NEHAMIX 8:10 - Wa Common Language Translation

¹⁰ Khaix an nawh ah nin ka kix, “Hu krax hu pex ih pa kluing pa bee mai nyaux ceu pa tie mai gwieh tix tawx nyum ka pui pa ang koe tidtix, mawh kheu in singaix mawh ngaix pa singax singeh ka son Siyiex ex, paw koe krax laux rhawm, mawh kheu krax gaux rhawm pa tawx Simiang Siyiex mawh riang rao pex heue.”

NEHAMIX 8:10 Iomraidhean Croise

1 SIMIANG 8:66

Yam hoek daux daix singaix, nawh ploi pui khankix deeh ing mai kix nawb bwan ka simiang mai tang ing ka nyiex tix, ka daux pa nyawm rhawm nyawm mai ka daux pa gaux rhawm ti, son krax pa mhawm pa yuh Simiang Siyiex ka kawncau Nawh simiang Davit mai ka pui Nawh Isarelax khawmuik heue.

1 GRAWNG BEEN 16:27

Min plakngai mai min sibrawm khankix koe ka plak sivoe Nawh; riang rao pa ting mai krax pa gaux rhawm khankix koe ka dah dee ot Nawh Cao heue.

NEHAMIX 8:11

Mawh kheu nan pui Lewix kieh pui khawmuik yiien yawg tix ah nin, “Mawh kheu in singaix mawh ngaix pa singax singeh, paw koe krax laux rhawm heue.”

NEHAMIX 8:12

Pui khawmuik hu sonsang ih mai nyaux mai gwieh tix tawx nyum ka pui mai gaux rhawm ka daux pa kied ting lhaong, hoik tawng kix dee bleeh lox sidiex lox gau ka kix heue.

ISATA 9:19

Pui Yudax daux nyiex daux yaong pa ang nyang bax lai lawm tix ka guh veng khankix, hoik khan kheu ti yuh pawie ka daux singaix kao pon, daux khix Adax an, mawh singaix pa gaux rhawm mai khawm singaix khan kheu, pawie singaix laux lee mai deuh singaix an mawh singaix tawx totaix ka paox tix, tix kaux lai tix kaux.

ISATA 9:22

awm ngaix laux lee pui Yudax khaing pui koeng tix khankix, awm mawh khix pa hoik dee tieh kix krax pa laux rhawm tix, hoek krax pa gaux rhawm son kix mai khaing krax khi rhawm tom hoek ngaix laux lee kix ti yuh mawh singaix khan kheu pawie mai singaix pa gaux rhawm mai hoik deuh mawh singaix tawx tix totaix ka paox tix, tix kaux lai tix kaux mai singaix tawx tix totaix ka pui pa hot shia khankix heue.

YAOGYAW 149:2

Kieh ceu pui Isarelax gaux rhawm ka daux Cao pa phan pa deuh pex liak. Mai kieh pui Zion khankix gaux rhawm ka daux Simiang kix liak.

YAOGYAW 89:17

Min plakngai Maix mawh riang rao kix, bwanson Maix kawx, hoik yaog ka rung choek ex heue.

LOX KAB 17:22

Rhawm rhi pa chix gaux rhawm, chix kieh nyawm ot heue. Khwan pa chix laux rhawm, Kieh si-ang chix ceh rham heue.

SIDIEX 11:2

Gwieh tix tawx nyum ka pui aliah kaux mai baox tawx ka pui daix kaux, mawh kheu ang maix tawng ka ceu pa caox pa tak sang lih ti koe piang haktiex heue.

SIDIEX 2:24

Ang lai koe ceu pa lheu mhawm son kawn pui tix ceu kawx, lheu khaing pa ih pa nyaux mai rhawm nawh tak koe krax gaux rhawm ka daux riang rao kaing jhaw pa yuh tix heue. Aux hoik yaox mawh ceu in pa kaoh khaing taix Siyiex heue.

SIDIEX 3:13

mai pui ku kaux tak sang ih mai nyaux mai gaux rhawm ka daux kaing jhaw riang rao pa yuh tix khawmuik, in mawh totaix pa tawx Siyiex heue.

