NEHAMIX 9:4 - Wa Common Language Translation

⁴ Khaix an Yeshu, Banix, Kamelax, Shebanix, Bunnix, Sherabix, Danix mai Khenanix khankix cung ka glawk bawng pui Lewix mai riag yo lox pa kied ting ka Siyiex kix heue.

NEHAMIX 9:4 Iomraidhean Croise

2 GRAWNG BEEN 20:19

Khaix an, pui Lewix khankix, pa kaoh khaing daux cub kawn praix Kohat mai cub kawn praix Korax khankix, yaog ti cung sonsang yaogyaw ka Siyiex ceu pui Isarelax tau mai lox pa kied ting si num heue.

NEHAMIX 12:8

Lheu khaing an cub pui Lewix khankix mawh Yeshu, Binnui, Kamelax, Sherabix, Yudax mai Matania, mawh pa thong bung pui ka lai rhax pa yaogyaw bwanson tau mai puxaik nawh khankix heue.

NEHAMIX 3:17

Khaix nawh tom mawh cub pui Lewix khankix, Rehum kawn simex Banix pa cox ti sum, khaix nawh tom mawh Hashabix pa mawh cao kwang baoh haktiex veng Kilax tix plak, pa cox ti sum baoh haktiex nawh heue.

NEHAMIX 8:4

Mawh kheu nan Ezarax cao tiiem lai cung tix ot piang grah khaox pa hoik yuh ti deuh son an mai pui pa cung tix ot ka praok ka plak taix khawn dawm nawh tom mawh Matathix, Shemax, Anayax, Uriyax, Hilakhix mai Meseyax khankix mai pui pa cung tix ot ka plak taix khawn gwiex tom mawh Padayax, Mishelax, Malakhiyax, Hashum, Hashabadanax, Zakharix mai Meshulam khankix heue.

NEHAMIX 8:7

Yeshu mai Sherabix, yam in Akhup, Shabethie, Hodiyax, Maseyax, Kelita, Azarix, Yozabat, Hanan, Pelayax mai pui Lewix khankix, baox teem tix krai pui hun tawng ka dee bleeh lox tat jhawm prawng khankix mai pui khankix cung tix ot ka dax dee ot cao tix heue.

NEHAMIX 9:5

Khaix pui Lewix, Yeshu, Kamelax, Hashabanix, Sherabix, Hodiyax, Shebanix mai Petahix khankix ah nin, “Kaoh cung mai yaogyaw bwanson Siyiex pex leeing ju, kieh yaogyaw ka min ceu kaux pa ting sibrawm Maix Cao, pa hoik ting lhaong piang bwanson khawmuik mai ka daux krax pa yaogyaw heue.”

YAOGYAW 130:1

Siyiex eue, aux ot ka dee raux dee nu mai kok yo ka Maix heue.

YAOGYAW 3:4

Sonsang teem ka aux, yam kok yo aux ka Siyiex, Nawh Cao ot ka piang gawng pa singax singeh mai nghiet ka lox aux mai deeh pawk ka lox aux heue.

YAOGYAW 77:1

Aux ploi lox mai kok yo ka Siyiex heue, Nawh nghiet lox pa kok yo aux heue.

YIIEM DOE 3:8

Yam kok yo mhaing aux krax teem kawx, Nawh Cao nyeep thox ka lox bwan rawg aux heue.

YOHAN 11:43

Khaix ah Nawh nan, Nawh Cao yo lox ting sinum ah nin, “Lazarux eue, lih hoek heue.”

KAWNCAU 7:60

Nawh grux ngawng tix, kok yo lox sinum ah nin, “Simiang eue, paw teei ti deuh phimap in piang kix liak.” Khaix hoik ah nawh nan, nawh man ti it heue.