NEHAMIX 2:8 - Wa Common Language Translation

⁸ mai baox tiiem ti tawx lai tix pheen ka Asapha pa mawh cao pa pau daux nong cie simiang son tak sang tawx nawh khaox an khankix ka aux, pa sang yuh khaox lat siviex tab nyiex bwan pa sitoe tix ka guh veng mai nyiex pa sang ot aux, awm koe plawng taix pa mhawm Siyiex piang aux, simiang kawx tawx ankix ka aux heue.”

NEHAMIX 2:8 Iomraidhean Croise

YAM JAH 32:28

Khaix “Ceu kaux maix tak ang lai kok mawh Yakop, tak deeh kok mawh Isarelax, mawh kheu hoik pon blok maix paox tix ka Siyiex mai kawn pui maix hoik pex heue.”

EZARAX 5:5

Viang mawh nan ngai Siyiex kix kia ngiien piang kuad song pui Yudax khankix, son ang kix kaog tom hoek bawg yam deeh hoek lai grawng an khaing simiang Darix heue. Khaix an kix deeh pawk lai tix pheen ka grawng pa dex dawd mai in heue.

EZARAX 6:22

Kix gaux rhawm yuh pawie blah pa ang sau susaix, aliah ngaix; mawh kheu Siyiex kieh kix gaux rhawm mai kieh rhawm simiang Asurix deeh veeh tix hoek ka plak kix, sonsang tuk taix yaing caong kix mai koe riang rao ti yuh kaing jhaw nyiex bwan Siyiex, pa mawh Siyiex ceu pui Isarelax heue.

EZARAX 6:8

Lheu khaing an aux tawx lox tix ka pa tak sang caw pex ti yuh son kuad song ceu pui Yudax khankix, sonsang sum nyiex bwan Siyiex in, ngawh riang yuh kaing nyiex bwan khankix, mawh pa tawx tix ka daux krax pa shiao simiang khaing keen pa pon koh piang baoh haktiex toi rawm klawng plak klip singaix; in mawh pa tawx tix dom mawx dom an ka pui inkix, sonsang ang kix lai laux ka kaing jhaw heue.

EZARAX 7:6

Ezarax in hoik hoek khaing Babulon; mai nawh mawh cao pa min ka lai lox tat jhawm prawng pa hoik tawx Siyiex ceu pui Isarelax ka Mose heue. Simiang hoik cu tix tawx pa mhaing nawh khankix ka nawh, mawh kheu hoik koe plawng taix Siyiex piang nawh heue.

EZARAX 7:9

Ka daux khix tix, tix ngaix nawh jah krax khaing veng Babulon mai ka daux khix phwan tix ngaix nawh hoek ka veng Yerusaliem, mawh kheu hoik koe plawng taix mhawm Siyiex piang nawh heue.

NEHAMIX 7:2

mai aux dee tawx veng Yerusaliem ka pux aux Hananix mai Hanan pa mawh cao kaing nyiex pau dee lhaong, kheu hoik mawh nawh pui pa kaux sijax tix kaux mai pa lhat ka Siyiex lheu khaing pui hun heue.

LOX KAB 21:1

Rhawm simiang koe ka daux tawm taix Siyiex, awm rawm klawng, chix kieh vai hu awm koe alo Nawh heue.

SIDIEX 2:5

Aux hoik cox khre sipeem plix kuceu mai sum khaox plix kuceu pa chix plix khankix.

SIDIEX 2:6

Aux hoik tang yuh rawm dung son cao tix sonsang lhauk rawm ka khaox pa sum tix khankix heue.

ISAYAX 66:14

Yam yaox pex ka in, rhawm pex tak koe krax gaux rhawm mai si ang pex tak hwan awm rib pa klai, taix Siyiex tak mawh pa sidawng tawng tix ka siliex Nawh mai khawm krax pa song rhawm Nawh ka pui koeng nawh khankix heue.

DANYELAX 1:9

Siyiex hoik kieh Dayelax pon bwanson krax caux rhawm ka plak sivoe ngai cao kaing ting pui sieh pa kwang ka cub laux simiang khankix heue.

KAWNCAU 26:22

Viang mawh nan kheu pon aux krax teem in pa kaoh khaing Siyiex, aux tom pon ot, pon cung tom ngaix in ti kham mhai rug, ka khawm pa iak pa ting mai ang krai tidtix, lheu khaing pa koe daux lai cao jhai khankix mai pa hoik krai Mose tak sang hoek ti mawh,

KAWNCAU 7:10

Taoh nawh khaing krax kha rhawm nawh khawmuik mai tawx ceu pa khaw caw rhawm nawh mai pingnya cuyi sivoe Pharaw, pa mawh simiang meung Ejiptux mai nawh kieh nawh mawh, simiang giex kaing piang meung Ejiptux mai piang nyiex haw nawh khawmuik heue.

2 KAWRINTHUX 8:16

Yaogyaw bwanson Siyiex, pa hoik kieh Titux koe rhawm pa sang nied ti yuh son pex, awm pa koe aux heue.