NEHAMIX 2:10 - Wa Common Language Translation

¹⁰ Yam mhong Sanbalat ceu pui Horonix mai Tobix cao kaing ceu pui Amon khankix ka grawng an, kix kied sung sang rhawm ka hoek pui tix kaux sawg ti yuh pa mhawm son kawn praix ceu pui Isarelax khankix heue.

NEHAMIX 2:10 Iomraidhean Croise

NEHAMIX 13:1

Ka daux singaix an kix phat pui mhong ka gumlox phuk lai Mose mai ka daux lai ankix kix yaox krax pa hoik tiiem tix sonsang ang ceu pui Amon mai ceu pui Mawbax khankix, pon laig ka daux sinax cub pui hun cie Siyiex khankix,

NEHAMIX 13:28

Pui tix kaux pa kaoh khaing daux cub kawn simex Yoyadax pa mawh kawn simex cao giex kaing li pa ting Eliaship pa mawh kheue Sanbalat pui Horonix, mawh kheu aux hoik grheu nawh lih khaing tix heue.

NEHAMIX 13:4

Sivoe in cao giex kaing li Eliaship hoik koe sibrawm piang lawg krao priex kraung nyiex bwan Siyiex ex khankix mai hoik yuh paox pie tau mai Tobix heue.

NEHAMIX 2:19

Viang mawh nan yam mhong Sanbalat ceu pui Horonix mai Tobix, pa mawh cao kaing ceu pui Amon mai Geshem ceu pui Arap khankix ka grawng an, kix hoik nyiah mai sibriiem ka ex ah nin, “Pa yuh pex in mawh ceu patix lie? mawh sang deeh tieh feen pex ka simiang lie?”

NEHAMIX 4:7

Yam hoik mhong Sanbalat, Tobix pa mawh ceu pui Arap, ceu pui Amon mai ceu pui Ashadot khankix, ka hoik jhak kix tix cox sum guh veng Yerusaliem mai ka jhak kix tix deeh thox daux doh khankix, kix kied song rhawm ka heue.

NEHAMIX 6:1

Yam hoik mhong Sanbalat, Tobix, Geshem pui Arap mai khawm pui koeng ex pa kawn deuk khankix, ka hoik sum aux guh veng mai ang dee doh lai koe tix dah kawx, viang aux ang nyang sau plah siviex khankix ka siviex veng khankix kawx,

NEHAMIX 6:16

Yam hoik mhong cub pui koeng ex khankix ka grawng an mai ceu pui khawmuik pa ot hawt vung viang ex khankix, hoik yaox ka ceu inkix mai kix hoik kied kaig ka yaox kix ngai cao tix heue. Mawh kheu kix hoik briex tawng ka kaing pa hoik yuh Siyiex ex heue.

ISATA 10:3

Grawh grawng nawh Mawdakie pa mawh ceu pui Yudax, hoik mawh simiang ra kaux tix kaux greem simiang Ashuerux mai hoik mawh pa kied ting lhaong ka daux sinax ceu pui Yudax khankix mai pui hun pa mawh puxaik nawh khankix hoik rieb ti teei nawh daux krax pa mhawm mai mawh pa sawg ka krax pa mhawm son ceu pui nawh khankix mai mawh pa sikah gumlox pa nhim ka doeh ru tix khawmuik heue.

YAOGYAW 112:10

Yam yaox pui pa ang rahsee khankix, song rhawm mai greeik rhang tix mai can kix pa ang rahsee khankix teh hu mai laux leeing grai mu heue.

LOX KAB 27:4

Pa ting rhawm lih koe rhawm caox heue. Pa song rhawm, lih mawh pa luan yuh, pui mawx pon kham tix tiebtie ka pa boh rhawm.

LOX KAB 30:22

siliex pa yaox ti yuh simiang tix kaux mai pui caox pa yaox tix sawm sak tix kaux,

SIDIEX 10:7

Aux hoik yaox ka brug siliex khankix brung mai yaox hu simiang khankix ka caong tix piang tiex awm siliex heue.

ISAYAX 15:5

Rhawm rhi aux hoik yiiem son haktiex Mawbax, pui pa to khankix tak to hoek ka veng Zawrax, awm to kawn mawie shiang pa koe loe num heue. Kix yiiem khawm haok tix blaong Luhit, mawh kheu ka daux krax hu plak veng Hawronem, kix tak ploi lox yiiem tix kheu hoik laux leeing tix heue.

YERAMIX 41:10

Khaix an Ishamelax hoik viex pui pa kawn deuk khankix pa ot ka daux veng Mizapa, hu mawh pui pa giex laung khawm kawn bun simiang mai pui pa kawn ot ka daux veng Mizapa khankix, ka pui pa hoik ap Nebuzaradan cao kaing naing piang pui naing pa pon simiang khankix ka Gedalix kawn simex Ahikam heue. Ishamelax kawn simex Netanix, hoik viex kix hu mawh pui pa giex laung mai viex kix hoek bleeh ka ceu pui Amon khankix heue.

YERAMIX 48:34

Lox yiiem jah ka veng Heshabon tom hoek ka veng Elale mai veng Yahat, kix yo lox tix lih khaing veng Zawrax tom hoek ka veng Horonem awm lox mawie shiang pa tak kawn koe loe num heue. Grawh grawng nawh, rawm dung Nimarim tak mawh dee yiien pui ka heue.”

YERAMIX 48:5

Kix hoik haok yiiem ka gawng Luhit, grawh grawng nawh, pui koeng khankix hoik mhong ka lox yiiem yo khaing krax lih ka veng Horonem grawng pa laux leeing heue.

KAWNCAU 4:2

Kix sung sang rhawm kheu sidiex gau kiex pui khankix, ka grawng pa deeh kaoh im pui khaing krax yum ka daux Yesux heue.

KAWNCAU 5:24

Yam mhong cao giex kaing nyiex bwan mai cao giex kaing li pa ting khankix ka lox an, kix keud ang doh, grawng in tak sang yuh ka mawx.