NEHAMIX 11:1 - Wa Common Language Translation

¹ Cub cao kaing pui khankix hoik ot ka daux veng Yerusaliem mai cub pui pa kawn deuk khankix hoik nieb ti yaox khaing daux pui kao kaux, tix kaux an tak tawx ot daux veng Yerusaliem veng pa singax singeh mai pa kawn deuk dim kaux khaing kao kaux an, tak ot ka daux veng tang dah dee heue.

NEHAMIX 11:1 Iomraidhean Croise

1 GRAWNG BEEN 26:13

Kix khawm pui iak pui ting ku kaux yuh nieb sonsang pau ka siviex veng ku mu, awm pa koe doeh nyiex ma keeing kix heue.

1 GRAWNG BEEN 8:28

Inkix hoik mawh cao kaing khaing daux nyiex ma keeing kix awm pa koe doeh ru kix, pa mawh cao kaing ting heue. Pui inkix hoik mawh pa ot ka daux veng Yerusaliem heue.

1 GRAWNG BEEN 9:1

Mawh kheu nan ceu pui Isarelax khankix mawh pa mhai ti deuh awm pa koe doeh ru kix, grawng kix hoik mawh pa tiiem ti deuh ka daux phuk lai been cub simiang Isarelax khankix, mawh kheu pui Yudax khankix mawh pa viex ti hu mawh pa giex laung ka veng Babulon, kheu jao ang kix koe krax pa kaux sijax heue.

1 GRAWNG BEEN 9:2

Cub pui pa liang tix hoek ot ka daux singao haktiex ka daux veng cie kix mawh ceu pui Isarelax, cub cao giex kaing li ceu pui Lewix mai ceu pui khankix pa kham ti yuh kaing jhaw nyiex bwan Siyiex heue.

1 GRAWNG BEEN 9:3

Yam in cub kawn praix ceu pui Yudax khankix hoik ot ka daux veng Yerusaliem, tau mai cub kawn praix ceu pui Benyamin tiblah mai cub kawn praix Epharem khankix mai ceu pui Manashe khankix,

NEHAMIX 10:34

Ex nieb ti yaox ka daux sinax cao giex kaing li, pui Lewix mai pui hun khankix, sonsang viex kix khix son krax tan ka daux nyiex Siyiex ex, awm pa hoik yuh cub nyiex ma keeing ex khankix, ka daux bawg yam pa hoik tat ti deuh tix num hoik tix num, sonsang gleeing tix piang khu dee tan Siyiex ex, awm krax pa hoik tiiem ka daux lox tat jhawm prawng heue.

NEHAMIX 11:18

Pui Lewix pa ot ka daux veng pa singax singeh khawmuik koe ra yieh tidaix pon kaux heue.

NEHAMIX 4:22

Ka daux baux yam an, aux baox ah nin ka pui khankix, “Kieh pui ku kaux mai kawncau nawh, ot daux veng Yerusaliem ponsawm, sonsang mawh kix cao pau ex daux ponsawm mai yam yuh kaing plak ponngaix heue.”

YAOGYAW 122:5

Dangngeung dee prawng ca hawt beenli mai dangngeung ceu cad simiang Davit koe tan heue.

YAOGYAW 122:6

Rawg bwan sonsang yiien yawg veng Yerusaliem mai can pui pa moh ka veng an, tak pon pa nyawm rhawm heue.

LOX KAB 16:33

Ex nieb ti teei lai pa koe daux bau kawx, cao pa hoik laug ti teei tete mawh Siyiex heue.

ISAYAX 48:2

Kix kok cao tix mawh pui veng pa singax mai deuh rhawm tix ka Siyiex pui Isarelax, ceu kaux Nawh Cao mawh Siyiex cao kru naing raoma.

ISAYAX 52:1

Veng Zion eue, siduad heue, siduad kaoh mai teei riang rao maix heue. Veng Yerusaliem, pa mawh veng pa singax singeh eue, ceep kraung pa mhawm grang maix khankix heue. Grawh grawng nawh, pui pa ang nyang pat hak tix mai pui pa ang nyang singax singeh khankix, tak ang lai hoek ka maix khaix in heue.

MATHIEX 27:53

Kix lih khaing daux simeeig khaix hoik kaoh im Nawh Cao mai laig ka daux veng pa singax singeh mai plak jhi ka pui tom nie heue.

MATHIEX 4:5

Yam an Phicaox baoh viex Nawh hu ka daux veng singax mai deuh Nawh piang dee choek nyiex bwan.

KAWNCAU 1:24

Kix rawg bwan ah nin, “Simiang eue, Maix pa tawng rhawm kawn pui khawmuik, ka daux kiex ra kaux pa hoik laug Maix, mawh kaw pa yuh ka mawx jhi ex yaox liak.

KAWNCAU 1:26

Kix nieb ti yaox grawng kiex mai caw ka Matthix heue. Simin nawh tau mai kawncau pa ting kao tix kaux an heue.

YAWSUX 18:10

Khaix an, Yawsux yuh krax pa cawk nieb, ka son kix ka daux veng Shilaw, ka plak sivoe Siyiex leeing ju heue. Yawsux gwieh ti tawx haktiex ka pui Isarelax khankix tan, awm pa koe cub kix heue.