PHILIPPIX 1:21 - Wa Common Language Translation

²¹ Ka son aux, pa im mawh Cao Khrit mai pa yum mawh bwan son heue.

PHILIPPIX 1:21 Iomraidhean Croise

1 KAWRINTHUX 1:30

Hoik mawh kheu Nawh Cao, pa ot pex daux Yesux Khrit, pa hoik kieh mawh pingnya pa rahsee, pa singax mai pa taoh, pa kaoh khaing Siyiex ka son ex,

1 KAWRINTHUX 3:22

Viang mawh Pawlux ang ah, Apawlux ang ah, Kephax ang ah, haktiex in ang ah, pa im ang ah, pa yum ang ah, ceu pa koe yam in khankix ang ah, ceu pa sang hoek ti mawh khaix khankix ang ah, khawmuik khawm leeing mawh cie pex,

2 KAWRINTHUX 5:1

Grawh grawng nawh ex hoik tawng phan yieh laux ka nyiex gox ex pa mawh nyiex pa dex mai haktiex, ex koe nyiex pa yuh Siyiex, pa mawh nyiex pa ang yuh ka taix, pa kaux pa koe leeing ju ka daux meung raoma heue.

2 KAWRINTHUX 5:6

Ex tawng grawng yam kawn ot ka daux tokaux tix, ex tang ot khaing Simiang, mawh kheu nan ex tom koe rhawm kwa ku jheung jheung heue.

2 KAWRINTHUX 5:8

Mawh kheu nie lheu koe rhawm ex ti sang tang ot khaing tokaux tix mai ti sang ot tau mai Simiang, aux tom ah, “Ex koe rhawm kwa heue.”

KALATIX 2:20

Aux hoik yum tau mai Cao Khrit ka khaox lhak mai yam in aux kawn ang baox mawh pa im, Cao Khrit im ka daux aux heue. Ceu pa im aux ka daux nex nham yam in, aux im ka daux krax yum rhawm, pa mawh pa yum rhawm ka Kawn Siyiex, pa hoik moh ka aux mai hoik tawx tokaux tix son aux heue.

KALATIX 6:14

Paw kieh aux yaw rangdi ka tix ceu kawx lheu khaing khaox lhak Simiang ex Yesux Khrit, haktiex hoik yum ka aux mai aux hoik yum ka haktiex heue.

PHILIPPIX 1:20

Aux keud pot jun pot yuh nin, aux ang lai kaig twa ka daux tix ceu kawx, viang mawh nan tak sang koe rhawm pa grum kwa, sonsang yaog min Cao Khrit ka daux tokaux aux, ka daux pa im ju aux ang ah, ka daux pa yum aux ang ah heue.

PHILIPPIX 1:22

Viang mawh kawx nan phan aux ca im ka daux nex nham, mawh plix pa plix ka kaing jhaw ka son aux heue. Aux sang laug ti cie pa yuh ka mawx? Aux ang tawng.

PHILIPPIX 1:23

Aux keud ang lai doh ka sinax an ra ceu, kheu simie aux ti lih hu ot tau mai Cao Khrit, mawh kheu an mawh pa kied nie lheu lang teung mhawm,

PHILIPPIX 2:21

Kix khawmuik sawg ceu son cie tokaux tix mai ang sawg ceu son cie Yesux Khrit heue.

KAWLAWSIE 3:4

Yam hoik sidawng Cao Khrit pa mawh ju ex sax, pex kawx tak sang sidawng ka daux min pakngai tau mai Nawh Cao heue.

PLAK JHI 14:13

Aux mhong lox khaing raoma pa ah nin, “Tiiem yuh nin, Jah tom yam in, kix pa yum ka daux Simiang ting bwanson heue. Mawh heue, Khwan Cao ah nan, yuh ka mawx sonsang pon kix ti laux lee khaing pa nyhap pa mao kix mai kaing ceu pa yuh kix hawt tau mai kix heue.”