PHILIPPIX 1:10 - Wa Common Language Translation

¹⁰ sonsang chix tawng ti cheu ceu pa tang pa siyox khankix mai sonsang singax singeh pex mai ang koe dee cha tom hoek singaix Yesux Khrit,

PHILIPPIX 1:10 Iomraidhean Croise

YAM JAH 20:5

Nawh hoik ah, mawh nawh nan tix ka aux, pie cao nawh kawx krai, Nawh mawh puxke aux heue. Ka daux krax pa rahsee mai taix pa singax singeh aux in, aux hoik lud yuh ceu in heue.”

YAWBAX 12:11

Ang mawh yhaok pa cheuk ka lox sikah pui mai ang mawh jheeh khankix pa cim ka jhawm priex lie?

YAWBAX 34:3

mawh kheu yhaok chix cheuk ka lox, awm chix cim jheeh ti yaox ka priex preem khankix heue.

MIKHA 3:2

Pex pa koeng ka ceu pa mhawm mai moh ka ceu pa caox, pa tawx hak khaing pui Aux mai pawh nex khaing si-ang kix,

MATHIEX 16:23

Nawh Cao deeh veeh ah nin ka Petrux, “Satan eue, hu plak khaix Aux maix mawh dee sideeing ka Aux, kheu ang maix keud grawng ceu pa dex dawd mai Siyiex, viang mawh nan maix keud grawng ceu pa dex dawd mai kawn pui khaing.”

MATHIEX 26:33

Petrux pawk lox mai ah nin ka Nawh Cao, “Phan khawmuik prah ka Maix kawx, aux tak ang prah tix bawg kawx heue.”

YOHAN 1:47

Yesux yaox pa hoek Nasanilax ka tix ah nin, “Jhak heue, pui Isarelax tete, pa ang chix pie lhen”

YOHAN 3:20

Grawh grawng nawh, pa yuh pa caox ku kaux daux pui nieh jhak ka pa riang ang hoek ka pa riang, son ang pa yuh tix sang lih heue.

KAWNCAU 24:16

Mawh kheu nan aux tom nied ti coca son rhawm aux dee chix keud tawng tak ang koe pa lud ka plak Siyiex mai plak kawn pui ku jheung jheung heue.

ROMAX 12:2

Paw kieh khaw mai riang baux ju in, viang mawh nan kieh pex deeh tieh loh, kheu baox yuh rhawm tix pa khraox, sonsang chix cheu pex ti tawng, mawh pa yuh ka mawx pa mawh pa mhawm mai pa khaw caw rhawm mai pa grum mawh alo Siyiex heue.

ROMAX 12:9

Kieh krax moh krax rhawm pex mawh pa ang koe pie lhen. Koeng ka ceu pa caox mai jawg ti giex ka ceu pa mhawm heue.

ROMAX 16:17

Puxaik khankix eue, aux khyox khaw ka pex, een ti tawng ka kix pa kieh koe krax tang gwieh paox tix mai dee sang lud pa ang khaw mai lox gau pa hoik gau pex kah mai veeh ti hu khaing kix heue.

ROMAX 2:18

tawng alo Nawh Cao mai chix cheu chix liiem ka pa tang siyox, yam mhong maix pa phat lox tawm lai beenli,

ROMAX 7:16

Mawh kheu nan phan aux yuh ceu pa ang aux simie ti yuh, aux hoik rieb ti teei grawng lox lai beenli mawh pa khaw caw heue.

ROMAX 7:22

Grawh grawng nawh aux gaux rhawm ka daux lox lai beenli Siyiex, phan hawt pui plak daux,

ROMAX 8:7

Mawh kheu rhawm pa dex mai nex nham, mawh pa ra lai koeng ka Siyiex, mawh kheu nawh ang cu nghiet, ka lox lai beenli Siyiex. Chix kawx, ang chix cu nghiet kah heue.

1 KAWRINTHUX 1:8

Kaw pa tak sang kieh pex kaux cong tom sidah, sonsang mawh pex pa ang koe dee deuh phimap, ka daux singaix Simiang ex Yesux Khrit heue.

1 KAWRINTHUX 10:32

Paw vi kieh mawh dee sideeing, ka son pui Yudax khankix ang ah, ka son pui Helasax khankix ang ah, ka son ceucao Siyiex ang ah heue.

1 KAWRINTHUX 8:13

Phan pa ih kieh puxaik aux sideeing kah, aux tak ang ih nex leeing ju, son ang aux sang kieh puxaik tix sideeing kah heue.

2 KAWRINTHUX 1:12

Grawh grawng nawh krax pa yaw rangdi ex mawh in, mawh pa mawh mhai rug pa kham dee chix keud chix tawng ex, grawng pa twah pa klaung ex ka daux haktiex mai pa nie lheu mawh pa twah pa klaung ka pex, mawh pa hoik yuh ka daux pa singax mai ka daux pa viex khawm rhawm tix awm pa khaw mai Siyiex mai grawng ang lai mawh pa yuh ka daux pingnya pa dex mai nex nham, viang mawh nan mawh ka daux bwanson Siyiex heue.

