NEHAMIX 7:2 - Wa Common Language Translation

² mai aux dee tawx veng Yerusaliem ka pux aux Hananix mai Hanan pa mawh cao kaing nyiex pau dee lhaong, kheu hoik mawh nawh pui pa kaux sijax tix kaux mai pa lhat ka Siyiex lheu khaing pui hun heue.

NEHAMIX 7:2 Iomraidhean Croise

YAM JAH 42:18

Khaix hoik naog loe singaix, Yosiep ah nin ka kix, “Yuh awm in sonsang im ju pex, kheu mawh aux pui lhat graung ka Siyiex,

2 SAMOELAX 23:3

Siyiex pui Isarelax ah nin, rang ting pui Isarelax ah nin ka aux, pui pa kwang piang pui khankix, tak mawh pa kwang ka daux pa rahsee Nawh Cao,

1 SIMIANG 18:12

Yam hoik hu aux khaing maix phan khwan Simiang Siyiex viex maix hu ka dee ang aux tawng, yam hu krai aux ka Ahap, mai phan ang yaox ka maix nawh tak pah ka aux, mawh kheu aux kawncau maix hoik dawg lhat ka Simiang Siyiex tom yam iak tix heue.

1 SIMIANG 18:3

Ahap kok ka Obadix cao kaing pa kwang ka daux nyiex haw heue. Obadix mawh pui pa kied lhat kied graung ka Simiang Siyiex heue.

NEHAMIX 1:2

yam an Hananix pa mawh puxaik aux tix kaux, hoek bleeh tau mai pui khankix khaing haktiex Yudax; mai aux chawk kix ka grawng pui Yudax pa hoik glawd tiblah mai pa glawd khaing pa giex laung tix khankix mai grawng veng Yerusaliem heue.

NEHAMIX 10:23

Hoshe, Hanarix, Hoshup,

NEHAMIX 13:13

Aux hoik yaog ti deuh cao pa kwang khankix piang nyiex krao priex sinbwan, pa mawh cao giex kaing li Shelemix mai cao tiiem lai Zadok mai khaing daux pui Lewix khankix tom mawh Pedayax mai khaix kix tom mawh Hanan mawh kawn simex Zakharix, Zakhurax mawh kawn simex Matania heue. Kheu mawh kix pa hoik koe krax pa kaux sijax mai kaing jhaw tom mawh pa sang gwieh tix tawx kraung ka son puxaik kix heue.

NEHAMIX 2:8

mai baox tiiem ti tawx lai tix pheen ka Asapha pa mawh cao pa pau daux nong cie simiang son tak sang tawx nawh khaox an khankix ka aux, pa sang yuh khaox lat siviex tab nyiex bwan pa sitoe tix ka guh veng mai nyiex pa sang ot aux, awm koe plawng taix pa mhawm Siyiex piang aux, simiang kawx tawx ankix ka aux heue.”

NEHAMIX 5:15

Viang mawh nan cao pa kwang veng sivoe aux khankix, hoik deuh beeh pa cien piang pui khankix mai teei ti ih blah mai rawm plix siiet mai mau tix ngaix tixpon shekhe khaing kix, pie kawncau kix kawx, hoik yuh krax kwang pa lang teung piang pui khankix, viang mawh nan, aux ang lai yuh awm an kheu lhat graung tix ka Siyiex heue.

NEHAMIX 7:3

Aux krai ah nin ka kix, “Paw nyang paoh siviex veng Yerusaliem sivoe hax koek, glang yam kawn cung kix tix pau, caw tix nyeep siviex mai sau ti deuh jhong mai baox tawx beeh glawm pau veng ka can pui pa ot daux veng Yerusaliem khankix mai tang pau ti jhak ka plak sivoe nyiex pui mawx nyiex pui an heue.”

YAWBAX 1:1

Koe pui tix kaux pa kaux Yawbax pa ot daux haktiex Uzax pui an mawh pui grum naog mai pa rahsee mai nawh mawh pui pa lhat graung ka Siyiex mai via khaing pa caox caig heue.

YAOGYAW 101:6

Ngai aux tak jhak ka pui pa kaux sijax khankix mai kieh kix hoek ot mai aux mai pui pa hu daux krax pa grum pa tak sang yuh kaing aux heue.

LIH HU 18:21

Lheu khaing an laug pui pa sang pon yuh kaing, khaing pui in khawmuik, pui pa lhat graung ka Siyiex, pui pa kaux sijax mai pui pa koeng ka sinngao pa ang rahsee, mai yaog cao pa kwang ka piang kix, pa kwang ka piang cub tix rheng, ka piang cub tix yieh, ka piang cub tixphwan mai ka piang cub kao kaux.

DANYELAX 6:4

Mawh kheu nan, cao kwang meung mai cao kwang veng khankix sawg ti yaox dee deuh phimap piang Danyelax, son grawng pa kwang ka meung haktiex heue. Viang mawh nan, kix ang yaox krax pa lud nawh, kheu jao grawng hoik kaux sijax nawh mai ang yaox krax pa lud nawh tix ceu kawx heue.

SIMIN 12:7

Kawncau Aux Mose ang lai mawh nan, nawh mawh pa kaux sijax daux nyiex Aux khawmuik.

MATHIEX 24:45

“Simiang hoik deuh siliex pa kaux sijax mai pa koe pingnya mawh cao kaing ting piang geh nyiex tix, sonsang tawx pa ih ka kix awm pa khaw bawg yam khankix heue.

MATHIEX 25:21

Simiang nawh ah nin ka nawh, Mhawm heue, siliex pa mhawm mai pa kaux sijax eue, maix hoik kaux sijax piang pa iak pa tux, aux tak kieh maix ting piang ceu pa nie heue. Laig ka daux pa gaux rhawm simiang maix heue.

1 KAWRINTHUX 4:2

Lheu khaing an, pa mawh kawncau cao pa priex, tak sang yaox grawng mawh nawh pa kaux sijax heue.

2 TIMOSE 2:2

Ceu pa hoik mhong maix khaing aux khankix, ka sinax pui kham mhai ruk tom nie maix tawx pong ka pui pa kaux sijax khankix, pa sang chix gau ka khawm pui tang kaux khankix heue.