NEHAMIX 9:1 - Wa Common Language Translation

¹ Yam hoik hoek khix in tixnga pon ngaix, kawn praix ceu pui Isarelax khankix krawk khrawm paox tix ot tau mai tawx pa ih mai ceep ka man chee rhix mai rhuat phawng tiex piang kaing tix heue.

NEHAMIX 9:1 Iomraidhean Croise

2 SAMOELAX 1:2

yam hoek ka daux loe singaix, jhak heue, pui tix kaux khaing tab Sawlux riah kraung ceep tix mai sau phawng tiex ka plak khaix tix, yam hoek nawh ka Davit nawh gup tix piang tiex mai tawx krax nab yam ka Davit.

2 GRAWNG BEEN 20:3

Yehoshaphat hoik kied koe krax lhat graung mai nawh tat rhawm tix sonsang sawg nawh ka Siyiex mai pao ti krai kieh pui twah pa ih ka daux meung Yudax khawmuik heue.

2 GRAWNG BEEN 7:10

Ka daux khix aliah tixnga loe ngaix, nawh ploi pui khankix deeh ing ka nyiex gox cao kix, ka daux pa nyawm rhawm mai ka daux pa gaux rhawm kheu bwanson pa mhawm pa yuh Siyiex son Davit mai Sawlamon mai ceu pui nawh Isarelax khankix heue.

EZARAX 8:21

Yam an aux krai pao sonsang twah ka pa ih ka hawt baoh rawm klawng Ahava tan, sonsang tiem rhawm ex plak sivoe Siyiex ex, sonsang sawg ex krax pa rahsee khaing ka daux Nawh Cao son ex mai son kawn praix ex khankix mai son kraung khrai sinngao cie ex khawmuik heue.

EZARAX 8:23

Mawh kheu nan ex hoik twah pa ih hoik khyox khaw grawng in ka Siyiex ex mai Nawh cao hoik pawk lox rawg ex bwan heue.

NEHAMIX 8:2

Ka daux khix aliah tix ngaix cao giex kaing li Ezarax hoik viex phuk lai lox tat jhawm prawng hoek plak sivoe cub pui hun, pa mawh simex mai bun khankix can pui pa chix nghiet chix tawng khawmuik heue.

ISATA 4:16

“Hu heue, kraix khrawm ceu pui Yudax pa koe ka daux veng Shushan khankix mai twah pa ih son aux, paw ih paw nyaux son daux loe ngaix loe sawm, kawncau bun aux khankix mai aux kawx tak twah ka pa ih awm an mai khaix an aux tak hu ka simiang, ka daux krax pa tieh feen been, mai phan mawh pa yum, aux tak kham tix yum ka.

ISATA 4:3

Ka daux baoh haktiex dee hoik koe lox tawm simiang lox ngia pa kied ting koe ka daux sinax pui Yudax khankix, tau mai krax pa twah pa ih mai krax pa yiiem riag yiiem yo mai pui khankix it tom nie tau mai kraung pa kawm mai nyaox khankix heue.

YAWBAX 2:12

Yam yaog kix ti jhak khaing dee singai mai ang tawng ka nawh, kix hoik yo lox tix mai yiiem riag, khaix an kix tang riah sibex lang jung ceep cao tix ku kaux mai rhuat phawng tiex piang raoma sonsang cod piang tix heue.

ISAYAX 22:12

Ka daux singaix an Siyiex Cao kru naing raoma hoik kok yo son krax yiiem mai son krax pa kha rhawm mai sonsang khlao hauk kaing mai sonsang ceep tix ka chee rhix heue.

YOLAX 2:12

Mawh kheu nan yam in Siyiex ah nin, “Deeh veeh ti ing ka Aux, khawm rhawm khawm rhi tix mai twah pa ih mai yiiem yo mai krax pa khi rhawm tix heue.

KRUB 23:34

“Krai ka pui Isarelax khankix, ka daux khix aliah kao phwan ngaix, daux aliah singaix an tak mawh singaix pa yuh pex pawie nyiex gox bang son Simiang Siyiex.

KRUB 23:39

Khaix hoik khrawm pex plix nghox plix koi khaing daux haktiex, jah ka daux khix aliah kao phwan ngaix, pex tak yuh pawie Simiang Siyiex aliah ngaix, ngaix tix tak mawh ngaix twah sonsang laux lee pex tix mai ngaix daix kawx tak baox mawh ngaix twah sonsang laux lee pex tix.

YAWSUX 7:6

Khaix an Yawsux, riah ti tik kraung ceep nawh khankix mai gup pakngai tix ka piang tiex ka plak sivoe khwi bwan sijax mukheu Siyiex, tom hoek plakbo nawh khawm kuad riex ju Isarelax khankix mai sau mien tiex ka piang kaing tix heue.

PLAK JHI 11:3

Aux tak tawx sibrawm ka cao pa kham sakse Aux ra kaux mai kiex tak ceep kraung man pa taing ka hauk mai krai lox jhai been tix rheng mai ra yieh mai tigliah ngaix heue.

CAO PRAWNG 20:26

Khaix an cub pui hun Isarelax hu ka nyiex bwan Siyiex tau mai yiiem tix, kix ot ka plak sivoe Simiang Siyiex mai twah pa ih leeing singaix, tom hoek plak bo mai kix tan krax tan pa gleeing mai krax tan pa nhim ka plak sivoe Simiang Siyiex heue.

1 SAMOELAX 4:12

Pui Binyamin tix kaux to khaing biang naing hu ka Shilaw daux tix ngaix khaing tau mai kraung griah mai phawng tiex piang kaing nawh.

1 SAMOELAX 7:6

Kix khrawm paox ti ka Mizapa mai kin rawm hieh tan ka plak sivoe Simiang Siyiex mai twah pa ih daux singaix an mai kix ah nin ka dee an, “Ex khawmuik hoik lud ka Simiang Siyiex, mai Samoelax hoik prawng see ka pui Isarelax ka Mizapa.