PHILIPPIX 2:3 - Wa Common Language Translation

³ Paw yuh tix ceu kawx ka daux pa simah simiang, phan ang mawh nan kheu pa nieb yuh grang pa giex going, yuh ka daux rhawm pa tiem mai een tang kaux mawh pa nie lheu mhawm khaing tokaux tix,

PHILIPPIX 2:3 Iomraidhean Croise

LOX KAB 13:10

Kheu krax ting rhawm, chix viex krax pa simah, pui pa cu nghiet ka lox sidiex gau mawh pa koe pingnya heue.

LUKAX 18:14

Aux krai ka pex, yam lih hu pui in ka nyiex tix, nawh hoik nie lheu pon pa rahsee, khaing tang kaux an heue. Mawh kheu pui mawx ang ah, pa yaog tokaux tix lhaong, tak sang yeen nawh tiem, pui mawx ang ah, pa yuh tokaux tix tiem, tak sang yaog nawh lhaong.”

ROMAX 12:10

Ka daux krax pa moh rhawm ka puxaik khankix, kieh tix kaux lai tix kaux moh paox tix mhawm mhawm heue. Ka daux krax pa yaogyaw, tix kaux lai tix kaux, yaogyaw ka tang kaux nie khaing tokaux tix heue.

ROMAX 13:13

Kieh ex hu ka daux pa khaw caw, awm yam pon ngaix, ang mawh ka daux pa silao ka pawie mai pa yoek ka plai, ang mawh ka daux pa kraing pa nieb yuh hawt alo nex nham, ang mawh ka daux pa simah simiang mai pa boh rhawm heue.

ROMAX 2:8

Viang mawh nan, ka kix pa yuh sipie lie sivoe mai ang cu nghiet ka pa mawh meh, viang mawh nan pa cu nghiet ka pa ang rahsee, tak tawx pa song rhawm,

1 KAWRINTHUX 15:9

Grawh grawng nawh aux mawh pa nie iak ka daux kawncau pa ting khankix, pa ang keung ti kok mawh kawncau pa ting, mawh kheu aux hoik tuktiak ka ceu cao Siyiex heue.

1 KAWRINTHUX 3:3

kheu kawn mawh pex pa dex mai nex nham heue. Mawh kheu koe pa boh rhawm mai pa simah ka daux pex, ang pex lai mawh pa dex mai nex nham mai pa hawt hu ka been kawn pui lie?

2 KAWRINTHUX 12:20

Grawh grawng nawh, aux lhat yam hoek aux ka pex, ha aux kox yaox kheu tix ceu ceu tak sang yaox pex mawh, awm pa ang aux simie pex ti mawh mai viang pex kawx tak yaox tokaux aux mawh, awm pa ang pex simie ti yaox aux mawh. Phan ang mawh nan ha kheu tix ceu ceu kox tak yaox pa koe krax simah, krax boh rhawm rhi, krax song rhawm songrhi, krax pa tang siyox, krax pa nieb yuh plakngai pui laux, krax pa ah lox suk siep, krax ca nyhau ting rhawm mai krax lawh maw cuci heue.

KALATIX 5:15

Phan pex kiied mai ih paox tix, rien rhawm tix, son ang pex paklawg kheu paox tix, tix kaux lai tix kaux heue.

KALATIX 5:26

Paw kieh ex lih ti mawh pa sawg min pakngai pa giex going mai paw choeng ka paox tix mai paw ghoing ka paox tix heue.

EFESUX 4:2

Ka rhawm pa awn pa tiem pa lang gun lang yeung mai yeung ka paox tix ka daux krax moh krax rhawm.

EFESUX 5:21

Pex tix kaux lai tix kaux ot greem paox tix ka daux ceu pa lhat ka Cao Khrit heue.

PHILIPPIX 2:14

Yuh ku ceu khawmuik ka daux pa ang koe pa bawg be mai pa thung thiang,

KAWLAWSIE 3:12

Awm pui pa hoik laug Simiang Siyiex, pa singax singeh, pa moh kah, pex ceep ceu pa moh rhawm, pa caux rhawm, pa mhawm rhawm, pa tiem rhawm tiem rhi, pa awn rhawm awn rhi, pa lang gun lang yeung heue.

KAWLAWSIE 3:8

Yam in pex tik ka ceu an khawmuik, pa song rhawm songrhi pa hax rhawm, pa koeng riang ciang khoi, pa nieb ah nieb yuh plakngai pui laux, pa ah lox seeing lox brai khaing daux jheeh pex heue.

1 TIMOSE 6:4

Nawh kroh ti ting rhawm mai ang tawng tidtix, nawh miag ka pa chawk mai ka pa thung thiang lox, pa lih ti mawh pa boh rhawm, pa simah simiang, pa salao, pa keud grawng pa caox pa ang tie mawh,

1 PETRUX 3:8

Lox pa ghoik mawh nin. Kieh pex khawmuik koe rhawm tix mu, pa koe rhawm khi mai pa chix khu rhawm paox tix mai pa koe krax moh krax rhawm awm puxaik khankix mai pa koe krax caux rhawm mai pa koe krax awn rhawm heue.

1 PETRUX 5:5

Awm an pex pa awn ju khankix eue, kieh cu nghiet ka kuad song ceu cao heue. Lheu khaing an, pex khawmuik rawd nyoi tix ka pa awn rhawm ti sang yuh son paox tix, tix kaux lai tix kaux, mawh kheu, “Siyiex tiebtie ka pui pa ting rhawm, viang mawh nan Nawh tawx bwanson ka pui pa awn rhawm heue.”