NEHAMIX 8:3 - Wa Common Language Translation

³ Khaix an nawh phat khaing phuk lai an ka daux bing pak plak sivoe siviex rawm, jah ka plak ponngawb tom hoek bawg yam jung singaix, ka plak sivoe simex, bun, khankix can pui pa chix nghiet chix tawng, mai pui khankix daong yhaok tix nghiet ka phuk lai lox tat jhawm prawng an heue.

NEHAMIX 8:3 Iomraidhean Croise

NEHAMIX 10:29

Kix hoik sitoe tix mai puxaik tix, cao kwang tix mai hoik laig ka daux pa tiextu tix, sonsang hawt kix ka daux gumlox tat jhawm prawng Siyiex pa hoik tawx ka Mose, pa mawh kawncau mau soi Siyiex mai sonsang priex rien mai awm pa koe gumlox pingnyap Siyiex Simiang cao ex mai been pa deuh Nawh Cao, khawm lox lai beenli Nawh Cao khankix,

NEHAMIX 13:1

Ka daux singaix an kix phat pui mhong ka gumlox phuk lai Mose mai ka daux lai ankix kix yaox krax pa hoik tiiem tix sonsang ang ceu pui Amon mai ceu pui Mawbax khankix, pon laig ka daux sinax cub pui hun cie Siyiex khankix,

NEHAMIX 8:1

Yam hoek ka daux khix aliah, kawn praix ceu pui Isarelax khankix hoik ot ka daux veng cao kix heue. Yam an pui hun khawmuik kraix khrawm paox tix tau awm pui tix kaux, ka daux bing pak pa koe plak sivoe siviex rawm mai kix nhie Ezarax cao tiiem lai viex phuk lai lox tat jhawm prawng Mose pa hoik tawm Siyiex ka ceu pui Isarelax khankix hoek heue.

NEHAMIX 8:18

Jah ka daux singaix liang tom hoek daux singaix ghoik, nawh phat ka phuk lai gumlox tat jhawm prawng ku ngaix heue. Mai kix khan kheu pawie aliah ngaix, mai yam hoek ka daux daix ngaix, kix yuh pawie singax singeh awm hoik koe been ti yuh heue.

NEHAMIX 8:4

Mawh kheu nan Ezarax cao tiiem lai cung tix ot piang grah khaox pa hoik yuh ti deuh son an mai pui pa cung tix ot ka praok ka plak taix khawn dawm nawh tom mawh Matathix, Shemax, Anayax, Uriyax, Hilakhix mai Meseyax khankix mai pui pa cung tix ot ka plak taix khawn gwiex tom mawh Padayax, Mishelax, Malakhiyax, Hashum, Hashabadanax, Zakharix mai Meshulam khankix heue.

NEHAMIX 8:5

Ezarax plak ka phuk lai an ka plak sivoe ngai pui hun khawmuik, mawh kheu hoik cung ti ot piang dee pa lhaong khaing pui khawmuik mai yam plak nawh ka phuk lai an, pui yaog tix cung khawmuik heue.

MAKUX 12:37

Tokaux Davit hoik kok Nawh mawh Simiang. Nawh chix mawh kawn nawh yuh ka mawx?” Pui hun khankix gaux rhawm ti nghiet lox Nawh Cao heue.

LUKAX 19:48

Kix sawg ang pon mai ang yaox, ceu pa sang yuh kix, kheu pui ku kaux daux pui khawmuik, breuk Nawh mai nghiet lox Nawh Cao heue.

LUKAX 8:18

Mawh kheu nan, mhong pex yuh ka mawx rien rhawm tix kah, kheu kaw pa hoik koe, tak baox tawx ka nawh heue, kaw pa ang koe, viang pa hoik koe cie nawh kawx, tak sang teei khaing nawh heue.”

