NEHAMIX 7:1 - Wa Common Language Translation

¹ Khaix hoik sum guh veng mai aux hoik tok plah siviex mai aux hoik tang tawx beeh glawm ka cao pa pau diang siviex mai cao pa ah lai rhax mai pui Lewix khankix,

NEHAMIX 7:1 Iomraidhean Croise

2 SIMIANG 7:10

Kheu nan, kix hu kok ka cao pau diang siviex veng khankix mai krai ka kix ah nin, “Yix hoik hu ka daux tab pui Surix khankix mai daox deng ka ang pui lai ot tan tix kaux kawx, ang mhong ka lox pui, mawh ngie brung mai la pa phyawk tix khankix mai nyiex gox pa ang nyang laux khankix heue.”

2 GRAWNG BEEN 31:2

Hezakiyax tang gwieh ti tawx beeh glawm cub mawx cub an, ka cao giex kaing li mai pui Lewix khankix, awm pa hoik gwieh khaing cub caw mai pui ku kaux awm pa koe kaing jhaw nawh, cao giex kaing li mai pui Lewix khankix, tan krax tan pa gleeing mai krax tan pa nhim, yuh kaing jhaw pa yaogyaw bwanson mai ah lox rhax yaogyaw ka daux diang siviex Nyiex bwan Siyiex heue.

EZARAX 3:8

Ka daux num ra khix ra yam hoek bleeh kix ka nyiex bwan Siyiex ka daux veng Yerusaliem, Zerubabelax kawn simex Shatalilax, Yawsux kawn simex Yozadok mai can puxaik kix Cao giex kaing li mai pui Lewix pa kawn deuk khankix mai can pui pa lih khaing pa giex laung khawmuik mai can pui pa hoek ka veng Yerusaliem, jah ti yuh kaing mai kix laug ka pui Lewix khankix, sonsang kia ngiien kix piang kaing jhaw ka daux nyiex bwan Siyiex heue.

NEHAMIX 10:39

Grawh grawng nawh kawn praix ceu pui Isarelax mai kawn praix pui Lewix khankix, tak viex krax tan phawng nghox ca im mai rawm plix siiet pa khraox khawm bee, hoek ka daux lawg priex kraung ka dee koe kraung sinngao pa singax singeh khankix mai ka dee ot cao giex kaing li pa yuh kaing jhaw Siyiex khankix mai cao pau siviex khankix cao rhax lai khankix, mai ex tak ang pon prah ka nyiex bwan Siyiex ex heue.

NEHAMIX 11:3

In mawh cao kaing khankix khaing kien haktiex an pa hoek ka daux veng Yerusaliem heue. Viang mawh nan, pui pa hoik tang ot ka veng ka nyiex yaong cao tix ka daux haktiex Yudax mawh pui Isarelax mai cao giex kaing li, pui Lewix, pui kham ti yuh kaing jhaw nyiex bwan Siyiex mai khawm doeh ru kawncau simiang Sawlamon khankix heue.

NEHAMIX 12:24

Cub cao kaing cub Lewix khankix, mawh Hashabix, Sherabix mai Yeshu kawn simex Kamelax, tau mai puxaik kix hoik cung tix ot see paox tix sonsang lai loh tix yaogyaw mai ting bwanson ka Siyiex awm gumlox pa tawm Davit, pa mawh pui Siyiex heue.

NEHAMIX 6:1

Yam hoik mhong Sanbalat, Tobix, Geshem pui Arap mai khawm pui koeng ex pa kawn deuk khankix, ka hoik sum aux guh veng mai ang dee doh lai koe tix dah kawx, viang aux ang nyang sau plah siviex khankix ka siviex veng khankix kawx,

NEHAMIX 6:15

Mawh kheu nan guh veng hoik sum ti daux khix Elula tixnga phwan ngaix, rheung tixphwan ra ngaix heue.

NEHAMIX 6:19

Kix hoik krai kaing pa mhawm yuh nawh khankix ka plak sivoe ngai aux mai deeh krai lox sikah aux hoek ka nawh heue. Tobix deeh sipaox lai hoek ka sonsang ghlat tix aux heue.