PHILIPPIX 1:12 - Wa Common Language Translation

¹² Puxaik khankix eue, aux simie ti kieh pex tawng grawh grawng ceu pa hoik mawh ka aux, hoik mawh ceu pa teem ti kieh lox bwan gaux rhawm tah hu heue. Khaing pa kieh pa raw kah heue.

PHILIPPIX 1:12 Iomraidhean Croise

ISATA 9:1

Ka daux khix kao ra, pa mawh khix Adax kao loe ngaix, mawh yam hoek son gumlox pa tawm simiang mai pa hoik pao nawh khankix, sonsang mawh pa yuh tix ka daux singaix an, pui koeng Yudax khankix hoik keud pot jun pot ti sang koe krax pex sibrawm kix mai pui Yudax deeh tieh ti pex ka sibrawm pui pa hoik koeng ka kix.

YAOGYAW 76:10

Krax pa song rhawm kawn pui, deeh tieh ti mawh pa yaogyaw ka Maix mai krax pa song rhawm song rhi pa kawn deuk khankix kawx, Maix hoik rawd ti deuh ka maox rawd nyoi heue.

LIH HU 18:11

“Aux hoik tawng Siyiex leeing ju mawh pa ting khaing siyiex tang kaux mai pex ka pui pa ting rhawm ca nyhau ka piang pui Isarelax khankix.”

LUKAX 21:13

Ceu in khankix tak sang mawh mhai ruk ka grawng pex heue.

KAWNCAU 8:4

Mawh kheu nan kix pa hoik prung prang ku dah dee, hu sidiex gau gumlox bwan heue.

ROMAX 8:28

Ex tawng grawng kuceu khawmuik rom ti yuh tau, sonsang mawh pa mhawm ka son kix pa moh ka Siyiex, pa mawh pa hoik kok ti teei awm pa khaw mai pa hoik yiag hoik bak Nawh Cao heue.

ROMAX 8:37

Ang mawh, ka daux ceu in khankix khawmuik, ex mawh pa nie lheu mawh khaing pa pex, kheu Kaw pa hoik moh ka ex heue.

PHILIPPIX 1:5

kheu yuh pex paox pie ka daux pa tah hu lox bwan gaux rhawm, jah ka singaix pa mhong pex lox bwan an, tom yam in heue.

PHILIPPIX 1:7

Pa keud aux yuh nin son pex khawmuik hoik khaw, mawh kheu ca koe pex ka daux rhawm aux, ka daux pa phyawk aux in mai khawm ka daux pa kham mhai rug tix tiebtie mai kieh lox bwan gaux rhawm kaux cong kawx, pex khawmuik hoik mawh pa neuex pa rom ti pon bwanson tau mai aux heue.

PHILIPPIX 2:22

Pex tawng mhai rug grawng nawh, grawng pa yuh nawh tau mai aux son lox bwan gaux rhawm, awm yuh kawn tau mai keeing heue.

PHILIPPIX 4:15

Pui Philippix khankix eue, pex kawx hoik tawng, grawng yam jah lox bwan gaux rhawm, yam lih hu aux khaing meung Makedonix, ceu cao tix mu kawx ang yuh paox pie mai aux, ka daux krax tan mai ka daux pa rieb ti teei, lheu khaing pex khaing,

PHILIPPIX 4:3

Mawh heue, aux khyox khaw ka maix kaw pa mawh paox pa yuh tau mai aux tete heue. Teem ka bun in kiex, mawh kheu kiex hoik yuh tau mai aux ka daux lox bwan gaux rhawm, tau mai khawm Klemen mai paox yuh kaing pa deuk khankix, pa hoit koe ceu kaux kix ka daux phuk lai ju pa im heue.

1 TIMOSE 2:8

Mawh kheu nan aux simie ti kieh simex khankix rawg bwan kudah kudee mai yaog taix pa singax singeh, pa ang koe krax song rhawm songrhi mai krax thung thiang heue.

2 TIMOSE 2:9

Mawh kheu lox sidiex an, aux yaox ti kham geu pa nu, tom phyawk aux awm pui caox, viang mawh nan ang pon ti phyawk ka gumlox Siyiex heue.

2 TIMOSE 4:17

Simiang Siyiex ot plak aux mai baox tiien riang rao ka aux, sonsang pon grum sidiex aux lox bwan mai sonsang pon mhong pui tang ceu khawmuik heue. Hoik taoh aux khaing daux jheeh sivai sangsi heue.