NEHAMIX 8:1 - Wa Common Language Translation

¹ Yam hoek ka daux khix aliah, kawn praix ceu pui Isarelax khankix hoik ot ka daux veng cao kix heue. Yam an pui hun khawmuik kraix khrawm paox tix tau awm pui tix kaux, ka daux bing pak pa koe plak sivoe siviex rawm mai kix nhie Ezarax cao tiiem lai viex phuk lai lox tat jhawm prawng Mose pa hoik tawm Siyiex ka ceu pui Isarelax khankix hoek heue.

NEHAMIX 8:1 Iomraidhean Croise

2 SIMIANG 23:2

Simiang haok laig ka daux nyiex bwan Siyiex tau mai pui haktiex Yudax khankix mai can pui pa ot ka daux veng Yerusaliem khankix, khawm cao giex kaing li, cao jhai mai pui ting pui iak khawmuik mai nawh phat kix mhong gumlox phuk lai sijax mukheu, pa hoik yaox ka daux nyiex bwan Siyiex heue.

2 GRAWNG BEEN 34:15

Khaix an Hilakiyax deeh krai lox ah nin ka Shaphan cao pa tiiem lai, “Aux hoik yaox phuk lai beenli ka daux nyiex bwan Siyiex heue. “Hilakiyax tawx phuk lai an ka Shaphan heue.

2 GRAWNG BEEN 34:30

simiang haok ka nyiex bwan Siyiex tau mai meung Yudax mai can pui pa ot ka daux veng Yerusaliem khankix, cao giex kaing li pui Lewix khankix mai pui ting pui iak khawmuik mai nawh phat kix mhong lox pa koe ka daux phuk lai sijax mukheu pa hoik yaox ka daux nyiex bwan Siyiex heue.

EZARAX 7:1

Yam in khaix hoik ceu inkix, ka daux bawg yam kwang Atazerit simiang Pasha ka haktiex, Ezarax kawn simex Serayax pa mawh kawn simex Azarix, kawn simex Hilakhix.

EZARAX 7:10

Grawh grawng nawh Ezarax hoik but rhawm tix sawg gumlox tat jhawm prawng Siyiex mai sonsang hawt yuh mai sonsang gau tix gumlox beenli mai lox tat jhawm prawng pa deuh tix khankix ka daux ceu pui Isarelax heue.

EZARAX 7:11

In mawh bua lai pa tiiem simiang Atazerit tix tawx ka cao giex kaing li pa mawh cao pa tiiem lai mai pa min ka gumlox pingnyap Siyiex mai ka gumlox beenli Nawh Cao pa hoik tawx ka ceu pui Isarelax khankix,

EZARAX 7:6

Ezarax in hoik hoek khaing Babulon; mai nawh mawh cao pa min ka lai lox tat jhawm prawng pa hoik tawx Siyiex ceu pui Isarelax ka Mose heue. Simiang hoik cu tix tawx pa mhaing nawh khankix ka nawh, mawh kheu hoik koe plawng taix Siyiex piang nawh heue.

NEHAMIX 12:26

In mawh pui pa ot tau mai kix, ka daux baux singaix ju Yoyakim kawn simex Yeshu, kawn simex Yozadak mai ka daux singaix ju Nehamix pa mawh cao pa kwang veng mai Ezarax cao giex kaing li cao tiiem lai heue.

NEHAMIX 12:37

Ka plak sivoe hawt baoh siviex rawm keut tan, kix haok piang krax guh veng ka glawk bawng veng Davit, see nyiex haw Davit ka blaong tom hoek ka siviex plak lih singaix heue.

NEHAMIX 3:26

Khaix an pa kham ti yuh kaing jhaw nyiex bwan Siyiex, kix pa ot piang gawng Ophelax cox tom hoek sivoe siviex rawm pa koe plak lih singaix mai ka see dee jawn ti lih khaing nyiex lhaong heue.

NEHAMIX 8:16

Khaix an pui khankix hoik lih hu mai deeh viex kak khaox khankix hoek mai yuh nyiex gox son tokaux tix mai pui ku kaux hoik tang sau piang braux nyiex cao tix mai ka biang dee ot dee koe tix mai ka biang nyiex bwan Siyiex mai ka bing pak siviex rawm mai ka bing pak siviex Epharem khankix heue.

NEHAMIX 8:3

Khaix an nawh phat khaing phuk lai an ka daux bing pak plak sivoe siviex rawm, jah ka plak ponngawb tom hoek bawg yam jung singaix, ka plak sivoe simex, bun, khankix can pui pa chix nghiet chix tawng, mai pui khankix daong yhaok tix nghiet ka phuk lai lox tat jhawm prawng an heue.

ISAYAX 8:20

Nghiet ka gumlox pa gau, mai grawng pa kham sakse. Phan pa krai kix ang awm gumlox in, kix tak ang pon yaox pa riang singaix heue.

KRUB 9:5

Kix viex can pa hoik tawm Mose sivoe nyiex gox bwan man bang kum, mai cub pui hun greed dex mai cung sivoe Simiang Siyiex.

MALAKHIX 4:4

“Deeh doh keud ka gumlox beenli Mose pa mawh kawncau Aux, ka gumlox tat jhawm prawng pa hoik tawm Aux ka nawh daux baoh Hawrap son ceu pui Isarelax khankix heue.

MATHIEX 13:52

Nawh Cao baox ah nin ka kix, “Mawh kheu in, pui tiiem lai ku kaux pa hoik gau grawh grawng Meung Raoma hoik awm cao nyiex tix kaux, hoe ceu pa khraox mai pa prim lih khaing kraung nawh heue.”

MATHIEX 23:13

“Pui tiiem lai mai Pharishie, pui pa pie lhen khankix eue, pex tak kha rhawm, mawh kheu nyeep pex meung raoma sivoe kawn pui heue. Kheu tokaux pex kawx ang laig ka pui pa mie ti laig khankix kawx pex ang tawx akhwang khankix heue.

MATHIEX 23:2

“Pui tiiem lai khankix mai Pharishie khankix ngawm piang dee ngawm Mose heue.

MATHIEX 23:34

Mawh kheu nan, Aux ploi cao jhai mai pui koe pingnya pui tiiem lai khankix hoek ka pex heue. Ka kix tix blah pex tak sang teei yum mai tawk piang khaox lhak mai ka tix blah pex tak sang sivied ka daux nyiex dee sidiex pex khankix mai tukiak ka kix tix veng hoik tix veng heue.

PINGNYAP 31:11

yam hoek bleeh ceu pui Isarelax plak sivoe Simiang Siyiex pex ka dah dee pa hoik laug Nawh Cao ti deuh, pex tak phat gumlox beenli inkix plak sivoe ceu pui Isarelax khankix, sonsang mhong kix ka.

CAO PRAWNG 20:1

Yam an pui Isarelax lih hoek khawmuik, jah khaing veng Dan tom hoek ka veng Berashebax tau mai haktiex Gilat khankix, hoik mawh rhawm tix mu tau mai khrawm paox tix ka plak sivoe ngai Simiang Siyiex ka daux veng Mizapa heue.

CAO PRAWNG 20:8

Khaix an pui khawmuik yaog ti kaoh awm pa koe rhawm pui tix kaux khaing ah nin, yix tak ang lai ing nyiex gox tix, phan ang mawh nan ka nyiex cao tix, tix kaux kawx heue.