PHILIPPIX 2:2 - Wa Common Language Translation

² kieh krax gaux rhawm aux grum naog kah, sonsang koe pex rhawm pa awm paox tix mai koe krax moh krax rhawm pa awm paox tix, pa koe rhawm tix mu khaing, pa chix ih rhawm paox tix heue.

PHILIPPIX 2:2 Iomraidhean Croise

YAOGYAW 122:8

Aux tak krai ah nin ka son puxaik mai paox grawm khankix, “Kieh pa yiien yawg koe ka daux maix liak.”

YOHAN 3:29

Kaw pa pon moeng yam yuh kapaox, mawh kaw pa yuh kapaox heue, viang mawh nan paox grawm nawh pa cung dex nawh, kied gaux rhawm kheu mhong nawh lox kaw pa yuh kapaox. Awm an krax gaux rhawm aux hoik naog heue.

KAWNCAU 1:14

Kix khawmuik ih rhawm paox tix, nied ti rawg bwan, tau mai bun khankix, khawm Marix miex Yesux mai pux Nawh Cao khankix heue.

KAWNCAU 2:1

Yam ngaix pawie Pientekote hoik hoek ti grum naog, kix khawmuik ot tau tix dah heue.

KAWNCAU 2:46

tix ngaix hoik tix ngaix kix khaw caw rhawm paox tix, ot ka daux nyiex bwan mai kix sivit blah tau ka daux nyiex kix. Kix gaux sile he sivoek, ih pa ih kix mai ih rhawm, ang tang lox siyox moing,

KAWNCAU 5:12

Ka tawm taix kawncau pa ting khankix yuh mhai tom nie mai pa daox deng tom nie, ka sinax pui khankix mai kix khawmuik ih rhawm paox tix ot piang grah Sawlamon heue.

ROMAX 12:16

Kieh koe rhawm pa awm paox tix ka tix kaux lai tix kaux. Paw deuh rhawm pex ka ceu pa lhaong khankix, viang mawh nan yuh paox pie ka pa tiiem khankix. “Paw yuh tix koe pingnya, ka daux pa nieb lak yuh tix ting rhawm tix tiru.”s

1 KAWRINTHUX 1:10

Puxaik khankix eue, aux khyox khaw ka pex ka daux ceu kaux Simiang ex Yesux Khrit, sonsang sikah pex khawmuik ka lox tix ceu khaing mai son ang sang koe krax tang gwieh paox tix ka daux pex, sonsang rom pex ti grum mhawm tau, ka daux rhawm tix mu mai krax keud tix blawng khaing heue.

2 KAWRINTHUX 13:11

Puxaik khankix eue, in mawh lox pa ghoik pa sidah, gaux rhawm heue, kieh grum mhawm heue, kieh nyawm rhawm heue, kieh mawh rhawm tix mu khaing heue, ot ka daux pa nhim mai Siyiex krax pa moh rhawm mai krax pa nhim tak sang ot tau mai pex heue.

2 KAWRINTHUX 2:3

Kheu koe krax yum rhawm aux grawng krax gaux rhawm aux, hoik mawh nang krax gaux rhawm pex khawmuik, aux tom hoik tiiem lai ceu in, phan ang mawh nan yam hoek aux ka pex, ha kix pa khaw ti kieh aux gaux rhawm kox kieh aux khi rhawm kah heue.

2 KAWRINTHUX 7:7

Ang joeng mawh ngie kheu hoek nawh khaing, mawh kheu khawm krax nyawm rhawm pa hoik pon nawh tix nyawm rhawm kheu pex. Grawh grawng nawh, nawh krai ka ex grawng pa ca byaong pex mai grawng pa khi rhawm pex mai grawng pa viex pex khawm rhawm tix ka son aux, mawh kheu nan aux tom nie lheu gaux rhawm kheu heue.

PHILIPPIX 1:4

yam rawg mhaing aux son pex khawmuik ku bawg, aux rawg bwan daux krax gaux rhawm,

PHILIPPIX 2:16

mai yaog ti jung gum lox pa im ju, sonsang koe aux ceu pa yaw rangdi kah, ka daux singaix Cao Khrit, pa to aux ang mawh pa giex going mai viang pa nyhap pa yuh aux ang mawh pa giex going heue.

PHILIPPIX 2:20

Grawh grawng nawh aux ang koe pui tix kaux kawx pa awm rhawm nawh, pa sang viex khawm rhawm tix keud tete grawh grawng ceu pa dex mai pex heue.

PHILIPPIX 4:2

Ka Eodia aux jeeh nyaw kah mai ka Suntukke aux jeeh nyaw kah, sonsang koe rhawm pa awm paox tix ka daux Siyiex heue.

KAWLAWSIE 2:5

Viang aux tang ot khaing pex ka daux kaux nex nham, aux ot tau mai pex ka daux khuan, gaux rhawm mai yaox grawng pa chix ot pex mhawm mhawm, grawng kaux cong krax yum rhawm pex ka daux Cao Khrit heue.

2 THESALONIX 2:13

Puxaik pa moh Simiang Siyiex khankix eue, ex yaogyaw bwanson ka Siyiex, son pex ku jheung jheung, kheu Siyiex hoik laug pex khaing tom yam jah sonsang hoek ka krax taoh, ka daux pa kieh Khuan Cao pex singax singeh mai ka daux pa yum rhawm ka pa mawh meh heue.

2 TIMOSE 1:4

kied byaong mai simie ti yaox maix, yam doh keud aux ka pa lih rawm ngai maix, sonsang naog krax gaux rhawm aux heue.

PHILEMON 1:20

Mawh heue, pux eue, kieh aux koe krax gaux rhawm khaing maix ka daux Simiang. Kieh rhawm aux nyawm rhawm daux Cao Khrit liak.

2 YOHAN 1:4

Aux kied koe krax gaux rhawm kheu hoik yaox aux kawn praix pax tix blah, pa hu ka daux pa mawh meh, awm pa hoik pon ex lox tawm khaing Keeing Cao heue.

3 YOHAN 1:4

Krax gaux rhawm pa lheu ting khaing yam mhong aux grawh grawng kawn praix aux khankix hu ka daux pa mawh meh ang lai koe heue.