NEHAMIX 2:6 - Wa Common Language Translation

⁶ Yam an simiang chawk aux ah nin, Laux simiang kawx ngawm praok nawh, “Mawh sang rheeng krax hu maix miex grheeng? sang deeh hoek yam mawx lie? Mawh kheu nan, an hoik mawh pa khaw rhawm simiang sonsang ploi aux hu mai aux hoik tat ti deuh bawg yam heue.

NEHAMIX 2:6 Iomraidhean Croise

NEHAMIX 1:11

Siyiex eue, yuh bwanson daong yhaok Maix Cao nghiet ka lox bwan rawg kawncau Maix Cao mai lox bwan rawg kawncau mau soi Maix Cao khankix, pa koe krax lhat graung ka min ceu kaux Maix Cao mai tawx krax haok hwan ka kawncau Maix Cao ka daux in singaix mai tawx kix pon krax pa caux rhawm, ka plak sivoe ngai pui in liak. Grawh grawng nawh aux hoik mawh cao pa giex kawk nyaux simiang heue.

NEHAMIX 13:6

Viang mawh nan glang yam sinax in khankix, aux ang lai ot ka daux veng Yerusaliem, mawh kheu ka daux bawg yam hoik kwang Atazerit simiang veng Babulon ka haktiex tixngoe ra num tix num, aux deeh hu ka simiang ka daux khaix singaix an aux hoik pon akhwang khaing simiang,

NEHAMIX 2:4

Khaix an simiang ah nin ka aux, “Mawh sang mhaing maix ceu patix?” Mawh kheu nan aux hoik rawg bwan ka Siyiex raoma heue.

NEHAMIX 2:5

Aux ah nin ka simiang, “Phan an mawh pa khaw rhawm simiang mai phan kawncau maix hoik pon krax pa caux rhawm ka plak sivoe ngai Maix, aux rawg maix ploi ti hu ka haktiex Yudax, ka daux veng dee koe simeeig keeing aux khankix, sonsang deeh pon cox sum aux ankix heue.”

NEHAMIX 5:14

Jah bawg yam yaog aux tix mawh cao pa kwang ka daux meung Yudax, jah ka num kwang simiang Atazerit ka haktiex tixnga num, tom hoek tixngoe ra num tix num, glang daux kao ra num, aux mai puxaik aux khankix ang nyang sax ih priex son nyum cao pa kwang khankix tibawg kawx heue.

ISAYAX 58:12

Pui pa kaoh khaing maix, tak cox sum dee pa dawg laux. Maix tak yaog ti deuh num riah baux ju didix mai maix tak kok tix mawh, cao pa deeh cox sum guh veng pa hoik laux khankix mai cao pa deeh cox khre krax laux mai dee ot dee koe pui heue.”

ISAYAX 61:4

Kix tak deeh cox sum dee pa dawg laux leeing khankix, kix tak deeh cox veng pa hoik laux an mai khawm ka dee yiien hu pui ju dix heue.

ISAYAX 65:24

Ka sivoe sang kok kix, Aux hoik pawk lox kix mai yam tak sikah kix, Aux hoik nghiet kah heue.

DANYELAX 9:25

Mawh kheu nan koe krax tawng, ka khaing hoik lih hu gumlox, sonsang deeh sum veng Yerusaliem, tom hoek yam koe simiang pa hoik kham krax pa groi rawm bee, tak sang koe aliah, aliah bawg heue. Khaix hoik luan bawg yam tixgliah ra aliah bawg, krax daux veng mai veng tak sang mawh pa deeh cox sum tix ka daux bawg yam pa tuktiak khankix heue.