NEHAMIX 7:5 - Wa Common Language Translation

⁵ Khaix an Siyiex hoik so ka daux rhawm aux, sonsang kraix khrawm ka cub simiang khankix mai cao pa kwang haktiex mai khawm pui khankix, sonsang laig carang kix awm pa koe doeh nyiex ma kix heue. Aux hoik yaox carang doeh nyiex ma pa mawh pui khankix pa hoik deeh hoek bawg phao voe mai yaox pa tiiem ti deuh ka daux an yuh nin heue.

NEHAMIX 7:5 Iomraidhean Croise

EZARAX 2:62

In hoik mawh pui pa sawg kix ti yaox daux sinax ceu pui pa hoik sau daux carang khaing daux sinax ru kix, viang mawh nan kix ang lai yaox kix ka daux carang, mawh kheu kix hoik mawh pui pa teei tix lih khaing cao giex kaing li kheu ang kix lai singax heue.

EZARAX 7:27

Kieh krax pa yaogyaw bwanson Siyiex keeing ex khankix, pa hoik sau ti deuh pa awm in ka daux rhawm simiang sonsang sum nyiex bwan Siyiex pa koe daux veng Yerusaliem mhawm grang,

NEHAMIX 5:19

Siyiex eue, doh keud ka ceu pa mhawm awm pa hoik yuh aux khawmuik ka son pui khankix mai nawb bwan ka aux liak.

NEHAMIX 6:14

Siyiex eue, doh keud ka kaing pa yuh Tobix, Sanbalat mai cao jhai bun Nawdix mai cao jhai pa kawn deuk pa yuh aux koe krax pa lhat graung khankix liak.

NEHAMIX 7:4

Viang veng hoik kied vieh va kawx pui pa ot ka daux khankix kied tux mai ang nyang sum nyiex khankix ka daux heue.

NEHAMIX 7:64

Inkix mawh pui pa sawg kix ti yaox ka daux sinax can pui pa laig daux carang daux ru kix, viang mawh nan, kix ang lai yaox kix ka daux carang mawh kheu nan kix hoik mawh pui pa teei tix lih khaing cao giex kaing li kheu ang kix lai singax heue.

LOX KAB 2:6

Grawh grawng nawh, Siyiex mawh cao pa tawx pingnya, krax tawng krax yung lih mawh kheu Gum lox Siyiex heue.

LOX KAB 3:6

Can krax dee hu maix khawmuik deuh rhawm tix ka Siyiex, phan yuh nan Nawh Cao tak kieh krax hu maix rahsee heue.

1 KAWRINTHUX 15:10

Mawh kheu bwanson Siyiex aux pon ti mawh, awm pa mawh aux mai bwanson cie Nawh pa hoik tawx ka aux, ang lai kieh mawh pa giex going, viang mawh nan aux hoik nied ti nie lheu blon yuh khaing kix khawmuik, viang mawh nan ang mawh aux pa yuh, mawh bwanson Siyiex pa ot tau mai aux pa yuh heue.

2 KAWRINTHUX 3:5

Ang lai mawh kheu kub sibrawm ex ti pon yuh ka tokaux tix, ti sang keud tix ceu ceu mawh pa mawh khaing tokaux tix, viang mawh nan pa to pon ex ti yuh mawh khaing Siyiex.

2 KAWRINTHUX 8:16

Yaogyaw bwanson Siyiex, pa hoik kieh Titux koe rhawm pa sang nied ti yuh son pex, awm pa koe aux heue.

KAWLAWSIE 1:29

Aux kawx, nied ti coca yuh sonsang mawh nan, awm can pa teei Nawh sibrawm mai yuh ka daux aux heue.

YAKOP 1:16

Puxaik pa moh aux khankix eue, paw kieh pie lhen ka pex.