PHILIPPIX 1:11 - Wa Common Language Translation

¹¹ kheu hoik naog pex ka plix ceu pa rahsee, pa hoik mawh kheu Yesux Khrit, sonsang kieh Siyiex koe min pakngai mai pa yaogyaw heue.

PHILIPPIX 1:11 Iomraidhean Croise

YAOGYAW 1:3

Nawh awm khaox pa sum praok rawm klawng, yam hoek bawg yam, chix plix heue. Lhax nawh kawx, ang chix teue chix kroh mai kaing pa yuh nawh kuceu khawmuik kawx tak ting lhaong heue.

ISAYAX 5:2

Nawh kaong ka daux tiex mai teei lon simaox singax mai sum nhu plix siiet pa kied mhawm ka daux an heue. Nawh sum nyiex pau ka daux sigreung sipeem mai baox yuh dee biiet rawm plix siiet ka daux an; mawh kheu nan nawh hoik keud ce an sang pon plix siiet ceu pa mhawm, viang mawh nan, an hoik lih ti mawh plix siiet tiag heue.

ISAYAX 60:21

Pui maix khawmuik tak mawh pa rahsee, kix tak pon ti cie haktiex mawh sinngao tix leeing ju heue. Mawh khaox pa hoik sum Aux mai kaing jhaw taix aux khankix tak mawh pa pon Aux ti koe min pakngai ka heue.

ISAYAX 61:11

Awm kuah simie ka daux haktiex mai awm kieh sipeem ceu pa hoik rhuat ka daux nawh khankix kuah ti lih, awm an, Siyiex, pa mawh Siyiex tak kieh pa rahsee mai krax yaog yaw lih bleeh ka plak sivoe ceu pui khawmuik heue.

ISAYAX 61:3

sonsang yuh krax pa nyawm rhawm pui an kix pa koe krax khi rhawm ka daux veng Zion, sonsang tawx mhok khri pa mhawm grang ka kix son tang nyaox mai rawm bee pa gaux rhawm son tang krax pa khi rhawm mai kraung ceep pa yaog yaw, son tang khwan pa khi, son krax pa sum Siyiex, sonsang pon Nawh ti koe min pakngai ka heue.”

MATHIEX 5:16

Awm an kieh pa riang pex jhan riang sivoe ngai kawn pui heue, sonsang yaox kix kaing pa yuh pex pa mhawm mai yaogyaw Keeing pex pa ot daux Meung Raoma.”

YOHAN 15:16

Pex laug ti teei Aux ang mawh, viang mawh nan Aux hoik laug ti teei pex hoik ciak ti deuh pex, yuh ka mawx sonsang hu plix pex plix sonsang kaux cong plix pex heue. Kheu pex sang rawg ceu patix ang ah, ka Keeing Cao ka daux ceu kaux Aux, Nawh sang tawx ka pex.

YOHAN 15:2

Kak pa ang plix kukak Nawh kid titik, kak pa plix kukak sonsang nie chix plix khaing in, Nawh cox pawt mhawm mhawm heue.

YOHAN 15:8

Keeing Aux koe min plakngai, kheu pa plix pex plix haoh hun pex tak mawh kawncau Aux heue.

ROMAX 15:28

Mawh kheu nan khaix hoik yuh aux kaing in tom hoik sidah mai hoik tawx hoik pong totaix pa tan ka kix mhawm mhiem aux tak sang veh ka pex mai phlat hu ka meung Sapenix heue.

ROMAX 6:22

Viang mawh nan, yam in, kheu hoik luan pex khaing phimap mai hoik lih mawh siliex Siyiex mai plix pa sang pon pex mawh pa singax singeh mai dee sidah mawh ju leeing ju heue.

1 KAWRINTHUX 10:31

Mawh kheu nan pex ih ang ah, nyaux ang ah, pex yuh ceu patix ang ah, yuh sonsang koe min pakngai Siyiex kah heue.

