NEHAMIX 13:10 - Wa Common Language Translation

¹⁰ Aux hoik deeh tawng ka ang pui Lewix khankix nyang bax pon nyum pa khaw tix tawx ka kix pa mawh pui Lewix khankix ku kaux mai cao pa rhax lai pa yuh kaing jhaw khankix mai hoik deeh ing ka tong kaung tix heue.

NEHAMIX 13:10 Iomraidhean Croise

2 GRAWNG BEEN 31:4

Lheu khaing an nawh tawx lox tix ka pui pa ot ka daux veng Yerusaliem khankix, sonsang tan kix ti tawx nyum ka son cao giex kaing li mai pui Lewix khankix, sonsang pon sau kix riang rao tix ka gumlox been Siyiex heue.

NEHAMIX 10:37

Viex blah phawng nghox ca pa hoik klu klao pa liang ti yuh khankix mai krax tan khawm plix khaox plix ox kuceu mai rawm plix siiet pa khraox, rawm bee pa khraox khankix, hoek ka cao giex kaing li daux lawg pa koe ka daux nyiex bwan Siyiex ex, sonsang viex kao son tix son hoek khaing haktiex cao ex ka pui Lewix khankix, mawh kheu pui Lewix mawh cao rieb kao son tix son khaing daux cub pui yuh kaing ma khawmuik heue.

NEHAMIX 10:39

Grawh grawng nawh kawn praix ceu pui Isarelax mai kawn praix pui Lewix khankix, tak viex krax tan phawng nghox ca im mai rawm plix siiet pa khraox khawm bee, hoek ka daux lawg priex kraung ka dee koe kraung sinngao pa singax singeh khankix mai ka dee ot cao giex kaing li pa yuh kaing jhaw Siyiex khankix mai cao pau siviex khankix cao rhax lai khankix, mai ex tak ang pon prah ka nyiex bwan Siyiex ex heue.

NEHAMIX 12:47

Ka daux baux singaix Zerubabelax mai ka daux baux singaix ju Nehamix khankix, ceu pui Isarelax khawmuik hoik tang tawx nyum son cao pa ah lai rhax mai son cao pau siviex khankix, nyum pa caw kix tix pon son ku singaix, kix hoik tang gwieh tix tan ceu pa singax singeh an khankix son pui Lewix mai pui Lewix khankix hoik dee tang gwieh tix tan ceu ankix, son kawn praix Arun khankix heue.

ISAYAX 43:23

Pex ang lai viex yung, sonsang yuh krax tan pa gleeing ka Aux mai ang lai tawx min ka Aux ka daux krax tan pa yuh tix, Aux ang tie kieh pex nyhap mao mai yuh krax tan mai ang lai taug mao kheu tok nyawng bhawng.

MALAKHIX 3:8

“Pui khiex sang tud rhim kraung cie Siyiex lie? Viang mawh nan, pex hoik tud rhim kraung cie Aux. Pex deeh chawk ah nin, “Ex hoik tud rhim kraung cie Maix ka ceu patix lie? “Mawh khaing ka daux kao son tix son mai krax tan khankix heue.”

SIMIN 35:2

“Tawx lox maix ka pui Isarelax khankix mai kieh kix tawx veng ka ceu pui Lewix, sonsang ot kix ka daux, khaing haktiex sinngao cie tix mai tawx haktiex pa koe hawt vung viang veng an ka ceu pui Lewix khankix.

PINGNYAP 12:19

Yuh satix pex, son ang pex piawm ka ceu pui Lewix khankix, glang yam kawn im ju pex ka haktiex dee ot pex.