZAKHARIX 13:7

Siyiex cao kru naing raoma ah nin, “Vaid eue, siduad ti kaoh puing ka cao liang yung Aux mai ka paox pie Aux heue. Tawk cao liang yung yum mai yung khankix tak sang prung prang heue. Khaix an Aux tak sang baox deeh veeh taix tix ka piang kawn yung iak khankix heue.

MATHIEX 1:23

“Jhak heue, bunkrih tak koe kaux mai keh kawn Simex, mai kix tak kok ceu kaux Nawh mawh “Emanoelax.Phan toe dee bleeh Emanoelax, mawh Siyiex ot tau mai ex” heue.

YOHAN 1:18

Yam mawx ang ah, pui ang sax yaox Siyiex tix kaux kawx. Mawh Kawn Cao tix kaux khaing pa ot piang naok Keeing Cao, mawh pa hoik plak jhi kieh tawng Nawh heue.

YOHAN 10:30

Aux mai Keeing Aux mawh tix kaux khaing”

YOHAN 10:33

Pui Yudax khankix deeh ah nin ka Nawh Cao, “Ex sang dheem Maix ka simaox kheu kaing pa mhawm ang mawh. Kheu salao Maix ka Siyiex kheu Maix pa mawh kawn yuh tokaux tix mawh Siyiex heue.”

YOHAN 10:38

Viang mawh nan, phan Aux yuh, viang pex ang yum rhawm ka Aux kawx, yum rhawm ka kaing khankix, sonsang tawng pex mai yum rhawm grawng ot Keeing Aux ka daux Aux mai grawng ot Aux ka daux Keeing Cao”

YOHAN 14:28

Pex hoik mhong lox pa hoik krai Aux ka pex, viang Aux lih hu yam in, Aux tak sang deeh hoek ka pex heue. Phan pex moh Aux, pex sang gaux rhawm kheu hu Aux ka Keeing Cao, grawh grawng nawh Keeing Cao nie lheu ting khaing Aux heue.

YOHAN 14:9

Yesux baox ah nin ka nawh, “Philipux eue, Aux hoik ot mai pex nie grheung nie grhaoh maix khex ang tawng Aux lie? Pui pa hoik yaox ka Aux, hoik yaox ka Keeing Cao, yuh ka mawx maix lai ah, Jhi ex yaox Keeing Cao?

YOHAN 17:5

Keeing eue tom ka ang haktiex nyang bax koe dix, min pakngai pa hoik pon Aux ka maix, yam in kawx baox yaog min pakngai maix ka Aux liak.

YOHAN 20:28

Thomax deeh pawk lox ah nin ka Nawh Cao, “Simiang aux Mai Siyiex aux”

YOHAN 5:18

Mawh kheu jao in pui Yudax nie sawg ti pah Nawh yum, kheu yuh Nawh singaix twah laux, ang joeng mawh nan Nawh kok Siyiex mawh Keeing tix, kheu Nawh hoik yuh ti kieh tokaux tix sidu mai Siyiex heue. Siawp Sibrawm Kawn Cao

YOHAN 5:23

Kheu son kawn pui khawmuik sang yungyi ka Kawn Cao, awm yungyi kix ka Keeing Cao. Kaw pa ang yungyi ka Kawn Cao, ang yungyi ka Keeing Cao pa ploi Nawh hoek heue.

ROMAX 9:5

Kix mawh pa hoik toe lih khaing tax du khankix mai ka daux kix kawx Cao Khrit lih mawh, awm pa khaw mai plak nex nham, pa mawh pa giex kaing piang khawmuik, pa mawh Siyiex pa ting bwanson leeing ju heue. Amen.

2 KAWRINTHUX 4:4

Ka daux kix pa ang yum rhawm khankix siyiex haktiex in hoik kieh rhawm dee chix tawng kix dug kah, son ang pa riang lox bwan gaux rhawm min pakngai Cao Khrit, pa mawh riang grang Siyiex, sang jhan ka piang kix heue.

2 KAWRINTHUX 8:9

Grawh grawng nawh pex tawng grawng bwanson Simiang ex Yesux Khrit, grawng hoik mawh Nawh pa mi pa koe kawx, Nawh Cao hoik lih mawh pa hot pa sibhawm, sonsang lih mawh pex pa mi pa koe, kheu pa hot pa sibhawm Nawh Cao heue.

1 TIMOSE 1:17

Yam in kieh Simiang leeing ju, pa ang chix laux chix yum mai pa ang chix yaox ka ngai, pa mawh Siyiex tix kaux khaing, koe krax yung yi mai min pakngai ku ju leeing ju liak! Amen.

1 TIMOSE 3:16

Ceu pa chix nab chix yam mai pa yuh pa khaw ka Siyiex, mawh pa kied ting raux mai ang koe dee ne dee ah ka grawng an heue. Nawh Cao hoik lih bleeh ka daux nex. Khuan Cao hoik kham mhai ruk kah, pa hoik yaox kawncau Siyiex khankix kah, pa hoik sidiex grawng Nawh ka pui tang ceu, pa hoik yum rhawm pui haktiex kah, pa hoik teei haok ka daux min pakngai heue.

TITUX 2:13

Jhak son krax keud pot jun pot pa ting bwanson, pa lih bleeh min pakngai Siyiex pa ting pa mawh Yesux Khrit Cao Taoh ex,

HEBRIE 1:3

Nawh mawh pa deeh jhan ghaix ka min pakngai Siyiex mai mawh riang grang tokaux Nawh Cao mai pa joh jhan ka ku ceu khawmuik ka gumlox sibrawm Nawh. Khaix hoik yuh Nawh ti kieh singax khaing phimap, Nawh ngawm ka plak taix khawn dawm min pakngai Siyiex ka dee lhaong heue.

HEBRIE 1:6

Nawh Cao baox deeh ah nin ka grawng yam sang deeh viex Kawn Ai tix hoek ka piang haktiex, “Kieh kawncau Siyiex khawmuik krub ka Nawh heue.”

HEBRIE 1:8

Nawh Cao ah nin ka grawng Kawn Cao, “Siyiex eue, dang ngeung Maix mawh tom leeing ju heue. Khaox gix simiang pa rahsee cie Maix, mawh khaox gix simiang meung Maix heue.

HEBRIE 13:8

Yesux Khrit ca awm paox tix, kawx kawx mai singaix mai son leeing ju heue.

PLAK JHI 21:6

Nawh Cao baox ah nin ka aux, “An khankix hoik lih mawh heue, Aux mawh Alaphax mai Omegax, pa mawh Pa Jah mai pa Sidah heue. Aux tak sang tawx giex rawm keut pa im ju ka kaw pa sang nyaux nie rawm heue.