PHILIPPIX 1:6 - Wa Common Language Translation

⁶ Aux hoik yum rhawm mhawm mhawm, grawh grawng kaw pa hoik jah ti yuh kaing pa mhawm ka daux pex, tak kawn sang yuh tom grum hoik, tom hoek singaix Yesux Khrit heue.

PHILIPPIX 1:6 Iomraidhean Croise

YAOGYAW 138:8

Siyiex, tak kieh grawng pa dex mai aux hoik, Siyiex eue, krax caux rhawm Maix, kaux cong jheung jheung leeing ju, Maix paw lai tik ka ceu pa hoik yuh Maix ka taix tix liak.

YOHAN 6:29

Yesux baox pawk lox ah nin ka kix, “Kaing Siyiex mawh pa yum rhawm pex ka Kaw pa ploi Nawh hoek heue.”

KAWNCAU 11:18

Yam mhong kix grawng ceu an khankix, kix ang nye kah, mai yaogyaw Siyiex ah nin, “Phan mawh nan ka pui tang ceu khankix kawx, hoik tawx ceu pa doh keud, tom pon ju pa im heue.”

KAWNCAU 16:14

Bun tix kaux pa kaux Ludi, pa mawh pui coh kraung raoh klai, pa mawh pui veng Shwatire, pa krub ka Siyiex tix kaux, nghiet lox ex, Siyiex paoh rhawm bun an, sonsang koe krax cu nghiet ka grawng ceu pa sidiex gau Pawlux khankix heue.

1 KAWRINTHUX 1:8

Kaw pa tak sang kieh pex kaux cong tom sidah, sonsang mawh pex pa ang koe dee deuh phimap, ka daux singaix Simiang ex Yesux Khrit heue.

2 KAWRINTHUX 1:15

Kheu hoik yum rhawm aux yuh nin, aux hoik bak ti sang hoek ka pex ka sivoe, sonsang pon pex bwanson ra bawg tix bawg heue.

2 KAWRINTHUX 2:3

Kheu koe krax yum rhawm aux grawng krax gaux rhawm aux, hoik mawh nang krax gaux rhawm pex khawmuik, aux tom hoik tiiem lai ceu in, phan ang mawh nan yam hoek aux ka pex, ha kix pa khaw ti kieh aux gaux rhawm kox kieh aux khi rhawm kah heue.

2 KAWRINTHUX 7:16

Aux gaux rhawm kheu pon aux ti yum rhawm ka pex ka daux ku ceu heue.

2 KAWRINTHUX 9:4

Phan pui meung Makedonix tix blah hoek tau mai aux mai yaox pa ang pex cox rien tix, pie ex kawx tak sang hoek krax kaig tua, ka pa yum rhawm grawng ceu in heue.

KALATIX 5:10

Aux hoik yum rhawm ka pex ka daux Simiang, grawng pex tak ang keud pa tang siyox, pa lak lheut ka pex, mawh pui mawx ang ah, nawh tak geu pa prawng pa ciyang tokaux tix heue.

EFESUX 4:12

sonsang kieh pui pa singax singeh khankix grum mhawm, son kaing sidiex gau, sonsang sum, yuh tokaux Cao Khrit ting,

PHILIPPIX 1:10

sonsang chix tawng ti cheu ceu pa tang pa siyox khankix mai sonsang singax singeh pex mai ang koe dee cha tom hoek singaix Yesux Khrit,

PHILIPPIX 1:29

Mawh kheu hoik tawx ka pex, ka son Cao Khrit, pa ang joeng mawh ngie pa yum rhawm ka Nawh Cao, viang mawh nan khawm pa sang kham geu son Nawh,

PHILIPPIX 2:12

Mawh kheu nan pa moh aux khankix eue, awm hoik nghiet pex jheung jheung, ang mawh ngie yam ot aux, viang mawh nan yam in yam ang aux ot, pex khaw ti nie lheu yuh sonsang pon krax taoh tix, ka daux pa lhat pa siyaung heue.

PHILIPPIX 2:13

Siyiex, mawh kaw pa yuh kaing ka daux pex, sonsang koe rhawm ti yuh mai sonsang yuh kaing, son pa caw rhawm Nawh heue.

PHILIPPIX 2:16

mai yaog ti jung gum lox pa im ju, sonsang koe aux ceu pa yaw rangdi kah, ka daux singaix Cao Khrit, pa to aux ang mawh pa giex going mai viang pa nyhap pa yuh aux ang mawh pa giex going heue.

KAWLAWSIE 2:12

kheu hoik sipaung pex tau mai Nawh Cao ka daux krax cubcom rawm heue. Ka daux krax cubcom rawm hoik deeh yaog pex kaoh tau mai Nawh Cao, kheu pa yum rhawm pex ka daux pa yuh Simiang Siyiex, Kaw pa kieh Nawh Cao deeh kaoh khaing krax yum heue.

1 THESALONIX 1:3

Ca doh keud pot grawng kaing krax yum rhawm pex, pa yuh daux krax moh krax rhawm krax gun krax yeung, ka krax keud pot jun pot ka daux Simiang ex Yesux Khrit, ka sivoe Siyiex ex heue.

2 THESALONIX 1:11

Mawh kheu in, ex rawg bwan ka son pex, ka Simiang Siyiex ex ku jheung jheung, sonsang een sang sawn pex mawh pa keung ka ceu pa hoik kok pex kah, kieh ceu pa simie pex pa mhawm ku ceu, kieh kaing krax yum rhawm ku ceu tau mai siawp sibrawm, kieh grum naog heue.

2 THESALONIX 3:4

Ex yum rhawm ka daux Simiang, ka grawh grawng pa hawt yuh pex yam in mai grawng baox sang hawt yuh pex, ceu pa hoik tawm ex ka pex khankix heue.

PHILEMON 1:21

Mawh kheu yum rhawm aux ka grawng pa chix cu nghiet maix, aux tom tiiem hu ka maix, Kheu tawng aux grawng maix sang nie lheu yuh khaing pa ah aux heue.

HEBRIE 10:35

Mawh kheu nan paw tik ka ceu pa viex pex rhawm kwa, mawh ceu pa kieh pon bwanson pa ting heue.

HEBRIE 12:2

jhak ka Yesux pa mawh cao pa yuh mai cao pa kieh krax yum rhawm ex grum kah, pa een ceu pa kaig pa tua mawh pa ang koe cee mai hoik kham geu ka khaox lhak, kheu krax gaux rhawm pa hoik deuh sivoe Nawh mai hoik ngawm ka plak taix khawn dawm dang ngeung Siyiex heue.

1 PETRUX 5:10

Siyiex pa yuh bwanson khawmuik, pa hoik kok pex laig ka daux min pakngai leeing ju Nawh, ka daux Cao Khrit, khaix hoik yaox pex ti kham geu tix vud ngie, tokaux Nawh tak sang kieh pa grum mhawm mai kieh kaux cong mai baox thien thie riang rao kah heue.

2 PETRUX 3:10

Ngaix Simiang tak sang hoek awm hoek pui briex.Yam an raoma khankix tak sang grai hu tau mai lox pa kied sinum mai tokaux raoma khankix pa mawh khix, singaix mai simuing tak sang ceh sang laux ka pa kied hax mai haktiex mai can pa hoik yuh ka daux nawh tak sang proe ka ngu khawmuik heue.