KAWNCAU 13:15

Khaix hoik phat lai beenli mai lai cao jhai khankix, pui giex kaing nyiex sidiex an khankix, ploi pui hu ka kiex ah nin, “Puxaik eue, phan pax koe lox sidiex ka pui khankix tix ceu ceu, sidiex heue.”

KAWNCAU 13:27

Mawh kheu kix pa ot ka daux veng Yerusaliem mai simiang kix khankix ang tawng Nawh Cao, kheu ang kix tawng lox pa hoik grux krai cao jhai khankix, pa phat ku singaix twah, kix kieh gumlox an kix naog, ka daux pa prawng ca kix ka Nawh heue.

KAWNCAU 15:21

Grawh grawng nawh tom ju didix, Mose hoik koe pui pa sidiex grawng nawh ku veng mai phat lai nawh ka daux nyiex sidiex khankix ku ngaix twah heue.”

KAWNCAU 16:14

Bun tix kaux pa kaux Ludi, pa mawh pui coh kraung raoh klai, pa mawh pui veng Shwatire, pa krub ka Siyiex tix kaux, nghiet lox ex, Siyiex paoh rhawm bun an, sonsang koe krax cu nghiet ka grawng ceu pa sidiex gau Pawlux khankix heue.

KAWNCAU 17:11

Pui Yudax pa ot tan lheu mhawm rhawm khaing kix pa ot ka daux veng Thesalonix, ka daux pa viex khawm rhawm tix mai rieb gumlox bwan, sawg mai tiag ti yaox ka daux phuk lai sigang khri ku ngaix, sonsang tawng grawng ceu in khankix mawh lie, ang mawh lie.

KAWNCAU 20:11

Khaix hoik deeh haok nawh mai hoik sivit ti ih blah mai sikah mai kix tom rheung nyao, uik hoek tom yam riang praix mai nawh lih hu heue.

KAWNCAU 20:7

Daux aliah ngaix ngaix tix, yam hoik khrawm ex paox tix song sang sivit blah. Pawlux sidiex gau kix, kheu ce ti sang yaog ti hu pasax, nawh sidiex kix tom hoek greung sawm heue.

KAWNCAU 28:23

Yam hoek ngaix pa hoik bak kix ti een son nawh, kix hoek ka dee ot nawh tom nie heue. Nawh nih nai krai lao, kham mhai rug grawng meung Siyiex mai jeeh nyaw kix ka grawng Yesux, khaing lox lai beenli Mose mai khawm lai cao jhai khankix, jah yam ponngawb tom hoek yam ponbo heue.

PINGNYAP 31:9

Mawh kheu nan, Mose tiiem ti deuh gumlox beenli in mai ap ka cao giex kaing li, pa mawh kawn simex ceu pui Lewix khankix, pa teei beeh glawm tix klawm teug bwan gumlox sijax mukheu Simiang Siyiex mai ka kwad song ceu pui Isarelax khankix.

1 THESALONIX 2:13

Mawh kheu in, ex kawx yaogyaw ka bwanson Siyiex ang jud ang jai, kheu hoik rieb pex ti teei gumlox pa mhong khaing ex, pa mawh gumlox bwan Siyiex, pa ang rieb ti teei awm mawh gumlox kawn pui, hoik rieb awm mawh gumlox Siyiex pa mawh pa meh, pa yuh kaing ka plak daux pex pa yum rhawm khankix heue.

YAWSUX 8:35

Gumlox pa hoik tawm Mose khankix khawmuik, pa ang Yawsux phat ang lai koe pie tix gum kawx ka plak sivoe cub pui hun, tau mai bun khawm kawn nyawm khankix mai sivoe nyo sinie pa ot ka daux sinax kix heue.

PLAK JHI 2:29

Kaw pa koe yhaok kieh nawh mhong ceu pa krai Khwan Cao ka ceucao khankix awx.”

PLAK JHI 3:22

kaw pa koe yhaok kieh nawh mhong ceu pa krai Khwan Cao ka ceucao khankix awx.”