PHILIPPIX 2:11 - Wa Common Language Translation

¹¹ Dak ku dak tak sang kham grawng Yesux Khrit mawh Simiang, sonsang mawh min pakngai ka Keeing Siyiex heue.

PHILIPPIX 2:11 Iomraidhean Croise

YAOGYAW 110:1

Simiang ah nin ka Simiang aux, “Ngawm plak taix khawn dawm Aux, tom Aux kieh pui pa koeng ka maix mawh ngot dee deuh maix caong tix heue.”

YAOGYAW 18:49

Mawh kheu nan Siyiex eue, aux tak sang yaogyaw ka Maix mai aux tak sang rhax lai yaogyaw ka ceu kaux Maix heue.

YERAMIX 23:6

Singaix bawg yam nawh khankix, meung Yudax tak pon krax taoh mai ceu pui Isarelax khankix tak yaox ti ot yiien yawg, yam in ceu kaux Nawh Cao tak kok mawh “Siyiex mawh pa rahsee ex heue.”

MATHIEX 10:32

“Pui pa kham ti rieb ti teei ka Aux ku kaux, plak sivoe ngai pui, Aux tak kham ti rieb ti teei nawh sivoe ngai Keeing Aux pa ot ka daux meung raoma heue.

LUKAX 2:11

Mawh kheu singaix in, daux veng Davit, Cao Taoh hoik keh son pex tix kaux pa mawh Khrit Simiang heue.

YOHAN 12:42

Pie simiang khankix kawx yum rhawm ka Nawh, viang mawh nan kheu lhat kix Pharishie, grheu kix lih khaing daux nyiex sidiex, ang kix kieh sidawng grawng pa rieb kix ka Nawh Cao.

YOHAN 13:13

Pex kok Aux mawh, Simiang cao gau pa ah pex caw tix, kheu mawh Aux nan heue.

YOHAN 13:14

Phan Aux pa mawh Simiang cao gau hoik khoek caong pex, viang pex kawx khaw ti khoek ka caong paox tix, tix kaux lai tix kaux heue.

YOHAN 14:13

Pex sang rawg sang mhaing ceu patix ang ah, ka daux ceu kaux Aux, Aux tak sang yuh heue, yuh ka mawx sonsang koe min pakngai Keeing Cao, ka daux Kawn Cao heue.

YOHAN 14:23

Yesux pawk lox ah nin ka nawh, “Phan pui moh ka Aux nawh tak sang priex ti hawt gumlox Aux, Keeing Aux tak moh ka kaw an, Yiex tak hoek ka nawh mai ot tau mai nawh heue.

YOHAN 17:1

Khaix hoik ah Yesux ceu an khankix Nawh maong ti jhak ka raoma ah nin, “Keeing eue, bawg yam hoik hoek, kieh Kawn Maix koe min pakngai liak, son sang kieh Kawn Cao Maix koe min pakngai heue.

YOHAN 20:28

Thomax deeh pawk lox ah nin ka Nawh Cao, “Simiang aux Mai Siyiex aux”

YOHAN 5:23

Kheu son kawn pui khawmuik sang yungyi ka Kawn Cao, awm yungyi kix ka Keeing Cao. Kaw pa ang yungyi ka Kawn Cao, ang yungyi ka Keeing Cao pa ploi Nawh hoek heue.

YOHAN 9:22

Miex keeing nawh ah nan kheu lhat kiex ka pui Yudax khankix, grawh grawng nawh pui Yudax khankix hoik kum kawng paox tix yuh nin, phan pui tix kaux kaux rieb ti teei Yesux mai ah Nawh mawh Cao Khrit, tak sang grheu nawh lih khaing daux nyiex sidiex heue.

KAWNCAU 10:36

Nawh hoik ploi lox ka ru pui Isarelax khankix mai kieh kix tawng, lox bwan gaux rhawm pa dex dawd mai pa nhim, ka daux Yesux Khrit, pa mawh Simiang piang khawmuik heue.

KAWNCAU 2:36

“Mawh kheu nan kieh geh pui Isarelax khawmuik, tawng mhawm mhawm, grawng Yesux pa hoik tawk pex piang khaox lhak, Siyiex hoik kieh Nawh mawh Siyiex mai Khrit heue.”

ROMAX 14:11

Grawh grawng nawh hoik tiiem ti deuh, “Simiang ah nin, Awm im Aux, ngawng ku ngawng tak sang grux ka Aux mai dak ku dak tak sang krai doh ka Siyiex heue.”

ROMAX 14:9

Grawh grawng nawh sonsang sidah mawh nin, Cao Khrit tom hoik yum mai baox dee im, sonsang mawh Nawh Simiang khawm pa yum mai pa im heue.

ROMAX 15:9

mai yuh ka mawx pui tang ceu khankix tak sang yaogyaw ka Siyiex, son bwanson Nawh Cao awm pa hoik tiiem ti deuh ah nin, “Mawh kheu nan aux tak sang yaogyaw ka Maix, ka daux pui tang ceu khankix mai aux tak sang rhax lai yaogyaw ka ceu kaux Maix heue.”

1 KAWRINTHUX 12:3

Mawh kheu nan aux tom kieh pex tawng, grawng pui tix kaux kawx pa sikah ka daux Khuan Siyiex ang lai ah, “Yesux mawh pa jhax lawg,” mai pui tix kaux kawx ang chix ah, “Yesux mawh Simiang,” phan ang mawh ka daux Khuan Singax Singeh heue.

1 KAWRINTHUX 15:47

Pui pa koe ka sivoe paox tix an, kheu hoik mawh khaing tiex, tom mawh pa dex mai haktiex heue. Pui ra kaux tix kaux an, hoik mawh khaing raoma heue.

1 KAWRINTHUX 8:6

Ka ex koe ngie Siyiex tix kaux khaing, pa mawh Keeing Cao, can pa koe kuceu khawmuik hoik lih mawh ka daux Nawh Cao, ex kawx mawh son Nawh heue. Koe ngie Simiang tix kaux khaing, pa mawh Yesux Khrit, can pa koe ku ceu khawmuik hoik lih mawh kheu Nawh mai ex kawx lih mawh kheu Nawh heue.

1 PETRUX 1:21

pa mawh pui pa hoik yum rhawm ka Siyiex ka daux Nawh, pa hoik kieh Nawh deeh kaoh im khaing krax yum mai tawx min pakngai ka Nawh, son krax pa yum rhawm mai krax keud pot jun pot pex, tak mawh ka daux Siyiex heue.

1 YOHAN 4:15

Pui mawx ang ah pa kham grawng mawh Yesux Kawn Siyiex, Siyiex ot ka daux nawh mai nawh ot ka daux Siyiex heue.

1 YOHAN 4:2

Pex pon ti tawng Khuan pa dex dawd mai Siyiex ka daux pa yuh nin. Khuan ku mu pa kham grawh grawng hoik hoek Yesux Khrit ka daux nex daux nham mawh pa dex dawd mai Siyiex heue.

2 YOHAN 1:7

Grawh grawng nawh pui pie lhen hoik lih hu piang haktiex tom nie, pa mawh kix pa ang kham grawng pa hoek Yesux Khrit ka daux nex nham heue. In mawh kaw pie lhen mai mawh antikhrit heue.

PLAK JHI 3:5

Ka kaw pa pex tak sang kieh ceep ka kraung paing yuh nin heue. Aux tak ang doh preet ti tik ceu kaux nawh khaing phuk lai pa im ju, Aux tak sang kham grawng ceu kaux nawh sivoe Keeing Aux mai sivoe kawncau Siyiex cie Nawh khankix heue.