PHILIPPIX 2:16 - Wa Common Language Translation

¹⁶ mai yaog ti jung gum lox pa im ju, sonsang koe aux ceu pa yaw rangdi kah, ka daux singaix Cao Khrit, pa to aux ang mawh pa giex going mai viang pa nyhap pa yuh aux ang mawh pa giex going heue.

PHILIPPIX 2:16 Iomraidhean Croise

YAOGYAW 40:9

Aux hoik sidiex gumlox pa rahsee Maix, sinax pui hun hankix heue. Siyiex eue, Maix hoik tawng grawng pa ang aux thox jheeh tix heue.

YAOGYAW 71:17

Siyiex eue, Maix hoik gau aux tom yam mawh aux kawn nyawm heue. Maix hoik jhi ceu pa daox am Maix tom singaix yam in heue.

ISAYAX 49:4

Khaix an aux ah nin, “Aux hoik yuh kaing ka daux pa giex going, Aux hoik nai riang rao tix, pa ang tie mawh tidtix, viang mawh nan, pa mawh meh aux, koe mai Siyiex mai totaix pa khaw aux ti pon koe tau mai Siyiex.”

MATHIEX 10:27

Pa krai Aux ka pex, ka daux pa faik pex hu krai ka daux pa riang. Pa mhong pex daux yhaok, yo ti krai piang prang nyiex heue.

LUKAX 12:8

Aux krai ka pex, pui pa kham ti rieb ti teei Aux ku kaux plak sivoe ngai kawn pui, Kawn kawn pui kawx, tak sang kham ti rieb ti teei nawh plak sivoe ngai kawncau Siyiex khankix heue.

YOHAN 6:63

Mawh khuan pa kieh im ju, nex ang koe bwanson tidtix. Lox pa hoik krai Aux ka pex mawh khuan ju pa im heue.

YOHAN 6:68

Simon Petrux pawk lox ah nin ka Nawh, “Simiang eue, ex tak sang hu ka pui mawx? Maix koe gumlox ju leeing ju.

KAWNCAU 13:26

Puxaik khankix pa mawh kawn ru Abraham mai pui ka daux pex pa lhat ka Siyiex eue, gumlox bwan grawng krax pa taoh in hoik sipaox ka pex heue.

1 KAWRINTHUX 1:8

Kaw pa tak sang kieh pex kaux cong tom sidah, sonsang mawh pex pa ang koe dee deuh phimap, ka daux singaix Simiang ex Yesux Khrit heue.

1 KAWRINTHUX 9:26

Mawh kheu nan aux ang to awm pa keud jee keud blaong mai pa klah aux, aux ang klah awm klah ka bhawm heue.

2 KAWRINTHUX 1:14

Awm pa hoik dha pex ti rieb teei ex ceeix, ti mawh dee sang yaw rangdi pex kah, viang pex kawx awm mawh dee sang yaw rangdi ex, ka daux singaix Simiang ex Yesux heue.

KALATIX 2:2

Aux haok hu kheu plak jhi ti kieh aux yaox mai aux krai lox bwan gaux rhawm ceu pa sidiex aux ka sinax pui tang ceu khankix ka sivoe kix, aux krai ngie ka kix pa koe min plakngai, ka dee ang pui ot, phan ang mawh nan ha pa to aux yam in, phan ang mawh nan pa hoik to aux kox mawh pa giex going heue.

KALATIX 4:11

Aux lhat kheu grawh grawng pex, ha pa nyhap sidieb aux kox mawh pa giex going son pex heue.

PHILIPPIX 1:10

sonsang chix tawng ti cheu ceu pa tang pa siyox khankix mai sonsang singax singeh pex mai ang koe dee cha tom hoek singaix Yesux Khrit,

PHILIPPIX 1:6

Aux hoik yum rhawm mhawm mhawm, grawh grawng kaw pa hoik jah ti yuh kaing pa mhawm ka daux pex, tak kawn sang yuh tom grum hoik, tom hoek singaix Yesux Khrit heue.

1 THESALONIX 2:19

Pa keud pot jun pot ex, phan ang mawh nan pa gaux rhawm ex, phan ang mawh nan mhok khri pa yaw rangdi ex kah, mawh pa yuh ka mawx? Pex mawh pa yuh nan ka sivoe Simiang ex Yesux Khrit yam sang hoek Nawh ang mawh lie?

1 THESALONIX 3:5

Mawh kheu jao in aux kawx, yam ang aux baox pon ti yeung, aux ploi pui hu, sonsang tawng grawng krax yum rhawm pex, phan ang mawh nan ha cao pa nyaw glaw kox nyaw glaw ka pex mai kieh kaing pa hoik yuh ex mawh pa giex going.

HEBRIE 4:12

Grawh grawng nawh gumlox Siyiex mawh pa im mai pa ca yuh mai nie lheu lawm khaing vaid pa lawm khawm ra plak, kre pa yuh ka mawx ang ah mai suat laig tom kieh ju mai khuan gwieh paox tix mai laig khawm ka sinax jhong mai daux gua mai tawng ka pa bak keud daux rhawm rhi heue.

1 PETRUX 1:23

Mawh kheu pex hoik baox deeh keh ka daux simie pa chix laux leeing ang mawh, viang mawh nan pex hoik deeh keh ka daux simie pa ang chix laux leeing, pa mawh gumlox Siyiex pa im pa tak kaux leeing ju heue.

1 YOHAN 1:1

Mawh pa koe tom yam jah, pa hoik mhong ex, pa hoik yaox ex ka ngai tix pa hoik pon ex ti jhak kah mai pa hoik pon giex ex ka taix tix, pa dex dawd mai gumlox pa im ju heue.

PLAK JHI 22:17

“Khwan Cao mai bun pa sang koe mex ah, “Hoek heue, kaw pa mhong kieh nawh ah, hoek heue, kaw pa sang nyaux nie rawm, kieh nawh hoek heue. Kaw pa koe rhawm ti teei, kieh nawh teei giex ka rawm pa im ju heue.”