NEHAMIX 2:12 - Wa Common Language Translation

¹² Khaix an aux yaog ti kaoh yam ponsawm khawm pui tiblah pa ot tau mai aux mai aux ang krai pui tix kaux kawx mhong ka ceu pa sau Siyiex ka daux rhawm aux, son kaing pa sang yuh tix ka daux veng Yerusaliem heue. Lheu khaing tobrie pa brug aux, tobrie tang mu ang lai koe mai aux heue.

NEHAMIX 2:12 Iomraidhean Croise

EZARAX 7:27

Kieh krax pa yaogyaw bwanson Siyiex keeing ex khankix, pa hoik sau ti deuh pa awm in ka daux rhawm simiang sonsang sum nyiex bwan Siyiex pa koe daux veng Yerusaliem mhawm grang,

NEHAMIX 2:11

Mawh kheu nan aux hoek ka veng Yerusaliem mai ot tan loe ngaix heue.

NEHAMIX 2:13

Aux lih hu plak praix yam ponsawm, ka siviex ngawd mai hoek ka rawm siyawng mai ka siviex seeing, dee tik pui pa seeing brai khankix mai cied ti yaox ka guh veng Yerusaliem pa hoik grhup hoik groing mai siviex khankix pa hoik gleeing ka ngu heue.

YAOGYAW 122:6

Rawg bwan sonsang yiien yawg veng Yerusaliem mai can pui pa moh ka veng an, tak pon pa nyawm rhawm heue.

YAOGYAW 51:18

Kieh rhawm pa gaux rhawm Maix, yuh bwanson ka gawng Zion liak, deeh cox ka guh veng veng Yerusaliem liak.

LOX KAB 12:23

Pui pa koe pingnya satix, nawh chix mox ka ceu pa tawng tix heue. Pui pa caox khankix, chix jhi ka jhawm pa kwa nawh heue.

SIDIEX 3:7

koe bawg yam riah ti tik mai koe bawg yam deeh caing, koe bawg yam yiien yawg mai koe bawg yam sang sikah,

YERAMIX 31:33

Viang mawh nan, in mawh sijax mukheu, pa sang yuh Aux tau mai nyiex ma ceu pui Isarelax khankix heue. Siyiex ah nin, khaix hoik luan singaix bawg yam khankix Aux tak sang sau lox tat jhawm prawng cie Aux ka daux dee keud kix mai tiem piang rhawm kix mai Aux tak mawh Siyiex kix mai kix tak mawh pui Aux heue.

YERAMIX 32:40

Aux tak sang yuh sijax mukheu leeing ju tau mai kix, sonsang ang Aux lai veeh khaing pa sang yuh tix bwanson pa mhawm ka kix heue. Viang mawh nan, Aux tak sang sau ti deuh krax pa chix lhat graung ka daux rhawm kix, son ang kix lai lih hu khaing Aux heue.

AMOT 5:13

Mawh kheu nan, pui pa chix rien tix, tak ot yiien yawg ka daux bawg yam an heue. Grawh grawng nawh, an mawh bawg yam pa kied caox caig heue.

MIKHA 7:5

Paw een rhawm ka paox plawg tix, paw yum rhawm ka paox grawm paox gru tix, priex rien ka daux jheeh maix, khaing moeng pa it ka piang naok maix heue.

MATHIEX 10:16

“Jhak heue, Aux ploi pex hu awm yung hu sinax soxla khankix heue. Kheu nan pex lhak lhiem awm siuing khankix mai ang koe cai awm sikaux khankix heue.

MATHIEX 2:14

Yosiep kaoh teei Kawn nyawm mai miex Nawh mai lih hu ka meung Ejiptux yam ponsawm heue.

2 KAWRINTHUX 8:16

Yaogyaw bwanson Siyiex, pa hoik kieh Titux koe rhawm pa sang nied ti yuh son pex, awm pa koe aux heue.

YAWSUX 10:9

Mawh kheu nan, Yawsux ah ti hoek ka kix dom mawx dom an mai kix lih hu khainng baoh Gilagalax leeing sawm heue.

PLAK JHI 17:17

Grawh grawng nawh Siyiex hoik sau jhawm keud ka daux rhawm rhi kix ti sang yuh hawt alo rhawm Nawh mai ti sang koe kix rhawm tix mu khaing mai ti sang tawx meung kix ka totiag an, tom sidah hoik grum mawh gumlox Siyiex khankix heue.

CAO PRAWNG 6:27

Mawh kheu nan Gideon kok siliex tix khankix kao kaux mai yuh awm pa hoik ah Simiang Siyiex ka nawh, viang mawh nan jao lhat nawh ka pao nyiex keeing tix mai ka pui pa ot ka daux veng khankix, nawh ang pon yuh plak ponngaix mai nawh yuh an plak ponsawm heue.

CAO PRAWNG 9:32

“Mawh kheu nan daux sawm in maix khawm pui pa ot tau mai maix khankix, kaoh mai hu jawm ti pau kix ka daux kaung heue.”