2 KAWRINTHUX 9:10

Kaw pa tawx simie ka cao pa rhuat mai tawx blah son cao pa ih, tak sang tawx mai nie lheu kieh simie son sang rhuat pex haoh sinyek sinyek mai kieh plix pa rahsee pex piien kah heue.

EFESUX 1:12

son ex pa hoik keud pot jun pot ka daux Cao Khrit ka sivoe paox tix, sang mawh son pa yaogyaw min pakngai Nawh heue.

EFESUX 1:14

Khuan an mawh gawng ka grawng sin ex, tom bawg yam sang taoh Nawh Cao cie tokaux tix, sonsang yaogyaw min pakngai Nawh heue.

EFESUX 2:10

Ex mawh khaix taix Nawh, pa hoik phan hoik yuh ka daux Yesux Khrit, sonsang twah, yuh ceu pa mhawm, pa hoik grux cox Siyiex sonsang hu ex ka daux ceu an khankix heue.

EFESUX 5:9

Grawh grawng nawh plix pa riang mawh pa mhawm mhiem mai pa rahsee mai pa mawh meh ku ceu khawmuik heue.

PHILIPPIX 4:17

Ang mawh kheu sawg aux totaix, viang mawh nan aux sawg son plix pa sang teen ka son pex heue.

KAWLAWSIE 1:10

sonsang hu pex awm pa keung ka Simiang, sonsang caw rhawm Nawh ka khawmuik mai plix plix ka daux kaing pa mhawm ku ceu mai haok huan ka daux krax tawng Simiang Siyiex,

KAWLAWSIE 1:6

pa hoik hoek ka pex, awm hoik hoek ka daux haktiex khawmuik, pex tak plix plix mai haok huan, awm hoik mawh khawm ka daux pex, singaix tom yam jah pex ti mhong mai tawng bwanson Siyiex ka daux pa mawh meh,

2 THESALONIX 1:12

Sonsang koe min pakngai ceu kaux Simiang ex Yesux ka daux pex, sonsang koe min pakngai pex ka daux Nawh Cao, awm pa khaw mai bwanson Siyiex ex mai Simiang Yesux Khrit heue.

TITUX 3:14

Kieh pui ex khankix gau ti yuh ceu pa mhawm jheung jheung, son sang koe pa shiao kix, son ceu pa lo khankix, son ang kix sang mawh pa ang plix plix heue.

HEBRIE 12:11

Can ceu pa sivied ti gau khawmuik, yam in, ang lai ce mawh pa gaux rhawm, ce mawh pa tug pa kha heue. Bawg khaix ceu pa sivied ti gau chix kieh kix pa yaox ti kham kah, pon plix pa nhim, pa mawh plix pa rahsee heue.

1 PETRUX 2:12

Kieh pa yuh pex mawh pa nyawm ti jhak ka sinax pui tang ceu khankix, yuh ka mawx viang kix ah lox deuh phimap ka piang pex awm mawh pex pui pa yuh pa caox kawx, kix tak sang yaox kaing pa yuh pex pa mhawm mai yaogyaw Siyiex ka daux singaix pa kia pa prawng heue.

1 PETRUX 2:5

Pex kawx awm simaox pa im pa sum ti yuh nyiex pa dex dawd mai khuan, sonsang mawh cub cao giex kaing li pa singax singeh, pa sang tan, ceu pa tan pa dex dawd mai khuan, pa khaw caw ka Siyiex ka daux Yesux Khrit heue.

1 PETRUX 2:9

Viang mawh nan pex mawh ceu pui pa hoik laug, pa mawh cao giex kaing li Siyiex, pa mawh ceu pui pa singax singeh, pa mawh pui Siyiex tete, sonsang jhi pex grawh grawng ceu pa ting lhaong, pa mhawm, Kaw pa hoik kok pex lih khaing daux pa faik mai laig ka daux pa riang pa daox deng cie tix heue.

1 PETRUX 4:14

Phan pex yaox ti kham pa ang cee ang cak kheu ceu kaux Cao Khrit, pex ting bwanson, mawh kheu Khuan ting min pakngai, pa mawh Khuan Siyiex ot piang pex heue.