Biblia Todo Logo
Bìoball air-loidhne

- Sanasan -




NEHAMIX 8:12 - Wa Common Language Translation

12 Pui khawmuik hu sonsang ih mai nyaux mai gwieh tix tawx nyum ka pui mai gaux rhawm ka daux pa kied ting lhaong, hoik tawng kix dee bleeh lox sidiex lox gau ka kix heue.

Faic an caibideil Dèan lethbhreac




NEHAMIX 8:12
25 Iomraidhean Croise  

Mawh kheu nan, kix ih mai nyaux ka plak sivoe Siyiex tau mai pa kied gaux rhawm tix ka daux singaix an heue. Kix yaog Sawlamon kawn simex Davit mawh simiang bawg ra mai kix groi rawm bee ka nawh ka plak sivoe Siyiex sonsang mawh cao thong cao bung mai sonsang mawh Zadok cao giex kaing li heue.


Khaix an nawh ah nin ka kix, “Hu krax hu pex ih pa kluing pa bee mai nyaux ceu pa tie mai gwieh tix tawx nyum ka pui pa ang koe tidtix, mawh kheu in singaix mawh ngaix pa singax singeh ka son Siyiex ex, paw koe krax laux rhawm, mawh kheu krax gaux rhawm pa tawx Simiang Siyiex mawh riang rao pex heue.”


Mawh kheu nan pui Lewix kieh pui khawmuik yiien yawg tix ah nin, “Mawh kheu in singaix mawh ngaix pa singax singeh, paw koe krax laux rhawm heue.”


Ka daux ra ngaix tingaix cub cao kaing nyiex ma keeing cub pui hun khawmuik, tau mai cao giex kaing li mai pui Lewix khankix, kraix khrawm paox tix hoek ka Ezarax cao pa tiiem lai, sonsang tawng tix ka gumlox tat jhawm prawng heue.


awm ngaix laux lee pui Yudax khaing pui koeng tix khankix, awm mawh khix pa hoik dee tieh kix krax pa laux rhawm tix, hoek krax pa gaux rhawm son kix mai khaing krax khi rhawm tom hoek ngaix laux lee kix ti yuh mawh singaix khan kheu pawie mai singaix pa gaux rhawm mai hoik deuh mawh singaix tawx tix totaix ka paox tix, tix kaux lai tix kaux mai singaix tawx tix totaix ka pui pa hot shia khankix heue.


Aux ang tik ka gumlox pingnyap pa kaoh khaing jheeh Nawh Cao, aux hoik priex gumlox pa kaoh khaing jheeh Nawh Cao, nie lheu ting ngawh khaing pa ih tix heue.


Aux rieb ti teei ka pa kham Maix ti deuh mhai sakse khankix, mawh son sin tokaux aux jheung jheung mai ceu ankix kieh rhawm aux gaux rhawm heue.


Phan mawh aux, moh ka lox tawm beenli Maix, nie lheu khaing khri pa hoik thi heue.


Gumlox Maix mawh pa plak jhi pa riang ka pui pa ang tawng tidtix khankix, kieh deeh tawng heue.


Aux gaux rhawm ka daux krax pa kham sakse khankix, awm pa pon aux kraung khrai kuceu khawmuik heue.


Aux tak gaux rhawm ka daux lox tawm beenli Maix khankix mai ang doh pi awm ka gumlox Maix heue.


Jheeh aux tak ah lox yaogyaw, mawh kheu gau Maix aux ka lox tawm beenli Maix khankix heue.


Siyiex eue, aux krox jun ka bwanson krax taoh Maix heue. Aux gaux rhawm gaux ka daux beenli Maix heue.


Lox tawm beenli pa kaoh khaing jheeh Maix nie lheu mhawm khaing mau khri kaing rheng, kaing mheen ka son aux heue.


Aux kied moh ka lox tawm beenli Maix sigrien sigre mai aux doh keud mai lih rhawm ka leeing lang singaix heue.


Siyiex pa mawh Siyiex Cao kru naing raoma eue, aux hoik yaox ka gumlox Maix Cao mai aux hoik teei ti ih mai gumlox Maix Cao hoik mawh pa nyawm rhawm mai pa gaux rhawm ka daux rhawm aux, mawh kheu aux mawh pa hoik kok tix ka min ceu kaux Maix Cao heue.


Kiex ah nin ka paox tix, “Yam sikah Nawh Cao mai ax hawt krax mai plak ax mhong dee bleeh Phuk lai sigang khri, rhawm ax lulieh kah ang mawh lie?”


Grawh grawng nawh aux tawng ka daux aux, pa ah nan sang ah ka daux nex nham aux, ceu pa mhawm ang ot tix ceu kawx heue. Viang aux koe rhawm ti sang yuh kawx, aux ang chix yuh ceu pa mhawm lih heue.


Kix pa ot ka piang haktiex gaux rhawm ka grawng kiex mai yuh krax gaux rhawm mai kix ralai sipaox totaix ka paox tix, mawh kheu cao jhai in ra kaux hoik laklheut ka kix pa ot ka piang haktiex heue.


Lean sinn:

Sanasan


Sanasan