PHILIPPIX 2:21 - Wa Common Language Translation

²¹ Kix khawmuik sawg ceu son cie tokaux tix mai ang sawg ceu son cie Yesux Khrit heue.

PHILIPPIX 2:21 Iomraidhean Croise

2 SIMIANG 12:6

Viang mawh nan, yam hoik kwang simiang Yehosha ka haktiex tixnga loe num, cao giex kaing li khankix ang nyang bax cox ka dee pa laux nyiex bwan khankix heue.

ISAYAX 56:11

Kix mawh sox khankix pa kied ghoeng ngie ka pa ih mai pa ang chix sak heue. Kix mawh cao liang yung khankix, pa ang pon ti koe krax tawng yung, kix khawmuik tang hu ngie ka daux krax hu cao tix, pui ku kaux tang sawg ngie krax pa sang pon tix bwanson tokaux cao tix heue.

MALAKHIX 1:10

Kieh simie pui ka daux sinax pex koe tix kaux pa nyeep ti priex siviex nyiex bwan, son ang pex pon ti phlu ngu ka piang khu dee tan Aux ka daux pa giex going heue. Aux ang koe krax khaw rhawm ka pex mai Aux ang lai rieb ti teei krax tan tix ceu kawx khaing daux taix pex. Siyiex cao kru naing raoma ah nan heue.

MATHIEX 16:24

Yam an Yesux ah nin ka kawncau Nawh khankix, “Phan pui tix kaux kaux simie ti hawt khaix Aux, kieh nawh thiang ti tik ka tokaux tix mai klawm khaox lhak tix mai hawt Aux heue.

LUKAX 14:26

“Phan pui tix kaux kaux hoek ka Aux, ang koeng ka miex tix, keeing tix, moeng tix, kawn praix tix, puxaik tix, nan tix mai khawm ju tix kawx, nawh ang pon ti mawh kawncau Aux heue.

KAWNCAU 13:13

Pawlux mai cub nawh brug reu kaoh khaing veng Phapux mai hoek ka veng Perage pa koe ka daux meung Pampuli mai Yohan gwieh khaing kiex tan mai deeh ing ka veng Yerusaliem heue.

KAWNCAU 15:38

Viang mawh nan Pawlux keud ang khaw ti viex hu mai kiex, kaw pa hoik grham mai lih khaing kiex ka daux meung Pampuli mai ang hu mai kiex dee yuh kaing heue.

1 KAWRINTHUX 10:24

Paw kieh pui tix kaux kawx sawg bwanson son tokaux tix, kieh nawh sawg son pui tang kaux heue.

1 KAWRINTHUX 10:33

Awm tokaux aux kawx, yuh son sang khaw sang caw ka rhawm pui khawmuik, ka daux kuceu khawmuik mai ang lai sawg bwanson son tokaux tix, viang mawh nan sawg bwanson son pui tom nie, son sang hoek kix krax taoh heue.

1 KAWRINTHUX 13:5

Ang lai nieb pon yuh pa ang khaw, ang lai sawg bwanson son tokaux tix, ang lai song rhawm rhi, ang lai keud lai sawn grawng pa caox caig,

2 KAWRINTHUX 1:5

Grawh grawng nawh awm krax kham krax geu Cao Khrit hoik kied nie ka ex, awm an krax nyawm rhawm ex kawx, hoik kied nie kheu Cao Khrit heue.

PHILIPPIX 2:4

paw vi jhak ngie ka ceu cie tokaux tix khankix, pex ku kaux jhak ka khawm ceu cie pui tang kaux khankix heue.

2 TIMOSE 1:15

Maix hoik tawng grawh grawng pui meung Asix khawmuik hoik tieh ti hu khaing aux, khawm kiex pa mawh Pukilux mai Heramogen heue.

2 TIMOSE 3:2

Pui tak sang mawh pui pa moh tokaux tix, pa moh mau, pa yaw tix, pa ting rhawm, pa salao, pa ang nghiet lox miex keeing, pa ang tawng bwanson, pa ang singax singeh,

2 TIMOSE 4:10

mawh kheu Dema hoik prah aux, kheu moh nawh ka haktiex in mai hoik hu ka veng Thesalonix, Krisake hoik hu ka meung Kalatix, Titux hoik hu ka meung Dalamatix heue.

2 TIMOSE 4:16

Yam tiebtie aux grawng pa deuh phimap ka aux bawg phao ka, ang ot plak aux tix kaux kawx, grham aux khawmuik, paw awt kieh hoek ka piang kix liak.