PHILIPPIX 1:23 - Wa Common Language Translation

²³ Aux keud ang lai doh ka sinax an ra ceu, kheu simie aux ti lih hu ot tau mai Cao Khrit, mawh kheu an mawh pa kied nie lheu lang teung mhawm,

PHILIPPIX 1:23 Iomraidhean Croise

2 SAMOELAX 24:14

Mai Davit pawk lox ah nin ka Gat, “Aux hoik tug rhawm ka tete, kieh yix hoek daux tawm taix Simiang Siyiex, mawh kheu krax caux rhawm Nawh Cao hoik kied ting lhaong, paw doh kieh aux hoek ka daux tawm taix kawn pui liak.

YAOGYAW 17:15

Grawh grawng nawh, aux mawh pui pa rahsee tak sang pon ti yaox ka plakngai Maix heue. Yam siduad aux, rhawm aux hoik grum naog awm riang pak peung Maix heue.

YAOGYAW 49:15

Phan mawh aux, Siyiex priex aux mai taoh ju aux khaing sibrawm meung yum heue.

LUKAX 12:50

Lheu khaing an, Aux koe krax cubcom, pa tak lai cubcom Aux ka tix ceu mai ka ang nyang bax hoik bawg yam an, Aux kied khi rhawm ka miex ding heue.

LUKAX 23:43

Yesux dee ah nin ka nawh, “Aux krai lox tete ka maix, ka daux singaix maix tak ot tau mai Aux ka daux Paradisux heue.”

LUKAX 8:38

Pui pa hoik laig phicaox glang ka an, rawg ti ot tau mai Nawh Cao, viang mawh nan Nawh Cao ah nin,

YOHAN 12:26

Pui mawx ang ah phan nawh yuh kaing Aux, kieh hawt khaix Aux dee ot Aux kawncau Aux kawx, tak sang pon ti ot tan heue. Pui mawh ang ah, phan yuh son Aux Keeing Cao tak yaog nawh ting heue.

YOHAN 13:1

Ka sang yuh pawie Pasakha Yesux tawng nari bawg yam tak sang lih hu Nawh khaing haktiex hu ka Keeing Cao hoik hoek. Mawh kheu moh Nawh cie Nawh pa ot piang haktiex in, Nawh moh tom sidah heue.

YOHAN 14:3

Phan Aux hu cox dee ot son pex, Aux tak deeh hoek teei pex hu sonsang ot tau mai Aux, pex kawx sang pon ti ot dee ot Aux heue.

YOHAN 17:24

Keeing eue, Aux simie ti kieh kix pa hoik tawx Maix ka Aux, ot tau mai Aux ka dee ot Aux, sonsang yaox kix min pakngai Aux, pa hoik tawx Maix ka Aux, mawh kheu hoik moh Maix ka Aux ka sang jah ti kaw num haktiex heue.

KAWNCAU 7:59

Kix dheem Sathephan ka simaox, yam rawg nawh bwan ah nin, “Simiang Yesux eue, rieb ti teei khuan aux liak.”

2 KAWRINTHUX 5:8

Mawh kheu nie lheu koe rhawm ex ti sang tang ot khaing tokaux tix mai ti sang ot tau mai Simiang, aux tom ah, “Ex koe rhawm kwa heue.”

2 KAWRINTHUX 6:12

Pex ang lai sikhiep sikhawp ka daux ex, viang mawh nan pex hoik sikhiep sikhawp ka daux krax moh pex khaing heue.

PHILIPPIX 1:24

viang mawh nan pa ot ka daux nex nham mawh pa nie lheu lo son pex heue.

1 THESALONIX 2:1

Puxaik khankix eue, tokaux pex hoik tawng grawng pa laig ex ka pex ang mawh pa giex going.

1 THESALONIX 2:13

Mawh kheu in, ex kawx yaogyaw ka bwanson Siyiex ang jud ang jai, kheu hoik rieb pex ti teei gumlox pa mhong khaing ex, pa mawh gumlox bwan Siyiex, pa ang rieb ti teei awm mawh gumlox kawn pui, hoik rieb awm mawh gumlox Siyiex pa mawh pa meh, pa yuh kaing ka plak daux pex pa yum rhawm khankix heue.

1 THESALONIX 4:17

Khaix an ex pa kawn klawd pa kawn deuk khankix, tak sang teei haok tau mai kix, ka daux paiawm, sonsang sipub ka Simiang Siyiex ka daux bhaung dee long mai ex tak sang ot tau mai Simiang Siyiex leeing ju heue.

2 TIMOSE 4:6

Grawh grawng nawh uik tan aux awm pa prauk rawm tan mai bawg yam lih hu aux hoik hoek heue.

PLAK JHI 14:13

Aux mhong lox khaing raoma pa ah nin, “Tiiem yuh nin, Jah tom yam in, kix pa yum ka daux Simiang ting bwanson heue. Mawh heue, Khwan Cao ah nan, yuh ka mawx sonsang pon kix ti laux lee khaing pa nyhap pa mao kix mai kaing ceu pa yuh kix hawt tau mai kix heue.”