2 KAWRINTHUX 2:17

Ex ang lai awm ka pui tom nie, pa nieb lak baox, lak teei lih khaing gumlox Siyiex, ex viex khawm rhawm tix sidiex ka daux Cao Khrit, awm pa khaw mai Siyiex, ka plak sivoe Siyiex heue.

2 KAWRINTHUX 6:3

Son ang koe jao dee sideeing ka daux tix ceu kawx, son ang lai koe dee deuh phimap ka kaing cau ex.

2 KAWRINTHUX 8:8

Pa ah aux nin ang mawh lox tawm pa nhie pex yuh, aux teei grawng pa viex pui tang kaux khawm rhawm tix yuh mai cheu ti yaox grawng krax moh krax rhawm pex mawh pa mawh meh nieh, ang mawh nieh.

KALATIX 5:11

Puxaik khankix eue, phan aux kawn sidiex been pat hak, lai kawn tuktiak ka aux? Phan mawh nan ceu pa sideeing ka khaox lhak hoik teei ti tik heue.

EFESUX 4:15

Kheu giex pa mawh meh ka daux pa moh rhawm, ex tak ting huan ka ku ceu khawmuik ka daux Nawh Cao, kaw pa mawh kaing, mawh Cao Khrit heue.

EFESUX 5:10

Ceu pa khaw caw mai rhawm Simiang Siyiex mawh pa yuh ka mawx cheu ti yaox,

EFESUX 5:27

sonsang pon tawx Nawh ceu cao pa koe min pakngai ka tokaux tix, pa ang koe dee pliag dee deen mai ang koe pa awm an tix ceu kawx, sonsang mawh ceu cao pa singax pa loig heue.

EFESUX 6:24

Kieh bwanson koe mai kix khawmuik pa moh Simiang ex Yesux Khrit, ka krax moh krax rhawm ceu pa mawh tete heue. Amen.

PHILIPPIX 1:16

Pui pa ghoik ti krai khankix sidiex kheu koe krax moh krax rhawm mai kheu kix tawng grawng hoik deuh ka aux tin sonsang tiebtie ti priex ka lox bwan gaux rhawm heue.

PHILIPPIX 1:6

Aux hoik yum rhawm mhawm mhawm, grawh grawng kaw pa hoik jah ti yuh kaing pa mhawm ka daux pex, tak kawn sang yuh tom grum hoik, tom hoek singaix Yesux Khrit heue.

PHILIPPIX 2:16

mai yaog ti jung gum lox pa im ju, sonsang koe aux ceu pa yaw rangdi kah, ka daux singaix Cao Khrit, pa to aux ang mawh pa giex going mai viang pa nyhap pa yuh aux ang mawh pa giex going heue.

1 THESALONIX 3:13

sonsang sidah kieh Nawh Cao rhawm rhi pex kaux cong mai ang koe dee deuh phimap ka daux pa singax singeh sivoe Keeing ex Siyiex, yam sang hoek Simiang ex Yesux, tau mai pui pa singax singeh Nawh khawmuik liak.

1 THESALONIX 5:21

Tiag cheu ti yaox ka ku ceu khawmuik, jhawp ka pa mhawm tom kaux.

1 THESALONIX 5:23

Kieh tokaux Siyiex Cao pa nhim, kieh pex grum singax khawmuik, sonsang priex khuan pex mai ju pex mai tokaux pex khawmuik, son ang sang koe dee deuh phimap kah, yam hoek Simiang ex Yesux Khrit heue.

YAWSUX 24:14

Mawh kheu nan, yam in koe krax lhat graung ka Siyiex leeing ju mai krub ka Nawh Cao ka daux krax pa koe rhawm rahsee tix mai ka daux krax pa mawh pa meh heue. Tik siyiex ankix, pa hoik krub keeing pex khankix nawh, ka plak toi rawm klawng an mai ka daux haktiex meung Ejiptux ka daux singaix heue. Krub ka Siyiex leeing ju awx.

1 YOHAN 4:1

Pui pa moh aux khankix eue, paw vi yum rhawm ka can khuan pa koe khawmuik, viang mawh nan cheu ti yaox ka khuan khankix grawng mawh kix pa dex dawd mai Siyiex lie, ang dex dawd lie. Mawh kheu cao jhai pa ang mawh ang meh hoik lih hu ka daux haktiex tom nie heue.

PLAK JHI 2:2

Aux tawng grawng krax twah krax klaung maix mai kaing pa nyhap pa mao mai pa gun pa yeung maix mai grawng pa ang maix pon kham ka pui caox mai grawng pa hoik cheu ti yaox ka kix pa dhua tokaux kix mawh kawncau pa ting, pa ang tie mawh mai hoik yaox grawng mawh kix pa pie lhen.