NEHAMIX 5:5 - Wa Common Language Translation

⁵ Mawh kheu nan nex nham yix awm nex nham puxaik yix khankix mai kawn praix yix khankix awm kawn praix kix mai yaox tix khin kawn simex kawn bun tix khankix yuh siliex, kawn bun yix khankix pa hoik yuh siliex kawx yix ang lai pon taoh kix lih heue. Mawh kheu hoik laig haktiex mai sipeem plix siiet yix khankix ka daux tawm taix pui tang kaux heue.”

NEHAMIX 5:5 Iomraidhean Croise

YAM JAH 29:14

Laban ah nin ka nawh, “Maix mawh si-ang aux mai nex nham aux.” Mai nawh ot tau mai Laban tix khix heue.

YAM JAH 37:27

“Hoek heue, ex coh nawh ka ceu pui Ishamelax khankix mai paw kieh taix ex hoek piang nawh, kheu mawh nawh pux ex mai nex nham ex” mai puxaik nawh khankix nghiet ka lox nawh ku kaux heue.

2 SIMIANG 4:1

Bun tix kaux pa mawh moeng kawn simex cao jhai khankix yiiem ka Elishie ah nin, “Mex aux kawncau mau soi maix hoik yum mai maix tawng ka lhat graung kawncau maix ka Siyiex mai cao pa tawx ceuk hoek ti teei kawn simex aux ra kaux, sonsang mawh siliex tix heue.”

LOX KAB 22:7

Pui mi pa koe khankix, giex kaing piang pui pa hot sibhawm mai pui pa yaog yaing mawh siliex ka cao pa tawx yaog yaing heue.

ISAYAX 50:1

Siyiex ah nin, “Mawh koe lai grieh miex pex, pa hoik ploi aux nawh luan di mawx? Phan ang mawh nan, mawh hoik coh Aux pex ka ceuk rom Aux ka kaux pui mawx lie? Mawh kheu jao phimap pex, pex hoik kham krax pa coh tix mai mawh kheu jao pa lud pex khankix, miex pex tom mawh pa hoik ploi tix luan heue.

ISAYAX 58:7

Ang mawh sonsang gwieh maix ti tawx pa ih ka pui pa cai rhawm mai ka pa viex maix pui pa hot pa shia pa mawh pa vu vie ti hoek ka nyiex maix, yam yaox maix pui pa ang koe kraung ceep maix tawx nawh ceep mai ang mox tokaux cao maix khaing pa dex mai nex nham cao maix lie?

MATHIEX 18:25

Viang mawh nan kheu kaw an ang pon tawx ceuk, simiang nawh nhie kix coh nawh mai moeng nawh mai kawn nawh khankix mai can pa koe nawh khawmuik, sonsang tawx ceuk ka nawh heue.