SIDIEX 5:18

Jhak heue, in mawh pa hoik yaox aux, an mawh ceu pa mhawm mai pa khaw caw ka son pui pa sang ih sang nyaux mai sonsang koe krax nyawm rhawm daux kaing jhaw pa mhawm yuh nawh khawmuik, ka daux pa sau nawh riang rao tix greem singaix, daux baux singaix ju nawh khankix, ka pa tawx Siyiex ka nawh heue. Mawh kheu an mawh nyum cie nawh heue.

SIDIEX 9:7

Hu heue, ih pa ih tau mai krax pa gaux rhawm mai nyaux rawm plix siiet tau mai pa nyawm rhawm, grawh grawng nawh, Siyiex hoik rieb ti teei kaing jhaw pa yuh maix khankix heue.

SAWLAMUN 5:1

Pux nan aux, moeng aux eue, aux hoik hoek ka daux sipeem aux, aux hoik khrawm ti teei Muran mai taux sioe bhawng aux, aux hoik yaox ti ih sigleem rawm hia, pa koe rawm hia cie aux, aux nyaux rawm plix siiet mai rawm teeih heue. Paox grawm aux khankix eue, ih heue. Nyaux heue. Rhawm moh dud pa moh aux khankix eue, Nyaux tom sak awx.

ISAYAX 49:5

Yam in Siyiex, cao pa yuh aux jah tom daux vaig, sonsang mawh siliex Nawh Cao mai sonsang deeh viex Yakop hoek ka Nawh Cao, sonsang khrawm pui Isarelax ti hoek ka Nawh ah nin, mawh kheu aux rieb min pakngai ka daux ngai Siyiex mai Siyiex aux tak mawh riang rao Aux.

ISAYAX 61:10

Aux kied gaux rhawm ting lhaong ka daux Siyiex, khwan ju aux kied koe krax gaux rhawm ka daux Siyiex aux heue. Nawh Cao hoik tawx aux ceep kraung krax taoh, Nawh Cao hoik fua aux ka sibex dhah pa rahsee, awm ceep simex pa sang yuh ka paox ka mhok khri pa mhawm grang, awm jawg bun pa sang yuh ka paox ka khaox kraung siang simaox, khri khankix heue.

YOLAX 2:23

Pui veng Zion khankix eue, kieh pex koe krax nyawm rhawm mai gaux rhawm ka daux Siyiex pa mawh Siyiex pex, kheu Nawh Cao hoik tawx rawm lhiex cao ka pex ka daux krax pa rahsee tix mai Nawh tak sang kieh rawm lhiex lih ka son pex, pa mawh rawm lhiex cao mai rawm lhiex lha awm phao voe heue.

ZAKHARIX 14:21

Can aw tawng pa koe ka daux veng Yerusaliem mai haktiex Yudax, tak sang mawh pa singax singeh ka son Siyiex cao kru naing raoma heue. Can pui pa hoek ti tan krax pa appong tix, tak sang hoek teei ankix mai ngaik nex ka daux ankix heue. Ka daux singaix an, pui Khananix, tak ang lai koe tix kaux kawx ka daux nyiex bwan Siyiex cao kru naing raoma heue.

LUKAX 11:41

Viang mawh nan son ceu pa tan tawx ceu pa koe plak daux khankix mai jhak heue, kuceu khawmuik tak singax ka pex heue.

2 KAWRINTHUX 8:2

Viang cheu ti yaox kix ka krax tug krax kha tom nie, kix kied ting gaux rhawm mai ceu pa kied hot sibhawm kix, nie lheu kieh ceu pa sibieh kix mi koe heue.

PHILIPPIX 3:4

aux khaw ti chix pon een rhawm, pie ka daux nex nham heue. Phan pui tang kaux ce ti chix een rhawm ka nex nham, aux nie lheu chix tix.

PLAK JHI 11:10

Kix pa ot ka piang haktiex gaux rhawm ka grawng kiex mai yuh krax gaux rhawm mai kix ralai sipaox totaix ka paox tix, mawh kheu cao jhai in ra kaux hoik laklheut ka kix pa ot ka piang haktiex heue.

1 SAMOELAX 25:8

Chawk ti yaox pui awn ju maix khankix, kix tak krai ka maix. Mawh kheu nan, kieh pui awn ju aux khankix pon bwanson plak sivoe ngai maix, mawh kheu hoek yix singaix yuh pawie. Yuh bwanson tawx pa koe daux taix maix tix ceuceu ka kawncau maix mai ka kawn simex maix Davit.”